【信用評級？評級展望？】
用三十年摧毁一個「福地」，制度壞了就可以
繼惠譽（Fitch）調低評級之後，穆廸（Moody's）亦將香港嘅展望降到「負面」。任何立場同身份嘅人，大可以跳出黎賴呢樣嗰樣，指責邊個嗰個。不過，睇到呢兩個評級機構嘅報告，不禁聯想起上星期死咗嘅津巴布韋所謂國父，穆加比（Robert Mugabe）。因為佢就示範咗，點樣用三十年「當家作主」破壞制度，令津巴布韋由「福地」變成全世球最窮嘅國家。
咪以為呢個非洲差啲最長命嘅總統同香港完全無關，佢响香港有唔少豪宅，個女係城大校友，老婆仲試過响香港Shopping打記者添。津巴布韋曾經係廢國殖民地，當年被稱為「非洲糧倉」，而首都係全非洲最大嘅農產貿易中心，係咪有啲熟口面呢？穆加比當年「反英抗暴」，成功之後仲趕走所有白人「地主」玩土改，順便退出英聯邦，有民主得黎可以無限永續。每個國家都有歷史仇恨，而且國情唔同，唔敢話啱定錯嘅。但係三十年後津巴布韋，就係全世界最窮嘅地方。而津巴布韋貨幣貶值，相信已經破咗世界紀錄，2008年通脹兩億個percent（依家好似已經無貨幣）。
其實一個地方嘅失敗，係咪關裡面嘅人事呢？相信唔係，津巴布韋人嘅教育水平差唔多係全非洲最高，文盲仲少過某啲東亞國家㗎。問題就係制度，制度壞咗人民做乜都無用。到津巴布韋人民醒覺又點呢，軍事武力政變推翻穆加比又如何？正如《Financial Times》記者响穆加比出殯當日，訪問一個津巴布韋人講”we just changed the driver, but the bus is the same”。
一架車壞咗，換個咩司機都無用，所以...save it before it is too late...
#唔太理想嘅聯想
#唔想再想嘅結果
