1860年3月 咸豐十年 160年前意大利攝影家Felice Beato (新完善版)英法聯軍艦隊到達香港後北上，第二次鴉片戰爭。
香港存世已知最早照片之一研究分柝 (怎樣將見個照片尋找意義，有如探測器到火星探測）
中環 #美利炮台大炮，古之 #尖沙嘴村 影像發現，#訊號山〔大包米〕村莊 ，紅磡古貌，#紅磡觀音廟同一位置前世今生 發現，中環臨海大樓(今德輔道中畢打街交界會德豐大厦位置) 九龍已經消失 #官涌山，#油麻地古貌地形，古之 #大角嘴山背影像，已經消失 #深水埗西角山，長沙灣等。
英國佔據後→〔尖沙嘴村〕被滅村，九龍角山上 建〔炮台〕〔建九龍第一間堡壘式警署→後1884年建成〔水警總部〕今為〔1881商場〕·
古之〔尖沙嘴村〕〔尖沙頭村〕可信影像發現，英國接管南九龍後已被滅村。
饒宗頤響佢篇港九龍前代考古雜錄，就講話粵大記圖上嘅尖沙嘴係一條村。新安縣志亦都有尖沙頭呢條村名。呢條村到咗英國人發展尖沙嘴先至消失。
不過響英國文獻1863年地圖上面，尖沙嘴係舊水警總部嗰個尖，尖後面一直到今日九龍公園都係山。另一邊係今日天文台山。而個尖東面突出座山仔，即係今日嘅大包米。而大包米到天文台山之間嘅漆咸道，就係當時嘅海皮沙灘。而呢個尖同大包米係夾住個灘，叫尖沙嘴灣，或就咁叫沙嘴灣。而嗰三座山之間都係田。田裏面近大包米有〔尖沙頭〕呢條村，近天文台山海皮有〔尖沙圍〕。
大明同大清指尖沙嘴對出海面做中門，因為呢度比起其他兩邊窄，好似個海峽咁。之所以叫中，就係佢東面有鯉魚門，西面有急水門（今日汲水門），啱啱響中間。
響大清割讓九龍畀英國之前，呢度個地方都有幾條村。新界運來嘅香木會集合到尖沙嘴運出口。另有一個講法係會再運到香港島石排灣先出口。所以，呢度就有另一個名叫〔香埗頭〕
照片所見村落密集，證明是九龍未開發時最繁盛村落，後英國接收南九龍將村民被迫遷徙到油麻地（今天后廟附近）（使19世紀油麻地是九龍最繁盛地區，人口2萬）
節錄 信報文章，尖沙嘴村一頁辛酸史。
話說英國佔領九龍，大舉建設軍事基地，於是將尖沙咀村和尖沙頭村清拆，至1864年，將村民安置到油麻地天后廟一帶；歷史教授張偉國根據1884年的地圖找到尖沙咀村遺址——在尖沙咀東西向或南北向的街道之間，有一菱形地段，極可能由於闢建街道時遇有村落而要轉彎抹角，他從而推斷，河內道周邊（加拿芬道、赫德道及康和里）一帶，乃其時劃為華人居住區的尖沙咀村遺址。
話說1839年7月，英國水手與尖沙咀村村民發生衝突時曾搗毀一座神龕，鬥毆時引致村民林維喜重傷不治——此一神龕，可能就是現今海防道橫巷內的四大天王福德古廟；尖沙咀有不少教堂，還有清真寺，但此廟卻是尖沙咀區唯一保留下來的華人廟宇，何以如此？說來與尖沙咀重洋輕華的辛酸史相關吧。
根據掌故專家魯金記載，此廟於1979年8月開光時，找到一位82歲的老街坊，他自稱熟知此廟歷史，指出古廟前身正是尖沙咀村的神龕——苟如是，真是教人思之惘然了。
#歷史時空
油麻地古貌地形 在 油麻地古貌地形 - YouTube 的推薦與評價
街交界會德豐大厦位置) 九龍已經消失#官涌山，#油麻地古貌地形，古之#大角嘴山背影像，已經消失#深水埗西角山，長沙灣等。 From the video description. ... <看更多>