關於 片面之詞同義詞 ，我們在網路上蒐集到這些相關的討論、資訊與評價

<夜．音樂．語錄>

* 既然太陽上也有黑點，「人世間的事情」就更不可能沒有缺陷。——車爾尼雪夫斯基

* 人與人接壤，能述說的僅是片面辰光，一兩樁人情世故而已。能說的，都不是最深的孤獨。
——簡媜

* 隨著時光流逝，我慢慢地明白了，只要存在的東西就會消失，不管是城市、愛情、還是父母。
——卡爾維諾 ​​​​

* 沒有一種人際關係能夠隱藏寂寞。所有的人際關係都如此的薄弱、脆弱。你在內心深處很清楚：即使你身在人群之中，你也是跟一群陌生人在一起。對你自己來說你也是個陌生人。
—— 尼采

* 是的。我很重要。我們每一個人都應該有勇氣這樣說。我們的地位可能很卑微，我們的身份可能很渺小，但這絲毫不意味著我們不重要。重要並不是偉大的同義詞，它是心靈對生命的允諾。
——畢淑敏 《我很重要》 ​

* 我總想保留一個地方，讓我獨自呆在那兒，讓我可以在那裡愛，不知道愛什麼，既不知道愛誰，也不知道怎麼愛，愛多久。但要自己心中保留一個等待的地方，別人永遠都不會知道，等待愛，也許不知道愛誰，但等的是它，愛。
——莒哈絲

音樂：https://m.youtube.com/watch?v=1ytAD-wdMh4

《Indie唔係可以被剝削嘅同義詞》陳心遙
《信報》2017年10月25日《視線所及》專欄

有朋友因為寫論文，打電話嚟問我對於Indie Bands同Indie Singers嘅睇法。如果係出於研究或者論述，咁樣劃分冇所謂，但如果身為做音樂嘅人，自稱Indie意義不大。而家無論係製作、宣傳、銷售都比起以前輕易同方便。幾十年前嘅獨立樂隊，喺冇唱片公司嘅支持下，走去錄音、印碟、拍MV、搞演唱會一腳踢，係一件難過登天嘅事。而家多得互聯網同便利嘅電腦器材，自己屋企搞晒錄音混音拍片反而變成最低要求。自家製雖然喺聲音質素上同專業製作有距離，但係對於好多喺社交媒體或者串流軟件聽歌嘅新一代嚟講，其實又分別不大。
有分析指Indie係指Operation上嘅獨立，冇唱片公司嘅財政人力支援。音樂上嘅另類或非主流會用上Alternative一詞，我都同意。只要你肯去搵，唔係靠電台或者新媒體幫你揀歌，其實香港真係有唔同種類嘅本土音樂，由藍調、爵士、嘻哈、金屬搖滾、數字搖滾都有，不過真係屬於少數。喺呢個錢字當頭嘅社會，一般人嘅思維係：「唔紅」等於「唔好」。所以好多音樂人都不自覺會用當下嘅受歡迎程度嚟衡量自己價值，無可厚非。
但係如果真係想為indie下定義，喺而家嘅環境之下，勇於做自己想做但市場唔受嘅音樂更有意義，無論係曲風定係歌詞，「受與唔受」其實係一個片面嘅假象嚟，當中涉及政治同商業利益，同歌本身好唔好聽都冇乜關係。
有好多人，特別係行業中人，都嚮往八十年代星光熠熠，搵大錢嘅年代。我唔否認嗰陣嘅曲詞水準優秀，歌手嘅技藝超班。但我舉個例子，如果你今日去外國交流，每個國家或地區嘅人輪流彈唱一首歌代表自己嘅出生地，你會點揀？你應該會揀Beyond嘅《海闊天空》或者ToNick嘅《長相廝守》，定會揀八十年代街知巷聞嘅日本／歐美改編歌？人哋一聽就有呢個疑問，呢首歌真係屬於香港嘅咩？
咁樣睇，而家嘅樂壇冇錯係冇咗星光，行業又搵唔到錢，但起碼好多主流歌手或獨立音樂人都係我手寫我心，發出屬於呢個時代香港嘅聲音。
Indie喺香港可能仲有多一重意義，就係代表冇經理人，唔識為自己利益爭取。啱啱聽到有個歌手朋友被公關公司邀請出席一個活動，因為個主題同佢最近嘅新歌類似。公司說服咗我朋友為宣傳，唔收錢出席兼要唱歌。朋友綵排都做埋，但係公司最後因為活動時間緊迫取消環節，白白浪費人哋妝、頭、衫同準備演出嘅心血。朋友，Indie唔係可以被剝削嘅同義詞呀！

# Indie唔係可以被剝削嘅同義詞 #獨立樂隊 #獨立歌手 #beyond #海闊天空 #tonick #長相廝守 #信報 #陳心遙