今日父親節，食飯嗰陣老豆同我講咗一個以前發生喺我屋企嘅恐怖故事。
話說小學三年級嗰年，我屋企好急咁搬咗一次屋，連傢俬都未搬，我哋全家執咗啲日常用品就搬咗去新屋。
老豆話，嗰段日子做生意同一個競爭對手結咗怨，之後屋企每晚半夜都收到滋擾電話，因為驚仇家會搵上門先咁急搬屋。
佢問我記唔記得呢件事。
我心諗，梗係記得啦…不過件事唔係咁簡單。
我同老豆講：「我記得呢件事，不過咁多年都無同你講，其實唔關你生意嘅競爭對手事，屋企不斷有電話響係有其他原因。」
唔知大家細個有冇玩一個好無聊又好無公德心嘅遊戲「玩電話」呢？
當年未網絡世界，連手機都仲未普及化，有錢嘅人仲用緊大哥大。所以每個屋企都會有一個固網電話。
以前有段時間我喺屋企無聊就會玩電話，先打「133」等對方唔好顯示來電號碼，然後亂咁撳一個電話號碼，再扮聲去整蠱人。
「喂～你屋企爆屎渠啊～」
「想搵你阿媽，佢買餸漏低咗隻雞！」
「你好，我哋係電力公司，請你快啲熄晒所有燈，因為你無交電費！」
對話好無聊，對方亦會好快Cut線，就算佢鬧我，我都會繼續講多幾句先收線。
有一次，我打咗去一個好古怪嘅電話。個電話響咗好耐先有人聽，但對方一拎起電話時無出任何聲，連「喂～」都無。
個電話維持咗好耐都無收線，於是我開始講嘢：「起身啦～夠鐘食宵夜啦！」
隔咗幾秒，對面有一把女仔聲跟住我講：「起身啦～夠鐘食宵夜啦！嘻嘻～」
當時我呆咗一呆，因為從未試過遇到咁嘅狀況。
雖然只係短短一句，但我聽得出把女仔聲嘅年紀同我相約，我仲好興奮咁不斷同佢講嘢，而個女仔亦不斷重複返我嘅說話。
「妳唔好淨係識得抄我啦！」
我好大聲咁鬧完佢呢句，對面靜咗幾秒，個女仔突然講：「我媽咪返嚟啦。」就好快收咗線。
就係嗰次之後，怪事就發生…
當晚嘅半夜，我好記得係凌晨2:18分，屋企電話響起。
當時屋企部電話除咗客廳有一部主機，我間房仲有一部「分機」，方便我聯絡同學傾功課。
我喺自己房瞓到一半被電話聲嘈醒咗，就拎起電話：「喂。」
但對方無講嘢，我一聽就收咗線。
第二晚嘅同樣時間，電話再次響起。我開始意識到係咪玩電話出咗事，唔通係嗰個女仔？但因為我係亂撳個號碼，所以我已經唔記得自己打咗幾多號。
明明我有撳「133」，點解佢識得打返電話返嚟？唔通我唔記得咗撳？而家佢阿媽打返嚟鬧我？
如是者連續幾晚個電話都喺同一時間響，響嘅時間亦愈來愈耐，有時仲會打嚟幾次。
父母亦被電話嘈醒咗，行出廳聽電話。我喺睡房聽住老豆「喂」咗幾聲之後就收咗線，即係話對方依然無出聲講嘢。其中有一晚，老豆仲開聲鬧佢，叫佢唔好玩電話，但對方依舊無出聲。
為咗個電話半夜唔好再響，臨瞓前我哋會拎起個電話先瞓。
當時我唔敢同老豆講，因為我玩電話唔記得打「133」，對方嚟報復，我亦唔相信對方會咁好心機，幾個星期連續每晚都同一時間打電話畀我。
過咗差不多一個月，電話終於都無再響，正當我以為件事告一段落，有一晚我間房個電話再次響起！
不過今次響聲有少少唔同…
有「主機」「分機」嘅電話，都有一個內線呼叫功能，作用係畀主機同分機互相通話，就好似辦公室嘅轉線功能咁。
我被電話響聲嚇醒咗，望住個電話…
係廳外面嘅主機轉線畀我…
（待續）
想睇下集？
喜歡故事，花半秒like & Share
這會是《阿公講鬼４：魑魅》的最後一個故事，結局彩蛋會留在小說公開，7月中出貨！
https://bluegodzistore.boutir.com/
滋擾電話 在 [新聞] 陳鍵鋒遭午夜凶鈴滋擾瀕崩潰- 看板HK-drama 的推薦與評價
恐安全受威脅 擬報警求助
陳 鍵 鋒 遭 午 夜 凶 鈴 滋 擾 瀕 崩 潰
新聞網址:https://kuso.cc/3Xpb
(星島日報)10月24日 星期五 06:30
「獨居男」陳鍵鋒最近被Fans騷擾幾乎搞到精神崩潰，對方不停傳短訊給他，一時要他猜
是誰？一時又要他送遊戲機，最離譜是說在他住所樓下，令他感到人身安全受到威脅，長
此下去不排除會到警署備案。文：娛樂組
原本藝人有影迷支持是一件開心的事，但影迷的瘋狂行為往往令藝人吃不消，最近陳
鍵鋒（Sammul）被影迷騷擾在惶恐中生活，最大問題他連對方的性別也不清楚，因為每次
他接聽電話對方便不出聲，而且來電時間沒固定，有時是日間傳短訊，但有時則在半夜來
電。他問過身邊朋友是否認識電話號碼的人，可惜沒有人認識這位「神秘人」，他決定不
再接聽對方的電話。10月份至今他收到3個短訊，分別是13日「Oi，Guess Who」(喂，估
下我係邊個？)，18日「Get me a xbox 360」(送部Xbox 360遊戲機畀我)，還有
21日「Oi i was just now below your building」(喂，我現在就在你的樓下)。Sammul
火滾說：「又不認識，為甚麼要送遊戲機？」
倒垃圾都好驚
其實Sammul出發到冰島拍攝《冰天洞地》台慶特備節目前已收到對方的短訊，雖然離
開香港一段時沒有開電話，但返港後繼續受擾騷。Sammul說：「我在明，佢在暗，真是很
擔心！收訊息一次比一次擔心，獨居一個人住，很多時會叫外賣，甚至訂位都要留電話，
手提電話很容易會外泄，我已經通知看更小心留意陌生人，因為這些人沒有標誌好難防。
現時除出入小心外，每晚掉垃圾都好驚，接近萬聖節都幾恐怖，如果對方潛入大廈後樓梯
就麻煩，男人都打得出手，但女人就不可以動手，所以會揸住支電筒傍身。」
陳鍵鋒曾查問過電話供應商，他可以要求不接某個電話號碼打來的電話，但短訊就不
可以，假如擾騷問題解決不到，他會考 慮報警求助。他透露以前亦發生過類似事件，
Fans竟然知道他的住所電話，雖然Fans沒有惡意只想聽到他的聲音，但半夜凶鈴令他感到
很煩，最後他只好更改住所電話。他表示這個電話主要處理工作，更換號碼要逐一通知同
事比較麻煩，最後一步才考慮這個方案。
■在與陳志雲到冰島工作期間，對方仍發出滋擾短訊。
■陳鍵鋒扮演過警察幫人解決問題，但現實中他可能亦已麻煩警察。
■神秘人在周二發出的短訊稱正在陳鍵鋒的樓下。
■陳鍵鋒近日已被這神秘人搞到精神近乎崩潰。
--
※ 發信站: 批踢踢實業坊(ptt.cc)
◆ From: 220.136.77.237
... <看更多>