【從辯論戰我哋可以得知：偏見比起無知更加難對付】
日前晏晝嘅直播相信好多人都睇過，叻哥句句金句都令我哋嘖嘖稱奇，因為佢正正係無知同偏見嘅好例子。
咩係無知？
意思係缺乏某方面嘅知識，例如杜汶澤問：「冇委任證點知佢哋（警察）係邊個？佢哋蒙晒面」，叻哥話：「依家科技係蒙晒都知」，既然係咁，點解仲要實施蒙面法？另外，杜汶澤又話：「2014年雨革之後被封殺，我咪其中一個囉」，叻哥答：「有封殺㗎咩？」要知道有冇封殺存在，今日新鮮滾熱辣一單新聞就知，容祖兒貼張戴住口罩嘅自拍就慘被指罵「港獨」，被大陸電視台除名。
至於咩係偏見？
偏見比無知可怕得多，佢哋明明聽得明你講咩，但由於唔想花時間研究真相，所以選擇對事實視而不見，堅持用先入為主嘅主觀概念去定一個人或一件事嘅好壞。例如叻哥話膠管係攻擊性武器，要用真槍制服，杜汶澤反擊指成群白衫人拎住藤條、鐵通，扑到冇著黑衫、冇戴口罩嘅乘客同行人爆頭，叻哥竟然一個屈尾十話嗰啲唔算攻擊性武器，所以唔需要出動真槍。
由此可見，你會見到有種人自以為是，深信自己講嘅嘢一定係啱，人哋一定係錯，與人為敵；亦同時蠻橫無理，只執著於自己所謂嘅信念，對唔順眼嘅人事產生排斥感，根本無法用語言溝通。當偏見去到極端，有啲人會開始吹雞玩針對，用抺黑、誣蔑等方法去「證明」自己講嘅嘢係正確，佢哋好似垃圾車一樣，充滿住憤怒、蠻橫、偏見、愚痴同暴力等垃圾情緒，一旦你反對同爭辯，佢哋嘅情緒就會湧出嚟，不擇手段咁想將自己嘅似是而非嘅睇法灌輸喺你身上。
如果另一半有呢個問題點算？無知嘅人仲可以透過學習同聆聽補充自己未了解嘅知識，佢唔識，你可以講到佢識；但偏見嘅人比無知更難搞，既然你已經盡咗力解釋，而你亦認為自己冇做錯到，建議你唔好再糾結呢個問題，令大家覺得委屈，亦唔需要為咗迎合佢改變，不如搵個夾啲嘅人拍拖算吧啦。
無知意思 在 今周刊- 【「無知」有4種，最可怕的是這種！】... 的推薦與評價
今周刊- 無感，比無知更可怕. 沒有人是完美的，也沒有人能夠全知全能，每個人或多或少都是無知的。因此無知 ... ... <看更多>