趁住愚人節，不如我又惡作劇一下aka搞人飯碗？
話說，呢排好多人移民黎英國，都會搵「落地服務」，即係嗰啲咩「機場接送、幫手租屋拎鎖匙、幫手申請水電媒、幫手搵學校」服務。
結果梗係中晒招 😂😂😂
呢啲服務提供者，有部份珍禽異獸真的令人眼界大開，我見過藍變黃嘅（可能人地真心改過呢？），也聽聞過有啲其實根本唔在行嘅，因為見到有利可圖，就臨時拉夫組織「星級團隊」去提供一條龍落地服務。情況就好似旺角開左間珍奶店，行家見到生意好就跟住賣埋珍奶一樣。
咁點可能唔多甩漏同出事？結果落地服務就變成落地獄服務。而新移民嘅朋友往往覺得多一事不如少一事，唔通一落地第一件事就係打官司咁開心咩？自然助長了這些珍禽異獸的行為。
所以提提大家，如果搵落地服務嘅話，最好搵歷史耐嘅、啲人真係做開呢一行嘅，唔係有架車就話出黎做接送、亦唔係識遞表識追學校就叫做入學服務，如果你發現佢個wall好似人民日報咁淨係得正評無負評，大家做左幾十年人明白咩叫「Too good to be true」架嘛？
我相信好嘅「落地服務」係有嘅，亦真係有人盡心盡力「香港人幫返香港人」，但問題依家個個都話自己純情學生妹，個個都話自己真心，你唔小心去揀就會得到落地獄服務，所以大家真係要小心睇路。
#其實揀落地服務就係唔想煩
#結果又要煩埋搵邊間落地服務
#做人真係好煩
#我梗係唔開名啦
#陣間俾人話我逼害小店呀
#與其我俾你鬧
#不如我睇小店逼害你唔好
#人妻先生當年都有用落地服務
#機場接送陪去超市教搭巴士火車買oyster
#做埋導遊環遊倫敦一星期
#代申請水電煤租屋申請GP同NI
#仲幫我執埋CV兼CoverLetter再做資料搜集教埋我interview代埋我申請份工
#有一種落地服務叫做我老公
#從來無落過地
#一直離地
#因為被捧在手心裡
#有棍嘅死港女
#我呢就唔食人血饅頭嘅
#但人血雲吞我ok
#只係落左紅菜頭就會搞成咁
#好驚嚇 😂😂😂
#補血呀
#我日日唔係M到就更年期咁款 😂😂😂
#三更之餃子
申請水電 在 農地申請水電(有申請過的大大歡迎分享喔) - Mobile01 的推薦與評價
假設我租一塊90坪的農地農地內完全沒建物打算上面放個20尺或40尺的貨櫃屋可以有辦法申請水電嗎？建議先放貨櫃屋在申請還是先申請再放會比較容易核准?有人自己去申請過 ... ... <看更多>