《 🎏 開團：好好生活跟隊區 （期間限定） 》
2021年說那時快又過了一半。仰望蒼天嘆口氣，咁又半年。
計劃撚山羊寶寶年頭訂下一堆計劃，做唔做到一回事，懶有plan感覺元氣滿滿。
📈上半年appraisal結算：
✔️有調節一點點飲食，少少咁大把，大量進步空間
✔️開始番運動，有點懶散但有好過無
✔️看了廿幾本書
✔️和丫完成考小，選定小學
✔️頭幾個月減少了碌無謂電話頻率，近日退步
✔️輸出文字有增加少少，掌聲鼓勵唔該
✔️有賺錢
✔️煮食次數比去年困在家中減少，廚藝零進步。但學識整蘿蔔糕。
✔️有接觸大自然
➖➖➖
這兩星期有點家事生活一團糟，亂吃又晚睡。步入下半年，趁機作出整頓、reset。
昨夜在IG STORY發起「好好生活」計劃，亂問有無人跟隊，暫時集合了42個人舉手，已成團 （五人成團）。
🥊 成團後有咩做？無。
無計劃無規定無方向無指引俾大家，唔會監管，團友們請自律＋自由發揮 （ 你生活上還未夠監管和指引嗎.......）
🪐說說我下半年計劃：
▪️多飲水 （這個能輕鬆完成，我飲好多水）
▪️叫我女多飲水
▪️保持運動習慣，忙碌時拉個五分鐘筋都好
▪️坐直坐直
▪️不要蹺腳
▪️12：30am前入睡
▪️注意飲食，減少吃垃圾，增加自煮
▪️多閱讀，多看不同類型的書
▪️減少看垃圾資訊。
🔍唔知點樣樣間中拿著手機碌一大堆垃圾，有時放空亂碌沒錯是輕鬆，做人沒必要每秒關注國際大事；但花太多時間亂碌，思緒也亂糟糟
▪️開始進修
🔍story也提過，本身是但報個校外課程文憑唸唸自我增值少少，怎料報名後竟開唔成班 （暈～）。最爆係有四個網友說本身想報但諗來諗去。咪就係爭你地四個囉！！ 再考慮轉讀其他課程但deadline晒，隨意找了個在deadline前一天報名。上次進修已是丫出世的前一年，活到老學到老，維持學習習慣。如你想進修，瑜珈書法日文廚藝咩都好，現在去啦不要諗到過晒deadline
▪️增加文字輸出。昨晚和一號隊友 （偏吃書虫）聊起閱讀後再寫書虫分享，除了拖人入坑，最重要的是輸出文字可整理想法。
▪️遠離是非精，把時間花在值得的人身上
▪️選擇做個善良的人
－－－－－
暫時隊友號碼去到42號，歡迎隨意留言跟機。
跟機後自己計劃下半年目標；不用抄我，想抄都可以；不要訂些天比高的計劃。
🤼♀️ 大家圍爐目的是：世界紛亂，因此更需要好好過活令身心強大去過日子。
🧘🏻重申，無任何計劃，唔好問我你要做咩，我自己都未顧好。
🤸🏻無group，無口號。加個號碼只是增加團隊精神儀式感，大家坐埋同一條「對世界無奈但知道還要好好活下去放長雙眼」的船仔上。
🎐「期間限定」只是增加稀有感。
但，你的日子和生活，其實只是期間限定的，把它過好吧。
活到老學到老日文 在 终身学日语活到老学到老::日文听力越听越习惯 - YouTube 的推薦與評價
... <看更多>