我越黎越覺得，睇香港嘅新聞真係會影響智商。
一個人的童話，我聽得多；五個人嘅暴動，真係聞所未聞。最糟糕的是，一開完個記招，即刻有人講返咩叫暴動罪，只要你參與該「暴動」，無論你係去唱聖詩定係擲磚，都一樣係「暴徒」，可以告暴動罪。上樑不正下樑歪，一哥自己都唔熟書又唔熟法律，難怪下面啲細嘅個個都目無法紀。
另一方面，HA又似乎唔想俾一哥搶風頭，夜媽媽開記招，同大家講病人資料無外流。但記招一開完，就有條片證明原來HA真係流嘅，我對住HA，真係HA一聲笑左出黎。事到如今，我只想問句：私隱專員公署去左邊？
一場社運，揭露了這個社會的官僚們，根本已經腐朽到不行，在記招上一個接一個地出洋相。這令我想起《賣柑者言》：
盜起而不知御，民困而不知救，吏奸而不知禁，法斁而不知理，坐糜廩粟而不知恥。觀其坐高堂、騎大馬、醉醇醴而飫肥鮮者，孰不巍巍乎可畏，赫赫乎可象也！又何往而不金玉其外、敗絮其中也哉。
最後，我想講嘅係，睇得香港新聞多，對精神健康真的不太好。反送中呢8日，我淨係睇新聞都覺得好大壓力（我猜大家在香港感覺尤甚），結果我就係咁食野減壓。我嘅體重同特首嘅民望完全係成反比，你明唔明一星期重1.5kg係咩概念？！！！所以，明天起我會儘手減少碌Facebook 的時間，再咁落去，我真係會肥過部電單車，我咁難得先著得到29吋嘅褲，我唔想為左林鄭又彈返上31吋啊！！！
#留名睇死自己姣婆守唔到寡
#不消半日又上返黎fb瘋狂婊人
#我姣婆所以我存在
#明天起食沙律減肥
#肯定聽日脾氣勁差
#生人勿近咁款
