［道指3萬點，3千字感想］本人有冇點你？就算一個唔該我估錯（成日錯架啦），我都係真心膠，in good faith的。下星期跌10000點咪兩份。至怕你唔敢坐。
TLDR：股票長期係升嘅。阿叔就搵夠架啦，你呢？
1. 大量粗口，不喜勿入（我發現呢句嘢好似「成人內容」咁，啲人係專揀呢啲嚟睇）。
2. 首先介紹返，你話本人係仆街冇乜所謂，好多人都咁話。不過財演啦喎，你對上一次見到我上電視係幾時？咁冇工開嘅財演都係財演，隨你。但我肯定畢菲特先係最大嘅財演。
3. 至於叫人買股票害你啦喎，咁當然，我「唔止」3月叫你買。我見有個唔太友善嘅網友講：「屌，條仆街年頭到年尾都叫人買股票架啦」。拿，我欣賞佢嘅評語喎！首先佢省略咗財演，很好。仆街我冇反對。而我真係「年尾都叫人買股票」。咁又有錯？阿扁錯了嗎？係呀，你而家問我都叫你買股票架！唔係買乜？唔通買債？買美債1厘息都冇，必然輸死。「有冇話你知早排中國在歐洲發債係負息率？」（已FC）．
4. 拿，講乜都假，唔使鳩威。但，第一樣嘢，知行合一。之前貼啲咩Tesla ASML Black Rock，當然係cherry pick，唔中嘅唔講。但天地良心，你睇晒所有，個命中率都高，你鍾意自己慢慢check。咁亦天地良心，今年3月之後命中唔難，易玩。
5. 但，不如我地都係睇返3月（https://fbook.cc/3Irq）。我好撚柒記得（要兩個粗口），呢度啲塘邊鶴點撚樣攻擊我。我只係講一句：「真係大鑊得過金融海嘯？」。當時係3月13日，道指21400點，嗰時買，你而家執四成起碼。我都費撚事睇標普或納指升幾多，豪畀你。咁區區四成回報你啲網友梗係唔放在眼內啦。買場波都幾倍啦（事實係喎）
6. 咁你話，咁撚準，咁你發達未？未。但，至少我退得休。是的，我聽日就退得休。傳說中的有火，FIRE，Financial Independence，Retire Early．「我而家就真係為與趣咋」。咁同埋，更好嘅生活咯，慾望永無止境。咁但，打唔到高流灣方榮記，咪打大家樂咯。應該十份一價錢（！！！）。食唔到大班樓同Tai Pan（唔同的，兩間都同埃汾太食，呼），咪食大班西餅，十份一唔使！
7. 記得史兄（係，嗰個史兄），之前寫文講「搵夠」，佢話係迷思。我唔完全同意。固然德國股神科斯托蘭尼（＊）講（其實係叔本華講），金錢嘅嘢，好似飲海水咁，好多時越飲越渴。但，你列下你自己開支，咪大約知道。
8. 實不相瞞，我早排計過，我同埃汾太，一個月大約用4萬蚊左右，已經連埋供樓。咁亦唔怕話你知，我層樓一個月供12000蚊。即係齋洗費28000。已經係相當不錯嘅生活（請睇對上兩段），當然你要比嘅永遠有得比，你可以話去到大劉都唔係有錢，要Elon Musk先話有錢，隨你。但總之我嘅洗費就係4皮嘢，計埋我今年冇去旅行，計埋可能咪5皮？就係咁。咁你知自己嘅開支，咪有個譜。當然你話計「必要」，好多都不必要添。但冇得咁計啦，咪你計一個你自己舒服嘅生活水平。
9. 然後就要引科斯托蘭尼講嘅嘢（留意本書係佢遺作，2000年）：
10. 根據我的定義，百萬富翁是指不依賴任何人，以自己的資本，就能滿足自我需求的人。百萬富翁不用工作，既不用在上司面前，也無須對客戶卑躬屈膝。這樣生活的人是真正的百萬富翁。要達到這個境界，有的人需要50萬美元，有的人則需要100萬美元，依個人的需求和義務而定。對音樂情有獨鍾的人，他們需要的錢比收藏名貴骨董汽車的人少。是單身一人，還是有個大家庭要供養？他妻子有多講究？她喜歡簡樸的衣服，還是皮衣和珠寶？或者，她也許愛上自己的銀行帳號，那麼，根據我的定義，她的丈夫永遠不會是百萬富翁。皮衣、汽車和珠寶是有界限的，總有一天會飽和，但銀行帳號不同，這是個漏水的桶子。
11. 即係，好簡單，我可以好豪咁講句：「阿叔我就搵夠架啦」。
12. 但我係咪好多錢？又唔係。點解「搵夠」？因為我洗費相對唔大（當然同差不多人工嘅人比啦），亦因為冇小朋友，我仲要住層268萬嘅屯門樓（2013買嗰時啦，而家400頭），然後我賣埋佢搬過台灣都仲得。
13. 講返，除咗現水（當年搞投資移民，有600萬台幣在台灣嘛，咁減咗租呀人工呀都仲剩返唔少，而我過唔到去搞，所以只能現水），同埋樓上講層樓（當然扣埋爭銀行嘅先係你嘅錢），剩返就係股票exposure啦。礙於我工作關係只能買基金（＊＊）
14. 咁我嘅持倉價值呢，由3月嘅低位，已經升咗超過一個開。咁當然唔等於我啲嘢double咗，基本數學啦，我有新錢放入去嘛。咁你鍾意可以當我原本個倉1萬蚊，然後跟標普指數咁升5成，確診肺炎拎多5千，咪1萬變2萬，你鍾意啦。但即係，我就只計根標普指數咁升5成，你估易？
15. 我再講一次，3月時啲友屌埋我老母咁滯，「好多人死呀你仲叫人買股票你有冇撚良心架仆街死財演」「屌你識唔識架好大鑊呀大鑊過2008」「而家仲叫人買股票真係笑撚咗」。咁我肯定嗰啲網友而家個個發晒達勁過我啦，真喎。
16. 不過，至少我知行合一，冇自己唱好但暗中沽，我一個仙倉都冇減過，只有加冇減。滿意未？
17. 即係唔係話有乜巴撚閉，但，讀者請我食飯都馬會山光會所啦。我請公司助手食餐便飯都米芝蓮一星啦。唔係炫富（咁都好炫？咁我飛去新加坡食江振誠點計？六千幾銀喎），而係：你話你畫畫，寫文嘅，好有才華但好窮，我可以同意，藝術嘅嘢好主觀。你教書嘅，你係好出色嘅老師，但人工低過保險佬，我理解，公務員嘛，況且教書真係不能用錢去量度。
18. 但，喂，金融嘅，一撚二撚個話自己準嘅，你未必好有錢，但唔係窮撚到咁嘅地步下話？金融業係現實嘅，你咁巴閉，但窮到餐餐食過期面包嘅，點信你？你話你好撚好波，但冇球會請你，咁你有幾撚好波？咁我唔係話咩點有錢，但，多得各方識貨之人，又多得投資還算可以（真係勉強可以咋，但已經好過好多人），叫做衣食無憂啦。
19. 好，正經，「好啦好啦巴撚閉啦打足千幾字飛機啦，咁而家點先？」。喂，咁升咗咁多先問先買，梗係危險好多啦。當然我唔會叫你清楚，甚至唔會叫你沽貨，幾時都係stay invested。但又不如諗下，如果下星期即跌3000點（10%，好多咩？）。你心理上開支上係咪受得起？
20. 又或者諗下，你當我老人家哦你都好，「一早叫咗你 XXX」。咁點解冇聽？當時你驚乜？而家又唔驚？而家又唔係好多人死？20000點就驚 30000點就驚？冇邏輯？你畀個指數控制咗你嘅情緒同思維啦。所以是真的，我靠呢行開飯冇解，但唔係做金融嘅人，我係叫佢地唔好睇咁多股票的。
21. 呢排同咗唔少讀者食飯，都唔少人係仲有舊大錢（香港人真有錢，或者我啲讀者真有錢）。有舊大錢固然好，但你知我個人比較正，呢一刻仲拎住舊大錢，即係個倉位太細。正如冇跌親過證明你玩得未夠盡，冇畀人傷害過證明你愛得唔夠深（！）。
22. 咁但，已成定局啦，而家痛改前非，可以點？都冇乜嘢，準備好噓聲。係呀，跌又唔敢買，升咗又唔敢買，人之常情。接受呢樣嘢係人性，冇乜值得羞愧—但，你係可以克服自己嘅人性的（否則你應該坐咗監）。好簡單，分段咯，月供咯。有幾他媽的難？咪美股指數ETF一半，中港嘅四份一，剩返買領展呀黃金呀或者買層樓（！？！）咁咯。真的。有幾難？
23. 係呀，好悶的。屌，二千字就係講啲咁嘅嘢？係喎。畢菲特畀人挑機問，你講到咁簡單，點解我仲係咁窮？點解唔係人人好似你咁有錢，甚至百份一咁有錢？畢菲特嘅答案：Because nobody wants to get rich slow
24. 以上種種，節錄（！）兼改編自Patreon嘅文。好多人以為係畀冧把，真係唔係，首先我反對，二來我唔識（否則發咗達）。但即係，想慢慢地改善生活呢，幫到你嘅（https://bityl.co/4Y0h）
25. 最重要係，你有乜可以損失？睇完覺得呃錢嘅，咪月尾cut咗佢。一舊水都唔使。呢個年代一舊水做得乜？「一舊水」而家都唔止「一舊水」啦。
26. 就當我地唔講錢唔講股票（其實我真係一個文青），喂，我寫段廣告文案都寫到咁大個棚，呢個都係實力之一啦，對不？唔係就咁貼個圖話中！中！又中！係呀，自認寫得好—呢個係我當年在twitter同人互屌老母嘅事件之一—啲友話我自大，但我話呢啲係文自慢—你煮嗰個都唔覺得自己煮得好過普通人嘅，開乜撚餐廳？同樣道理，自己寫啲文都覺得唔好睇嘅，咁開乜撚Patreon？憑乜收人錢？可以執笠啦。
27. 唔信好食嘅，咪食下咯（https://bityl.co/4Y0h）。一舊水，真係食個拉麵都未撚得。冰水自助。
（＊）如果2020年最後呢幾十日你仲想睇多本書，推介你睇《一個投機者的自白》。20年前睇我已經覺得係神作，而家睇返更有唔同感受。放心，當消閒書咁睇得，充滿老人家智慧。
（＊＊）所以我半認真講，金融工作理所當然要高人工，因為hardship，限制咗好多個人投資
================================
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，3個月已700人訂！（https://bityl.co/4Y0h）
漏水率定義 在 [黑特] 民進黨怎麼有臉把決標待開工、規劃中算入 的推薦與評價