三姐弟一齊做建築師
Keicy 最近鍾意睇一套卡通，叫《Bob The Builder》，係講建築起樓嘅，咁啱 #愉景新城 有相關嘅遊戲玩，真係太好喇！最初以為 Keicy 同 Kassy 只係鍾意玩公主類嘅嘢，原來中性啲遊戲都一樣玩得好興奮同好開心！
Keicy 一見倒兩層樓高嘅巨無霸瀡滑梯，就好 high 咁話要即刻玩，而 Kassy 玩完之後都話好刺激，不過開頭有少少驚，好彩有姐姐鼓勵，瀡多幾次就唔再怕喇！
其中一個遊戲係叫「定樁大力鎚」，好似打樁咁，拎起個鎚仔，dup 落一個喺地下嘅裝置，夠大力，最頂個鐘會好響，喻意打穩基礎好重要。Keicy 用盡全力搬起個鎚仔 dup 落去，都係唔夠力上到最頂，唔可以令個鐘最響，不過我都好高興見到 Keicy 對每個遊戲都好認真，好盡力咁去嘗試，抵讚！
另一個最深刻係全球獨家嘅觸控式夾禮物機，因為 Keicy 唔止好似《Bob The Builder》嘅角色咁玩「吊臂」，仲好犀利咁靠自己夾咗一份禮物！
除此之外，仲有美國最新研發，探索地質嘅虛擬實境體感遊戲，小朋友喺沙堆砌出唔同形狀，經感應器掃瞄後，系統同步將山脈等地形資訊，投射喺沙堆上高，掘到深層仲會出現流水至形成河流同湖泊。有得玩又令小朋友學到嘢，係好好嘅教育遊戲！
初初見到咁多波波，仲以為有波波池玩，原來係兒童機動挖泥機，Keicy 同 Kassy 真係好似大人咁操控槓桿轉向、伸縮、升降，以鐵鏟筆起啲波波，放喺指定位置。 呢個遊戲幾考小朋友嘅手部大小肌肉，係咪夠靈巧，所以我認為更啱大少少嘅小朋友玩，仲要有大人陪住。
兩位家姐周圍試周圍玩，細佬 Par Par 就獨沽一味，玩咗好耐「工程車」彈彈床，因為佢係第一次玩 bouncing castle，所以玩咗成個鐘都唔肯走，出咗嚟都要再爬返入去，哈哈！
今次 3 姐弟都玩得好開心，除咗玩得開心，仲訓練佢哋透過身體感覺嚟思考，學習地理、數學同工程知識，知道我哋嘅安樂窩，係由專業嘅建築工人努力興建而成，咁有意義嘅親子活動，大家今個暑假唔好錯過呀！:)
愉景新城 - 購物商場 Discovery Park - Shopping Centre
瀡滑梯卡通 在 一起溜滑梯| 最新學顏色兒歌童謠| 卡通動畫| Learn Chinese 的推薦與評價
點擊訂閱“Super JoJo”頻道，盡享無限精彩內容！▻▻ https://www.youtube.com/channel/UCxQ2FGm0lVOOQQ_DCNKQufg?sub_confirmation=1劇情簡介：溜 滑梯 ... ... <看更多>