關於 滷水生腸做法 ，我們在網路上蒐集到這些相關的討論、資訊與評價

每日買乜餸，夜晚食乜嘢好呢，
第二日帶飯帶乜餸，朝早早餐又食乜，
已經成為每天的煩惱一則。
😑😑😑

有時候細妹話👉🏾嘩，媽媽好多白頭髮啊～
阿媽我一面無奈話👉🏾鬼咩，諗你地食乜已滿頭白髮啦。。。
😑😑😑

問你地想食乜呀？👉🏾是旦啦無所謂啦諗唔到呀。
好啦我自己諗煮完再放上枱👉🏾咦點解會係呢樣嘅我想要乜乜同物物喎。。。
大佬，你想點？😡煮前你又唔出聲。。。
煮完你又嫌三再嫌四。。。
😑😑😑

Any肥～～尋日我滷咗一字排加雞蛋做晚飯～
同場順手捲咗兩塊豬梅肉扒扔埋落去～
今朝切埋片～變咗偽日本叉燒😌
我可以分享堅簡易非正宗但好呃like食譜嗎？
👉🏾👈🏾🙄🙄🙄

✨✨✨✨✨✨✨
汁料：
水、生抽、老抽、糖、八角、薑片、蔥白、味醂
（自行按口味調配比例～你懂的💕）

材料：
厚身豬梅扒兩塊（我用丹麥出品的，安心少少）

做法：
👉🏾豬梅扒洗淨抹乾在中間片開成為一大塊薄身扒
👉🏾再用刀背係咁刴至鬆軟
👉🏾捲實再用綿繩縛起
👉🏾留意綿繩剪成小段，一個圈咁縛住就好了，唔好一大長條繩包紥咁縛成條，一般頭尾中間縛三小條就夠
👉🏾扔入滾水汆汆水
👉🏾拎出黎用涷水沖下洗乾淨
👉🏾大煲內加入所有汁料煲滾，再扔返條肉卷落去細火煲1個鐘，攪掂～～～
👉🏾想切得靚就要原條拎起放入雪櫃，第二朝未加熱前切啊💕

小撇步：
我尋日扔咗一字排入去～同樣汆水後先去滷～
仲可以加已烚雞蛋、汆咗水的雞翼、汆水後的牛𦟌、一樣要汆水的雞腎同鴨胸、仲有炸豆腐件、大紅腸等💕
✨✨✨✨✨✨✨

點解無啦更講滷水？
因為大考將至🤣🤣🤣
一煲食幾日呀喂～～～～
你懂我都懂的啊親～～～～

親💕星期二快樂💕

#今朝的我懶到一個點
#屁股還痴在梳化之上
#我知我要吸塵洗廁所
#仲要洗衫晾衫買餸去
#親你今晚又食乜嘢餸
#腦便秘的我唔知食乜

車仔麵，又稱嗱渣麵，香港地道飲食文化核心之一，相信大部分人都不會反對吧？！車仔麵的由來，應該是以前的熟食小販在街頭推着木頭車，販賣著熱辣辣的湯麵而得名的，當時佐麵的餸菜不外乎牛腩碎、豬皮、豬紅、齋、魚蛋及青菜，任君配搭，價錢亦相宜，所以成為學生或打工仔的日常美食選擇之一。

隨着時代的變遷，以前街頭巷尾的熟食小販已被法例所禁止，而大多數已入舖繼續經營，麵食餸菜也變得多元化，汰弱留强下亦有很多已打出名堂，如西灣河的超級無敵多餸，銅鑼灣的勁辣醬，灣仔的原味靚湯等，而最近有一位在尖沙咀一帶搵食的朋友就介紹筆者試了一間不一樣的嗱渣麵。

這間車仔麵位處近尖東一帶，是去紅隧口搭隧巴的必經之路，但平時筆者經過多數只是篤串魚蛋，食串燒賣，還記得以前最喜歡食那裡的鹵水生腸，生腸串得密密麻麻份量頗多，放入鹵水汁略略淥一下才端上來，熱熱的爽脆入味！但就從未試過入內食車仔麵，想不到今次反而是由朋友帶路來獻出第一次......

店内環境較狹窄，座位亦不算多，但尚算整潔，比起一般的地道街坊車仔檔已好多了，打開餐牌望望，真的讓筆者大開眼界，點餸紙足有四十多款餸菜，除了一般的魚蛋豬皮外，想不到連花膠扒、姬松茸、海南雞、豬軟骨、黑毛豬叉燒和黑松露煎蛋都有得揀，全部十多元有交易，就連麵食也有多達十款選擇，湯底亦有六款之多，不看環境還會以為去了什麼大餐廳用饍，筆者見到這麼多誘惑，價錢又不太高，劃下劃下不知不覺點到成枱都是餸，自己也覺誇張尷尬，唯有盡力吃清不浪費啦。

餸菜一一的端上來，筆者很欣賞店家的貼心，車仔餸大部分都是以小碟分開上枱，不會大雜燴般全放在湯麵中，讓客人能嚐到每樣菜式的真味。

紅燒花膠扒，花膠扒剪成3件上碟，大大塊很有睇頭，咬落煙韌入味 ，膠質滿滿，$18件實在是超值，食完很有幸福感。

黑松露煎蛋，煎得圓圓半熟的太陽蛋放上黑松露醬，雖然做法簡單，口感卻異常嫩滑，黑松露醬份量頗足，那獨特的香氣撞上蛋黃的濃厚，滿腔馥郁，實在是最佳配搭。

黑毛豬叉燒，外觀燒得焦香，雖不是傳統的半肥瘦模樣，望落肉質有點偏瘦，但其實入口肉汁充盈，肉味香濃，口感鬆化，甜蜜入味，很有驚喜。

鹿兒島豬軟骨，豬軟骨炆得軟腍入味，咬落感覺入口即溶，醬汁帶點果香很濃郁，少許酸甜的味道幫助減去了點點油膩感，好味。

九轉大腸，做法頗複雜的一道功夫菜，大腸一層一層穿起，經水煮熟油炸至乾身，最後調味炆至軟身，而這店做的算是簡化版，口感沒有傳统的煙韌實在，但勝在調味巧手，入口沒有羶味，醬香濃厚， 仍算不錯。

墨魚煎餅，質感QQ， 墨魚味香濃，脆香可口，但略欠彈牙口感。

海南切雞，份量不少，皮爽鮮香，略欠軟滑，但配上酸辣醬汁仍相當惹味，性價比高。

串炸豬大腸，經滷過炸脆，皮酥香口，唯略欠脂香。

口水雞中翼，麻辣醬濃中帶甜，灑上芝麻後入口麻辣爽香，味道不錯。

九轉茄子肉，蒸軟了的茄子拌上自家調製醬汁，濃中有清。

汁燒姬松茸，鮮味十足，爽脆軟滑。

還有酸甜魚肉炸雲吞，麻辣咖喱魚蛋及煎釀虎皮尖椒。

提到車仔麵，又怎可不介紹一下麵食呢？

筆者點了外邊麵檔少有的極品手打烏冬，想不到一點都不是交行貨，烏冬入口軟滑彈牙，配上牛腩汁湯，惹味濃香，確是粗幼麵河粉外的另一好選擇。

飲品方面，有凍紅肉蕃石榴汁和凍韓國黑糖小黃薑茶。

想不到在這店吃車仔麵，竟帶來如此意想不到的驚喜，在街頭麵食中加入了高檔食材的新元素，收費亦十分合理，而小店更特別地表明絶不使用味精，只求食物原味，作為對食客的承諾，可見店主除了大膽創新外，還有那份對食物質素的執著，如此有誠意的車仔麵小店，難怪能在尖東這競爭激烈的地段屹立這麼多個年頭，朋友仔這次的好介紹，果然真是不一樣啊！