沖繩丼 ($198)
-
荃灣路德圍附近又有一間新日本餐廳開張，
後嚟先知原來前身一番爐端燒喺銅鑼灣已經有近30年歷史，
上年年頭光榮結業後依家終於喺荃灣重出江湖，
雖然之前無幫襯過一番爐端燒，
但始終本身佢哋已經有一定經驗，
所以食物水準的確無令人失望🤤
每款丼飯份量十足而且刺身之多毫不吝嗇，
餐牌上列明沖繩丼包括三文魚腩、
鱆紅魚、帆立貝、赤蝦、海膽、海葡萄同時令魚，
但當日食呢碗就唔見有海膽反而有三文魚籽，
不過以質取勝每款刺身都相當厚切鮮美，
而且特別加上海葡萄鹹鮮爽脆♪(´ε｀ )
火炙魚生丼($138)將三文魚、左口魚、
帆立貝同魷魚炙燒過後不失鮮味之餘更添一份燻香，
尤其是三文魚同左口魚逼出魚油更加豐腴🤤
另外仲嗌咗其他炸物同卷物，
炸物即點即炸呢啲首要條件固然達到，
個人特別鍾意南瓜芝士流心餅($38)，
外層酥脆而南瓜蓉綿密香甜，
同芝士微微鹹香出乎意外地毫無違和感；
蟹肉忌廉餅($38)以往喺其他地方都食過好多次，
所以驚喜唔大但半溶化忌廉同薯蓉融為一體，
餡料軟滑細膩始終都係百吃不厭🤤
花之戀($48)雖然好似好普通無咩技巧可言，
但一份兩件而每件都係巨無霸size，
用上幾大片肥美油潤嘅三文魚腩，
沙律醬份量唔會過多反而舖上滿滿嘅蟹籽🤩
.
———————————
📍天竜 (荃灣)
荃灣昌泰街11號地舖
———————————
.
.
