【當電影來到現實時】
一套戲嘅手勢，唔單止香港，可以成為全球反抗象徵，我諗原作者都估唔到。老一輩會覺得你班小學雞，一套虛構小說嘅情節拎嚟現實玩，當權者理得你啦。其實，當日我未睇戲，先睇《飢餓遊戲》小說，已知套嘢紅硬，套戲都拍得冇咁熱血，小說中呢類情節嘅意義更為震撼，完全係暗喻緊世上種種極權主藝，而當中嘅政治理念同反抗元素，都唔單單係一個「青少年反烏托邦故事」咁簡單，係《飢餓遊戲》比其他同類小說更勝一籌原因（當然，只限頭兩集，小說又好戲又好）。
可能，你會覺得小說入面情節荒謬，但放諸2019-2020世界各地情況，你敢肯定呢啲事唔會發生？大家唔係喺District 12俾Capitol玩鳩緊？
泰國藝人不斷發聲，就連BNK48都夠膽講，係，你可能覺得《出貓特攻隊》、《嚇鬼阿嫂》女主角講啲「反對暴力」呢類咁中立說話，其實講完等於冇講就「最安全」，但人哋最起碼都會講句中立說話，而唔會一係就擦鞋做護旗手、一係就龜縮冇影。
做藝人都係人，都應該要有返良知嘅。
講完之後，突然有少少掛住泰國片添，好似好耐冇睇。
《飢餓遊戲》、《飢餓遊戲：星火燎原》觀後感可看留言連結。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
