關於 海洋公園攻略小朋友 ，我們在網路上蒐集到這些相關的討論、資訊與評價

//#長文 // 海洋公園水上樂園全攻略 （下）
去水上樂園玩，感覺好青春！
@waterworldoceanparkhk 玩一次都唔平，目前未知有冇annual pass
根據官網嘅描述，好似價格可升可跌，有時仲會有早鳥優惠
真係要好好哺住先有著數
咁難得入去玩，梗係要做好準備！

⭐儲物篇⭐
一入到去有好多locker
Regular Locker $120/day , Family Locker $200/day
每人帶少啲嘢，幾個人租family lockers其實都okay嘅，總之盡量輕便
租咗後，記得影低locker號碼，同手帶上嘅QRcode， QRcode相片同樣可以開locker，唔使得一個人可以去locker攞嘢

⭐行裝篇⭐
著三點式當然好，free fall只能穿貼身泳衣、泳褲
所以著防曬衣好似好d，唔使驚走光
著水陸兩用涉水鞋最好，拖鞋有啲設施都唔著得，要用手穿住
除咗 free fall 嘅三條梯唔准着之外，所有設施都可以
😷😷 帶布口罩吧，除了在水中不用配戴外，其他時間都要帶
一定要帶防水袋，裝必要用品，特別係有小朋友的，帶小朋友零舍多野😂
唔好帶貴重嘢，有啲設施連電話防水袋都唔可以帶，要租一次性迷你locker$20/次
帶漏啲咩嘢唔使驚，係威威水地帶旁有裝備店
場內有救生衣，唔使帶水泡畀小朋友

⭐沐浴篇⭐
更衣室有分男、女、Family，有沐浴露提供
Family係一間大房入面有齊廁所同埋浴室，私隱度高
大約有10間左右（唔知有冇另一個Family Room）
但因為family一定有3-4人，沖涼時間就長少少，都較難等到㗎～
類似嘅淋浴間數量幾多，高峰時期都需要排隊，秩序良好

⭐交通篇⭐
海洋公園正門有免費接駁巴士，記得上網預約
如果想揸車入去，記住預先係網上登記訂位

⭐飲食篇⭐
🥤🍡🍜 場內有 food court型式嘅餐廳同自助售賣機等，提供各式食品飲品🍲🍜🍝🍔🥤🧃☕🍵

仲有啲咩問題隨便留言問😊❤️

//#長文// 海洋公園水上樂園全攻略 （上）
我捉到夏天條尾喇！
去咗 @waterworldoceanparkhk 玩咗日
真係好多野玩！
大人細路都玩到唔願走，玩到人哋閉園！ #sohappy◽️
大約預閒閒地玩6個鐘都差唔多，仲要換衫沖涼

⭐高度限制設施⭐
衝浪先鋒⭐⭐⭐ 每次只可有一個人玩，都幾考技巧
雙子梯⭐⭐⭐入園熱身之選
八彩天梯⭐⭐⭐⭐⭐📷競賽式滑梯，一班朋友一齊玩最開心
急流漩渦 ⭐⭐⭐⭐⭐有速度有離心力刺激好玩
其他神秘迷沖、沖天瀑布、極速迴環、深谷飛瀑📷、勇者之巔
都因為要湊仔而未有時間去試玩
下次入場一定要試！
最想試深谷飛瀑！2秒達陣係咩感覺！😂😂

⭐合家歡設施⭐
威威水地帶⭐⭐⭐⭐⭐超好玩嘅互動嬉水區，有不同刺激度嘅滑梯，又有幼兒嬉水池，3歲到10歲都適合玩
急流旅程⭐⭐⭐⭐📷一邊飄一邊欣賞日落無邊海景
天海灣/湧浪灣⭐⭐⭐⭐📷室內室外造浪池，曬太陽又得，玩浪又得
飄流探秘⭐⭐⭐⭐⭐室內飄流河，在水泡上享受懶洋洋的感覺，當然你喜歡游水都得😂

咁多遊樂設施，真係6個鐘都唔知夠唔夠玩！
老老實實，如果小朋友矮過110cm，刺激啲嘅設施都玩唔到
咁入到去，冇理由乜嘢刺激設施都唔玩
我建議幾個方法：
1️⃣兩公婆輪流玩，但係都係玩到啲單人設施，而且都小小無癮
2️⃣帶埋姐姐入去，叫姐姐睇住佢，但玩水始終有風險，自己考慮個姐姐信唔信得過
3️⃣同多幾個家庭一齊入去，可能3個家庭以上，一對父母睇三個小朋友，都勉強可以應付，如果啲小朋友聽話！咁起碼有啲多人嘅設施都玩到，同朋友一齊玩始終個人啲
4️⃣直頭唔好帶小朋友去😂😂😂😂

不過假日我始終都係想親子下，大家覺得呢？

來分享一下今次「海洋公園水上樂園」親子遊樂資訊吧❣️

泊車🚘
直接泊水上樂園，預先網上預約車位，$200/閒日，$250/星期六日及公眾假期，停車場與入口只需步行3-5分鐘

餐飲🍱
園內有不同餐廳同自動販賣機，樂園黎講，我覺得價錢合理，質素正常～（圖8作參考）

衣服🩱🩲
泳衣外可以加Tee，但有啲刺激游戲（free fall)就一定只可以著貼身泳衣，背後唔可以有拉鍊，金屬扣等. . .

水陸兩用鞋🩴
強烈建議著水陸兩用鞋，基本上所有設施都可以著水陸兩用鞋玩，如果著拖鞋或有後扣晾鞋就要除鞋玩，唔想成日顧住對鞋呢，就買返對水陸兩用鞋，尤其小朋友，淘寶/Decathlon 幫到你～

防水袋👝
唔好大，2Lite內最好，大部份設施都可以揹住個袋玩，（我袋內放口罩套，手掌大少少嘅小膠水樽方便園內飲水同加水，紙巾），如你戴隱形眼鏡，最好帶多副做後備，袋唔放貴重物品，唔見左個袋都無咁驚🤪電話另外放電話防水袋，信用卡同八達通就zip入電話殼，全程揹住無問題👍🏻

救生衣⛑
園內提供小。中。大救生衣

口罩😷
口罩除玩時唔可以戴，其他時間都要戴住，建議用重複使用口罩，最好帶多個做後備，因為玩到最後口罩濕晒都可以有替換

更衣室及沖涼🚿
沖涼一格夠我同兩個女一齊入，有提供梘液，暖水同埋柔弱水力的蓮蓬頭。無風筒，但有多部可調教角度嘅吹風機

Locker 🧰
偏小，Family Size Locker （$200@）都只係夠放一個大背囊同多少少嘢，建議儘量輕便行裝入園 (圖9作參考 - Family Locker)

商店🛍
若然真係帶漏嘢，園內都有商店，可以買到大部分玩水用品，包括防水袋、水陸兩用鞋、重複使用口罩、BB游水片. . . 等等，Arena , Barrel, Billabong, Cross . . . 等牌子產品都有～

水上樂園遊樂設施💦
身高高於120cm嘅小朋友大部分遊樂設施都玩到，在乎於夠唔夠膽玩😌。120cm以下嘅小朋友主要玩唔到大型滑梯，但都有好多設施可以玩，特別係威威水地帶，可以玩好耐都唔願走🤪～威威水地帶嘅兒童嬉水區同室內造浪池都係恆溫水，唔怕幼兒凍親👍🏻。

⭐️總結⭐️
門票價錢，對比外國嘅水上樂園，確實唔算貴。園內雖有不足之處，但我覺得絕對值得去玩～畢竟之前要去其他國家先玩到水上樂園，但依家香港🇭🇰就有一個❣️小朋友真摯嘅歡樂笑容，由入園到離開一刻都掛喺臉上～

👧🏻👧🏻：爸爸媽媽，我今日真係好開心～❤️

香港海洋公園 Ocean Park Hong Kong

#eqmama #海洋公園水上樂園攻略 #海洋公園水上樂園攻略親子篇 #WaterWorldOPHK #SplashintoAdventure #365DaysAllWeather #海洋公園水上樂園 #探索自然激浪無限
#全年365日全天候開放 #期待酒店快落成 #咁就可以Staycation😍

【關西•和歌山親子旅遊】Adventure world 冒險大世界! ??
我哋去完熊貓村Panda village ?之後，就去左大阪超大型既主題動物公園「Adventure World」?，推介大家參加「Dolphin feeding 」?「Animal action 」?同「Safari world」 ，小朋友可以超近距離同動物親密接觸，好多都係獨一無二既體驗，好似同海豚一齊唱歌，握手....除咗大量機動遊戲之外，呢度嘅海洋表演亦都好值得睇?。

⭕️全部都係一個景點包晒，小朋友學到體驗到亦都有得玩，去完之後又有啲攻略心得分享，到時再話比大家聽啦?

#AdventureWorld #Dolphinfeeding #Animalaction #Safariworld #和歌山親子旅