成日話小朋友學野快，
我諗其中一個原因係比起大人，
佢地更加大膽。
就好似溜冰⛸️，
跌就少不免架啦。
跌低，
➡️對於小朋友係一個動作，
➡️但對於大人，
跌低係代表一連串有可能發生嘅意外，
例如會擦傷流血，
會拗柴，
會骨折，
會撼親個頭昏迷，
會俾其他溜冰鞋輾過而斷手指⋯⋯
🩸係咪好得人驚，好恐怖呢？
發生機會率雖然唔高，
不過大人個腦比起細路更加會聯想到不同嘅「後果」，
於是就識驚，
一驚就好難放開懷抱，
自然做咩都會就住就住。
有時學新野最大嘅障礙就係自己。
你怕學唔識嘥錢嘥時間，
驚俾人笑，
驚學完都唔知為咩，
驚被人搵笨，
驚整親⋯⋯
一大堆嘅想像好似樹枝🍂咁散開，
漫延再纏繞著自己，
令自己無法動彈，
走不出固有嘅舒適圈。
科學上其實真係有研究講過，
大人學野慢過細路就係因為諗太多！
原因係大人大腦嘅執行系統已經發育完成。
咁大腦嘅執行系統主要負責咩嘅呢？
工作記憶、推理、計劃、注意力、
抑制和控制呢啲都係靠大腦嘅執行系統。
簡單啲就係你做每一個決定都牽涉到呢個系統。
重點嚟喇🌟
執行系統係我地大腦中最遲發育嘅部分。
而呢個好可能係為咗俾小朋友學到更多嘅知識。
當小朋友可以避開思考好多「後果」，
佢地就可以更單純去做一樣野。
有得必有失，
想得太多嘅成熟想必就係我地每個人用青春嘅跌碰所交換，
而呢個交換過程總係靜靜雞就完成咗。
#三五成群 #圍爐廢噏 #溜冰令我思考 #港台體壇123運動挑戰賽 #聽講遲啲播 #歡迎睇我地__
港台32 在 #港台電視32 - YouTube 的推薦與評價
【慶祝香港回歸25周年大會暨第六屆特區政府就職典禮】現場直播 · 香港電台視像新聞RTHK VNEWS. 香港電台視像新聞RTHK VNEWS. •. 475 views 3 months ago. ... <看更多>