關於 灰熊山谷故事 ，我們在網路上蒐集到這些相關的討論、資訊與評價

網上出現咗一幅香港迪士尼Arendelle 嘅模型相, 單單係一幅相都帶俾大家好多資訊.

1. 呢個模型只係得小鎮一邊, 未見到有森林過山車, 似乎係因為影呢幅相嘅時候仲未有過山車個模型出現.

2. 港灣旁邊嘅一排小屋, 係Round Ride 改成森林過山車之前嘅設計, 當年發佈更改成過山車概念圖嘅時候, 岸邊呢幾座小屋經已合為一座, 似乎亦可以確認第一點, 影呢幅相嘅時候仲未出現過山車嘅模型.

3. 雖則過山車模型未出現, 但過山車嘅idea 已經出現喺牆上嘅園區規劃圖中.

4. 官方發佈嘅Concept Art 當中Arendelle Castle 同North Mountain 嘅比例同模型中顯示嘅比例不同. 模型嘅比例將會接近最終完成品.

5. Arendelle Castle 喺模型上係比概念圖縮小咗, 但同小鎮嘅建築物比夠, 呢座Castle 仍然唔細座.

6. 有指Arendelle Castle 並唔係遊客可以進入嘅範圍, 再睇睇遠處山腳下嘅小鎮建築物係縮得更細, 呢個安排可以令個湖視覺上更大. 座Castle 睇落更遠.

7. 以小鎮上建築物嘅高度估計, North Mountain 同Ice Palace 將會好高. 但Arendelle 整個園區係位於樂園鐵路後面低咗落去嘅位置, 唔知幻想世界會唔會見到山頂呢?

8. 牆上幅園區規劃圖可以見到, 加入森林過山車之後嘅園區規劃亦有變動, 近夢想花園一帶有一部份土地收返唔發展, 似乎係留位作未來擴建用.

9. 單睇呢個預留空間並唔算大, 但假如計埋夢想花園嘅範圍就有更大潛力. 雖然中間有條鐵路隔開, 但樂園鐵路將設施入口同設施斬開嘅例子並唔係冇, 故事劇場就係一個代表.

10. 一直都好想知道將來喺Fantasy Gardens 出現嘅迪士尼朋友, 需唔需要橫過Arendelle 呢?

11. Arendelle 通往Toy Story Land 嘅路, 喺更新咗嘅園區規劃圖上已消失.

只不過係輕輕俾大家見到一半嘅Arendelle, 已經咁靚. 估唔到North Mountain 除咗最主要嗰座山之外, 後面仲有多一座小山, 令視覺上更有層次.

座雪山嘅外觀有Matterhorn 同Everest 嘅感覺, 唔敢相信香港會個咁靚嘅園區. 希望園方會搵到適用於香港天氣嘅石景, 唔會好似灰熊山谷咁. 座雪山發黑會大殺風景.

【#經一圖解】海洋公園10大不入

全球最大的旅遊資訊平台TripAdvisor近日公布2019年「旅行者之選」亞洲十大熱門遊樂場榜單， 香港迪士尼樂園也榜上有名，名列第二。

亞洲十大熱門主題樂園分別是新加坡環球影城、香港迪士尼樂園、日本環球影城（日本）、東京迪士尼海洋樂園（日本）、東京迪士尼樂園（日本）、拉莫吉電影城（印度）、VGP Universal Kingdom（印度）、萬德拉娛樂公園（印度）、Mikie Funland（印尼）和長隆歡樂世界（中國）。

香港迪士尼樂園有林林總總的機動遊戲和表演，更有多個打卡位，園內一共有7個不同的主題區，包括：探險世界、美國小鎮大街、灰熊山谷、迷離莊園、反斗奇兵大本營、幻想世界和明日世界。晚間的「迪士尼光影匯」夜間巡遊配上超過74萬粒獨立LED燈，以展現迪士尼的動畫故事，是一個特別的體驗！

不過，為香港人帶來不少童年回憶的海洋公園則十大不入，未知海洋公園新加水上樂園，又加設酒店後，會否挽回遊客歡心。

#TripAdvisor #主題樂園 #海洋公園 #環球影城 #迪士尼樂園 #長隆歡樂世界 #經濟一週

香港迪士尼嘅規劃, 設施集中喺明日世界同幻想世界, 令人流集中晒喺呢兩個園區. 但要將遊客引入鐵路外嘅三個園區, 都有好多個方法....

1. 有龐大資金支持嘅話, 當然係擴建, 令鐵路外出現更多吸引嘅設施. 試想像如果探險世界或展藝館嘅位置出現個好似上海個魔盜王咁嘅Ride. 不過對於現時冇錢嘅香港迪士尼, 呢個暫時係冇可能嘅事....

2. 如果有多餘錢但又未至於夠錢擴建嘅話, 可以考慮將迷離莊園火車站變成一個真正嘅火車站. 樂園鐵路係一個大流量嘅設施, 可以將遊客一車車直接從樂園入口運到三個園區. 但除咗車站之外, 車廂亦需要重新改裝以配合依家喺車廂背面嘅迷離莊園站, 所以要用嘅資金亦唔會低, 現階段似乎亦唔大機會. 今次Arendelle 工程後, 2023 / 2024 Marvel 擴建工程相信都會影響到鐵路嘅運作.

3. Arendelle 同Toy Story Land 之間, 能夠好似2016年公佈擴建計劃時嘅地圖所示, 有一條通道將兩個園區相連. 如果真係實現嘅話, 香港迪士尼將會出現一條樂園鐵路外嘅下路, 從故事劇場一直貫通至展藝館.

4. 作為灰熊山谷入口外嘅設施, 原野劇場可以增加場次, 或好似以前Halloween 咁製作特別演出吸引人流進入探險世界, 只不過.... 演出嘅內容都係好重要, 「亞馬遜驚魂」喺外面嘅藝術中心演出應該都會有更好嘅反應, 只不過呢度係Disneyland. 內容嘅設定令呢個演出唔成功, 並唔代表善用原野劇場同增加劇場吸引力呢個idea 唔成功.

5. 另一個灰熊山谷入口旁邊嘅設施, 展藝館嘅特別節目都有一定號召力, 但同樣... 演出內容都直接影響到呢個節目嘅評價. 而且近年香港迪士尼喺展藝館搞嘅節日版活動都有Capacity 嘅問題, 亦係需要考慮嘅因素.

6. TGM 三個園區各自加入節日元素, 又諗起詭城玩失蹤, 雖然呢年嘅Halloween 係唔好玩, 但喺吸引人入去TGM 呢個層面嚟睇, 詭城玩失蹤其實係成功. 而正正就係因為迷離莊園迫滿人, 當遊客圍住晒一眾白鬼嘅時候, 個氣氛就唔係預期嗰回事. 再一次..... 演出內容嘅設計真係好重要...