泰式酸辣粉絲沙律
炎炎夏日，入廚房煮飯真係又熱又辛苦，煮完都無乜胃口食。諗下有咩餸菜既方便又開胃呢？我最後都係首選煮泰式餸菜！
好似今日我呢個自創嘅泰式酸辣粉絲沙律一樣。其實個靈魂就係喺個支泰式辣汁☝🏻辣汁在一般嘅泰國Store雜貨鋪都會買到。而這汁就算自己整都唔難嘅佢裏面主要嘅材料就係羅望子水！
有隻叫泰國嘅酸子即係羅望子，就將佢浸係水裡面，溶解成淺啡色的汁液，再加啲蒜蓉、辣椒、魚露同沙糖。咁就可以打成一個泰國嘅酸辣汁！
材料
。泰國粉絲兩包或龍口粉絲兩包
。紅黃燈籠椒各一個，切絲備用
。紫洋蔥¼個，切絲備用
。薄荷葉、金不換葉各10多片切絲備用
。大青瓜一條，刨絲備用
。魚片¼條，切絲備用
。超市急凍蝦仁一包，洗淨備用
。鹽焗花生30粒，磨碎備用
。泰國辣汁一小支，隔渣備用。另外留起一半的渣與汁撈勻。
做法
。青瓜用刨絲器刨好後，用兩茶匙粗鹽撈勻放冰箱30分鐘，取出揸去多餘水份備用！
。將粉絲浸軟，再放入煮滾的雞湯中淥3分鐘，盛起用凍水沖洗，盛起備用。
。急凍蝦仁用生油、生粉、鹽、胡椒粉醃30分鐘，再用鑊煎香至兩邊金黃色或直接放入200度氣炸鍋炸7分鐘至金黃色
。然後準備一個大的沙律盤，將所有材料放入。並將粉絲略為剪碎，再加入泰國辣汁。全部撈勻放入冰箱雪凍，即可取出食用。
泰式 酸辣粉 做法 在 「泰式炒河粉」家常版做法！3 樣調味料炒出酸辣美味 - Facebook 的推薦與評價
... <看更多>