落雨，任食，任飲，坐全晚，n款海鮮，堅係抵。唔使諗啦，勁吸引！
PND覺得，如果好好尋寶，街市絕對是好物。
每晚六點，漁灣邨熟食中心一樓，呢度就會變身為火鍋放題，仲係唔hea、勁多選擇嘅海鮮任食火鍋。
有全日學生證仲可以平 $20，$130 (做學生永遠是最幸福的)咋！
以為咁平啲料就會將貨就價？雜丸、肥牛是必需的，蔬菜都有勁多款揀，就連田雞肉、豬紅、響鈴都有，當然唔少得回本之選：海鮮任食嘅。
溫馨提示：唔好食太雜呀，量力而為。賴尿蝦、花蟹、肉蟹、各類貝類、蜆（小心有沙）、魚、蝦、扇貝、花螺、筒蠔、小炒熱盤瀨尿蝦，你講唔出嘅呢到都有，算係新鮮，係難得嘅，親民價都係因為老闆娘本身做海鮮批發，佢就諗賣唔完嘅海鮮與其浪費，不如開多檔益街坊。香港人獨有嘅溫暖同人情味，撐。
咁開心，唔好俾佢停啦～除左任食，仲有任飲呀！啤酒、枝裝汽水、Jolly Shande呢啲例牌野走唔甩啦。但係，呢到竟然有維他奶？仲要係支裝？實在係大驚喜，大人細路都啱玩呀！
呀，攞個脆筒食埋雪糕放題先。
P.S.星期五、六、日及公眾假期，每位會有$10附加費，所以潮友逢星期一至四晚去開餐會最抵呀！
泉記任食邊爐
電話：2556 0020 (一定要訂定位)
地址：柴灣漁灣邨漁灣街市大廈1樓10號
火鍋任食時段：每晚18:00-23:00，不設限時
#PND柴灣 #PND火鍋 #PND放題
