【將環保燈光帶入香港】
大家只要㩒一下燈掣，就輕鬆得到光明。但呢一點光對有啲人嚟講並唔容易得到！
香港社企「加油香港」致力為基層人士提供廉價生活必需品。今次佢希望將燈光帶俾本地同海外活喺黑暗入面嘅低下階層，所以舉辦左「膠樽環保燈」工作坊，教參加者用太陽能電路板製作手提燈，然後轉贈有需要嘅群眾。
除左幫助基層，「加油香港」亦將活動同本港中小學嘅STEM課程接軌，希望透過製作過程帶出環保燈泡嘅科學原理，提升學生對科學科目嘅興趣。
「加油香港」嘅計劃可以俾學生了解環保、貧窮、創新科技等等嘅議題，對培養佢地嘅社會觸覺有好大幫助。組織希望下一年將計劃推廣到全港20間中小學，到時一定可以令更多學生同家長接觸到呢個咁有意義嘅活動！
Source: 東方日報，Pixabay圖片
#richroad #社企 #為社會出一份力 #膠樽環保燈 #讓社會認識環保科技 #為貧窮群眾帶來光明 #提升STEM趣味性
