《我想喺度「鼓勵」香港人盡可能都唔好做老師...》
我係發自內心嘅，我想喺度做一個勸勉，香港人盡可能都唔好入行做老師。
我透過 假啞港女。霍千琳一篇文章，得知一個Facebook page 老師心聲，最近熱烈討論一個post (圖一)，個post講一個28歲先大學畢業嘅IVE加公開大學畢業生，自己會考得兩科合格，得三分，但最後都成為一個學校嘅cm老師。呢個post出咗之後，好多人質疑原來而家嘅老師水平咁低，會考3分都可以成為老師，仲出來show off。
及後，另一個老師出post(圖2)，支持會考3分係有資格教書，圖2老師講述自己都係重考會考拎到18分，亦有見過有啲老師會考考兩次都係十三分，高考只係有一科英文合格。圖2老師講述一個老師嘅能力並唔係單睇一次公開考試嘅成績來判斷，只要一個人肯努力，會考成績唔好都可以有方法彌補，邊個會睇你嘅history，總之唔好灰心，憑著自己嘅努力都可以最終成為一個老師，而其實唔一定會考高分先可以 教好學生
大家討論嘅係公開考試成績差，之後努力「洗底」有無資格成為老師呢？自己都玩唔掂個考試制度，仲喺香港咁重視考試嘅地方教書？
我覺得呢一切嘅討論都唔係重點。重點係，圖一同圖二嘅老師，唔好輕易咁，用自己成功嘅例子去encourage 其他公開試唔好嘅人做老師先係重點。根本無論咩background，都盡可能唔好「鼓勵」香港人做老師...(更何況係公開試成績差嘅人)
我從來都唔質疑會考低分，之後讀課程增強自己資歷，可以成為一個qualified嘅老師，我agree 有人係可以成功「洗底」。我只係覺得，「洗底」過程係艱苦嘅，所以盡可能都唔應該encourage 公開試成績唔好嘅人可以透過「洗底」，最後成位一個老師。「洗底」工程咁大鑊，唔係人人都有毅力架，圖一圖二老師講自己嘅成功例子，好似好正能量，但可能會令好多無知嘅人以為「洗底」好易。
其次係，香港根本係一個 好重視公開試成績嘅地方，我好記得會考放榜嗰日，其中一個同學喺放榜之前講「唔使擔心㗎喎 ，如果會考考衰咗，最多係成世唔開心咋嘛，無乜嘢㗎」， 公開考試唔見得人，圖一圖二老師都做咗咁多工程來「洗底」，咁已經證明咗公開考試成績點會唔重要？唔好呃自己，公開試成績唔係人生嘅一切，呢啲咁正能量嘅講法？係非常唔現實嘅。
你自己會考成績差，努力成為一個qualified嘅老師無問題，但你千祈唔好鼓勵其他會考成績差嘅人唔好灰心，因為你搵到教席，好可能係因為你係exceptional case，你好彩無遇上白鴿眼睇唔起公開成績考試差嘅校長，校長信任你成功洗底。但畢竟白鴿眼睇唔起人公開成績差嘅人好多，現實就係公開考試成績差好難搵到教席，真係唔好勉強，唔好encourage 公開試成績差嘅人努力就得，係勸就勸人盡可能做其他野啦。
另一個我唔鼓勵所有香港人做老師嘅原因，係香港嘅教育制度根本係一個燒賣工廠...
啲人成日話，所有唔同資質嘅細路，經過香港教育嘅洗禮，最後都會搓圓撳扁，成為一粒一式一樣嘅燒賣。學校係無教育自主，教學內容同編排都受制於香港公開考試嘅制度。老師今時今日嘅角色，係每日目擊學生受唔同嘅刑罰嘅獄卒。學校係監獄，學生係監躉，老師係獄卒，你話呢份工係幾無癮呢？
所以老師 有乜嘢qualification ，點樣先至有資格成為一個老師其實唔重要，重要嘅係，大家都唔好入行啦。
燒賣工廠 在 燒賣機器一小時六千顆意外賣法國中國進行式20170319 的推薦與評價
【一步一腳印】 主持人： 詹怡宜TVBS新聞台55台每週22:00首播【 全球進行式】 主持人：廖芳潔TVBS新聞台56台每週六19:00首播【 當掌聲響起】 主持人： ... ... <看更多>