關於 畢業公仔推介 ，我們在網路上蒐集到這些相關的討論、資訊與評價

【#暑期活動 玩轉沙田之行親子市集♡】
是日出走沙田新城市廣場，原來一期一樓已經變身 #親子學堂，是日我地就大玩「城の動植物公園」，參加工作坊，第一次接觸變色龍，第一次知道變色龍係變唔出七色嘅！驚喜發現又豈止咁簡單，原來新城巿廣場與MAMASMART 攜手打造咗「媽媽市集」，24個不同的環保及媽媽攤位，售賣近百款綠色產品，大人小朋友慢慢睇慢慢揀♡同場仲有「MAMASWAP二手換物 」，大家可由屋企帶野黎交換，為有用物換新主人，尋找第2人生，同時可以教小朋友環保嘛！

#推介必入好物
@Lovely Handmade by Helen
好多款式好可愛嘅花裙，原來喺美國訂返嚟嘅布料，然後全部人手車咖！真係每一條都係心機，而且摸上手真係好舒服，生女的你又有破財嘅機會啦!
https://www.facebook.com/Lovelyhandmadebyhelen/

Ignition Point 燃情坊
每年大家都會物色啲畢業公仔，同校服公仔咁，呢間仲用上Precious Moment公仔製作，而且可以按要求打造唔同學校嘅校服，仲可以整埋畢業袍添！而且公仔有三個尺寸，剛剛好幼稚園、小學、中學，大中小襯埋一套！
https://www.facebook.com/ignition.pt/

Katland Studio
好可愛嘅寵物飾品！真係咩款都有，無論你養貓定係養狗，無論你係養柴犬定係英短，都會搵到佢哋嘅可愛造型鎖匙扣，不過如果你好似我咁樣有隻咁特別嘅狗，你都可以試吓搵佢哋度身訂造㗎 ！
https://www.facebook.com/katlandhk/

@乾果共和國
大人小朋友甚至寵物都食得嘅乾果，款式都幾多㗎，芒果香蕉蘋果菠蘿都有，不過最特別嘅一定係佢嘅乾果香薰，用檸檬草、薰衣草、綠茶等等製作而成，再加埋片片乾果，返到屋企打開插入附送嘅木籤就可以成屋香噴噴啦！
https://www.facebook.com/Gonguorepublic2020/

New Town Plaza
Above The Line
#NewTownPlaza #新城市廣場 #城の動植物公園 #MAMASMART #綠色生活 #MAMASWAP二手換物 #abovethelinep

［天花亂墜DSE］DSE嘅嘢，還是要考好。因為大學還是要讀。Maximize your options

TLDR：唔好玩skim reading，睇晒佢。當然你貪心當睇四仔嘅，睇第21段啦

1. 舊年放榜，都有寫DSE文。昨晚手痕走去睇返，大鑊。唔係汗顏寫得差，而係自己覺寫得幾好。咁可能係我已經退步中，但自問未必寫得好過之前兩篇（https://fbook.cc/3Wpb）（https://fbook.cc/3Wpc）

2. 繼續，都係寫畀啲考得唔好嘅人。考得好嘅，你本人或貴子弟應該唔會pathetic到要睇我嘅文。雖然呢，我又一盤冷水照頭淋，「其實今時今日要考DSE嗰啲，都等於開波已經輸咗一球先」。點解？我書中有講，我將社經地位分為九等，草根中產富有，我屋企當年應該係下級中產，而家應該係中級。而考得DSE嘅，照計都係中級中產或以下嘅小朋友。咁不幸地，你老豆唔係李嘉誠呢，你就搞唔到Viu TV食唔到郭家文的

3. 有啲人話起跑線好難聽，咁就係你的問題嘛，現今世界一大問題就係啲人只會圍爐聽啲自己感覺良好嘅嘢，你可以繼續飛機話「窮唔代表冇得發圍」「幾百億身家唔代表乜」「食郭家文唔代表乜」「一開波輸一球唔代表乜」，你開心就好。但現實係你一開波整個「全餐」嘅，賠率即時轉，市場好有效率，唔會理你咩「食全餐唔代乜」。記唔記得我係讀精算嘅？我地講概率，population，咁你可以話日日食一包煙都好長命嘅。我城嘅問題就係好多人鍾意將特例變為通例仲去論證。然後個個高估自己。

4. 講返，呢個唔係要「睇唔起」「歧視」，我只係指出個事實。你當我好似啲冷面軍醫或教練咁，睇個小朋友嘅質地，唔似會成功 —但的確唔代表不可能，更不代表你要自怨自艾—反正都發生咗啦

5. 甚至好多人都知道，劣勢反勝仲開心，更加有排飛機。正如我一個仙都冇撚拎我屋企，亦都唔謀住佢副家產，「白手興家」，就有型過老母出首期嘅人啦。雖然有得揀，我都希望我老豆係李嘉誠，冇乜人為咗想激發鬥至，而自己踢個波入龍門先

6. 講返，既然考得DSE嘅，一般屋企都唔富貴，咁你考得差，係更加大鑊的。有錢人可以afford讀書唔掂，嘻咪去追夢焗蛋糕整公仔自己做設計師，甚至簡單啲嘅，咪話老豆留返三個太古城單位畀你，一個住一個收租一個炒，然後你大可以上網日日指點江山，幾好的。

7. 但唔富貴嘅人（例如我當年），考得差嘅，係更大鑊的。因為作為一個唔富貴嘅人，讀好書入大學呢個，都係還可以嘅脫貧方法。雖然似乎個效力越嚟越低。

8. 考得唔好嘅，正路你都係應該下年嚟過，雖然舊文都講過，最緊要檢討，可能你柒，可能你懶，可能你廢。三樣唔同嘅嘢，雖然有一定正相關性。

9. 講咗咁多，其中兩個好大嘅關鍵：第一，而家係1.4個人爭一個大學學位（聽講），第二，大學學費廿年年冇加過價，大家樂人工都升咗唔少啦下話？所以讀大學係易咗，亦都平咗。（不過而家四年，好一個惡政）

10. 相反去睇，你讀唔到（應該唔會有乜人讀到而唔去讀架？），問題就更大。大學嘅嘢，似乎讀咗都冇乜用，最低消費入場券咋，但唔讀就好擇洗—所以都係讀左幾有用。

11. 讀大學嘅原因，好簡單，錢。就係人工高啲，學位都冇個，你係幾難撈的。況且唔一定我要去做律師醫生或乜，但至少可以Maximize your options，好似龍應台同個仔都講類似嘅嘢，亦係我人生嘅核心價值。你揀人當然好過人揀你，你大可以拎個First Hon去做消防員或者開巴士，但呢個係你嘅選擇。掉轉頭，冇個學位嘅，好多嘢你根本冇得揀。

12. 而更重要嘅係，講真，我認為好多人，特別係男仔（包括我），三十歲前都係一舊飯，唔知自己想點。咁你十幾歲嘅小朋友，嗰啲「追夢」，得罪講句，有幾大含金量？你冇接觸過社會，冇接觸過個行業，冇接觸過啲社會上嘅仆街（例如我），太早覺得自己應該點點點，未必係好事。

13. 再次強調，雖然我好憎講，但都係要利申返，本人是一個學霸，夠晒maximize option．我要講呢樣嘢，係不停提防自己跌入嗰種「吳彥祖教你溝女」「美斯教你踢波」嘅「其實唔難」。記住人地唔係專登喎，但吳彥祖真係覺得，喂我開口約啲女就得架啦，美斯真係發現，喂我一推就過架啦，「其實唔難」。

14. 不過，入大學嘅嘢，真係，「其實唔難」。

15. 我教過成績唔好嘅學生，repeaters．當然事實我似乎應該教精英班（同事話阿媽係女人喎），當年成績冇咁好嘅學生，同我亦冇咁親近。但至少，我知道，教班霸同教護級係唔同玩法，你想拎A嘅玩法同拎pass又唔同。

16. 咁都係嗰句，在top level，我唔信咩「努力就成功」「人人可以成材」，人人可以做美斯美斯就唔係美斯啦，根本陳美詩繆美詩紐奴高美你都做唔到（冇錯，樓奴都做唔到）。

17. 但，我地係講拎個大學入學資格喎，照計呢啲位呢，係努力或正確態度幫到你好多的。因為同投資一樣（我本書都有講），高水平嘅競技當然係天才對決，但低水平嘅競技，一般都係Loser’s game，啲人個個自殺，開波出界，好多啲分係對手失，唔係你拎返嚟。所以你正正常常打好基本功，已經可以贏晒啲落場自爆嘅人。

18. 讀大學嘅好處，都係嗰句，人工高啲，同埋地位高啲。我知一街都大學生，事實。但正係因為咁，你「唔係大學生」，就更加顯眼。當然你又可以用特例駁我，我知，邊個邊個都冇讀完大學嘛，你咪去學下。我就講整體啫。BTW，你講呀朱生蓋生嗰啲，聽聞人地屋企點都係上級中產甚至低級富豪，人地係入到哈佛然後中途唔讀，就真係唔撚同你「連XX大學都唔收」。

19. 另一樣嘢，我諗都係識嘅人唔同，雖然而家又好似冇咁明顯。大學就中學化，成個社會都扁平化，太多有學位嘅七碌。我亦係好冷酷咁話你知，好多柒頭換咗廿年前點會有大學讀？呢個亦係好多咩「大學生收入」統計嘅虛妄，三十年前中位數大學生可能係最勁3%嘅學生（冇實數，舉例），而家中位數大學生係15%嘅，如何比較？

20. 至於咩「獨立思考」「critical thinking」之類就算鳩數啦，你要靠大學先有，你都肯定係冇的。你由一街都仲要講「邊個邊個冇讀大學都搵到錢」「行行出狀元唔係讀醫嘅都可以好高人工」，知你啲網友有幾「獨立思考」「critical thinking」

21. 仲有，「讀唔到大學」，帶嚟嘅打擊，都真係唔細。首先十分現實，大家都知come on James，條女入到大學而你入唔到嘅，基本上你一定被飛或者戴帽，我晚晚同你賭都得。我話知你識轉彎定靚仔過阮民安，there are many guys like you all over the world，條女入咗大學，面對一大堆禽獸組爸之類（我冇做過，我可以掟石），真係同拍AV人間廢業差不多的。正面啲講，條女眼界都唔同咗，再唔係以前大西北嗰個食爭鮮都好感動畀你中出嘅小妹妹啦。同樣地，啲女由大學到出嚟做嘢，又係另一個重災區，原因同上。掉轉呢？條仔入到大學條女入唔到呢？「就反而冇乜所謂」「你條仔唔會飛咗你的」「因為啲仔唔介意條女唔識嘢，最好乜都唔識」「條仔搵到錢唔止食爭鮮可以食名將，你更加獎勵佢添」「況且好多人鍾意玩校服」「咁我知啲人入到大學都係玩返中學件校服」「但就係唔同嘛，你條女柒個金毛笠件Hall Tee在底仲扮學生妹咩」「咁都得嘅你去油麻地一樣有校服玩添」「正如啲人約空姐都要睇證件嘛，唔只係要件制服咯」

22. 呢段完全過火，但真係示範，你再叻都好，你入唔到大學呢，都係要面對一定壓力。咁當然千金難買少年窮，都係經歷，你捱得過嘅之後仲強大 — 但有啲人就捱唔過自此自暴自棄一世嘛。都係嗰句，有得揀嘅，我唔會揀一開波輸兩球先然後激發鬥志咯，梗係開波對手趕一件出場再輸全餐，然後再自爆輸多球，我拎住兩球在手練波咁踢試下新人試下戰術，玩到你完場最開心。

23. 你見我呢篇文，係唔得assertive，充滿猶豫。因為個世界真係唔同咗，我唔sure嘅嘢我就寫唔sure．十年前我可以好肯定咁話你知，梗係讀大學搵份好工啦。但世界一路變。呢刻我都仲相信讀大學係個好選擇，因為人工高啲，識嘅人正常啲。但呢個溢價係一路縮緊嘅，扁平化嘛。你學好多嘢亦唔使經大學。

24. 況且，新書都有寫，傳統嗰種爬corporate ladder嘅玩法，越嚟越難玩。特別係香港。特別係你係一個考DSE嘅非富貴家庭。我就係有咁嘅自覺，我當年係行呢條路，雖然唔係完全一帆風順，但大致條路都係 讀好書入間好大學搵份牛工 入商業機構 升職上位加人工 儲錢投資 再搞其他嘢。但唔等於你而家你照行都會OK。我大學畢業係2000年喎大佬

25. 呢篇的確寫得唔係幾好，不過大家應get到我嘅意思。有啲人話我寫文冇重點，我嘅重點就係冇重點，sorry我係唔興好似伊索寓言咁話你知有乜教訓。嗰啲文我都識寫，打工成日寫，Tell the audience what you're going to say, say it; then tell them what you've said嘛。但在某天我已拒絶再玩。See？呢啲就係maximize your option，我知道點玩，但唔跟佢。同你完全唔識係兩回事。

26. 我新書有講，你睇好多戲都可以谷阿莫三分鐘講完，但你唔係浸住兩個鐘，就唔係嗰回事的。正如好多書都可以幾句講完，但就係你要睇晒先浸到嗰種味。唔係你楊丞琳大閘蟹咁濕一濕水就得。

27. 而即係，留到最尾先講，屌你老母睇三千幾字都冇耐性，就咪撚讀大學浪費社會資源啦。我講真的，我啲讀者好多都兩三日睇完我本7萬字大作，完全唔難入口。咁你睇幾千字都搞唔掂嘅，你同我講咩創意咩知識型社會？即係你係日日在whatsapp send voice message嗰啲撚樣啦下話？

28. 下篇實用啲，教你揀乜科。不過好忙，過兩日先寫。呢篇照顧咗啲考得唔好嘅先，唔係我大愛左膠，只係有緩急。「女人就係唔明，我睇埋場波先得閒執勞蘇，唔等於場波緊要過勞蘇」。

29. 我from day one 都係精英主義的，但處理先後同重唔重要，唔係同一回事。我教書時都係搵啲考得唔好嘅學生傾計先的，即時平時可能唔係太多計傾。考得好嗰啲，你自己有排鳩威啦，暫時唔使我錦上添花。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

是日活動 ： #釣蝦 #純紀錄去邊度玩
#不是特別推介俾大家 #唔點名 #睇內文
#唔分享地址 🙏🏻 #真係好想去淨釣蝦可pm

今日家姐畢業典禮，攞完獎返嚟。趁閒日就去釣蝦。

如果住元朗，錦上路附近，帶小朋友嚟純粹釣蝦都ok , 即釣即燒可以即走...

不過我地咁遠水路， call 車花費約$440 左右。
就實在太多更好選擇。

當然，你可以喺錦上路站搭的士去，大約$50內。
不過我地一家四口，要轉3程車，一程都要個半鍾左右。來回3個鍾，咁曬咁熱，俾錢買時間都好合理。

呢度地方很大，很大，很大。今日我地仲要包場。
方圓百里都冇人，家姐終於敢除口罩食嘢😂
好好彩👍🏻

燒烤都唔算貴，不過食物就一般。
但如果大量110cm以下小朋友嘅，就抵嘅。110cm以下免費,130cm就計成人 $158/1位任食。

可能人少。食物唔算好新鮮，或者冷凍櫃有機會經常關得唔好，食物有部分好似怪怪地，同店主反應，都有幫手去左攞啲新鮮啲嘅出嚟。

其實疫情期間人少、夏天又曬又熱，如果食物唔係咁樣擺，或者包裝好，一份份，咁會令大家更安心。

🦐釣蝦$20/桿每小時 （燒烤套餐優惠價）
🥰但店主好好，我地未玩夠一小時都釣夠擺低，過左一小時後小朋友又返去釣幾隻佢都冇另收桿錢。
🦐蝦就$144/斤 ，我地釣左2斤多幾両。
算好易釣，2粒小豆都釣到。

但遊樂設施唔多。
免費活動有：足球場同足球⚽️ 小滑板車🛴 完！
（其實仲有唔洗電嘅車都免費，不過大部分都爛嘅，單車冇坐位...未）

付費遊戲： 彈珠、射籃球🏀、夾公仔、玩動車、撈金魚、撈膠魚... 咁上下。

好彩我都帶左少少玩具俾佢地。同唱左$100 代幣俾佢地玩。計計埋埋... 可以有更好選擇😅

聽講疫情之前呢度有個充氣彈床，免費任玩。
成件事當然開心好多啦！
不過疫情嘅關係唔開，都不無道理。

但遊樂設施突然由有變冇，確實有少少失望。

如果呢度多幾部唔爛嘅單車俾小朋友玩下，
又或者多少少遊樂設施，例如小滑梯之類。
小朋友應該會開心好多，大人都會想再嚟嘅。

最值得👍🏻店員非常有善，仲幫手剪埋蝦鬚同串好大蝦🍤

不過重點係埋好朋友一齊，去邊都玩得開心🥳

#雷小囡釣蝦初體驗
Bb時經常去，但太細唔識釣。今次四歲終於釣到喇！

疫景做生意大家都過得唔容易，小店當然都要多多體諒。
但點都好，食物安全必須要好好把關！
疫情冇生意，天氣熱食物易變壞！ 雪櫃門經常關唔好....
明知嘅問題要解決，而唔係知左就算...
其實明知冇人，擺咁多食物喺度做乜？
明知天氣熱，擺到個雪櫃咁遠，關唔好又冇人睇到..
會唔會可以處理下呢？

#後記：
老公痾左成晚...
朋友同佢女又痾又作嘔😔
小朋友喊晒想嘔又嘔唔出...

#始終係小店唔點名批評喇
#希望會認真處理及改善啦

好多朋友都問我，如果想緊湊啲玩新加坡嘅景點，有無乜野好介紹？ 今日就同大家推介呢個三小時用腳行盡新加坡嘅路線啦！

今日就會同大家喺三個鐘入面，行晒魚尾獅、Fullerton Hotel、Marina Bay Sands同埋Gardens by the Bay幾個景點，而且仲會同唔同嘅角度睇到新加坡濱海一帶嘅優美景色。首先我哋要搭地鐵紅線或者綠線，去到Raffles Place站，搵H出口 / Merlion Park，上到地面之後，轉右，去到海邊再轉右，見到前面嘅古老建築物就啱喇！呢度就係 The Fullerton Hotel喇！噫！停一停先！千祈唔好錯過呢個檔口，佢係新加坡其中一款地道甜品 - 雪糕三文治！ 一睇咁多人排隊就知要試啦！ 用麵包夾住又厚又硬嘅冰凍雪糕，唔知你又試過未呢？

食完甜品，未去到魚尾獅之前，就不如入一入呢間超五星酒店 The Fullerton Hotel過一過冷河先喇！原來呢度係新加坡以前嘅郵政總局。嚟到就梗係要睇睇呢度嘅歷史啦！原來喺大堂落一層，就搵到呢個介紹前呢度歷史嘅展廳，睇下！同香港回歸前嘅郵筒一樣樣架！仲可以寫封信寄番俾自己… 不過記住… 要貼郵票俾錢架！

過完冷河，之後出嚟就要過橋喇！過到一半，點解見到咁多人影相嘅？ 嘩！有人跳海呀！

其實要影到我後面呢個跳海公仔靚嘅話，當然就要搵多個朋友喺對面岸影啦，不過如果你無嘅話，拎支自拍棍好似我宜家咁呢，都算係一個唔係好差嘅選擇嚟嘅，三、二、一、笑！

影完相就要行快兩步過橋喇，如果唔係太陽都就快落山喇！過到橋，就會見到呢個文化味好重嘅地方！呢度就係Victoria Theatre & Concert Hall！停步影幾張相，感受一下文化氣息之後，跟住搵呢條隧道，之後過橋，再向前行，大約三至五分鐘，就嚟到呢個世界聞名嘅景點 - 魚尾獅喇！呢度除咗可以睇到背後繁華嘅商業區之外，另一邊又可以見到Marina Bay Sands嘅宏偉建築，絕對係一個值得留影嘅地方！

原來我身後面呢座魚尾獅1972年已經係新加坡嘅旅遊標誌嚟，不過呢個位置就係2002年配合旅遊區發展先至搬嚟。

望去另一邊 - 噫，點解有個榴槤咁樣嘅建築？ 原來呢度就係新加坡嘅濱海藝術中心！影張相，之後就向呢個榴槤進發喇！呢條Jubilee Bridge為行人接通咗魚尾獅同埋濱海藝術中心，亦都可以見到新加坡政府為發展旅遊業所花嘅心思。5分鐘左右就嚟到呢邊喇，遠望番頭先身處嘅魚尾獅同埋商業區，又係另一個唔可以唔影嘅靚景！

好多朋友都問我點樣可以用最靚嘅方法影到金沙酒店嘅全景，咁梗係唔係去到金沙酒店旁邊啦，喺呢個歌劇院對出嘅海濱長廊，就係一個又少人，又易影嘅地方喇！好似我宜家後面咁，你話幾靚！

好啦，唔好掛住影相喇！小休一陣之後，就繼續向前進發！行完呢條海濱長廊之後，就會嚟到呢個好似看台咁嘅地方！究竟呢度係乜嚟？原來每年9月，呢度會係一年一度嘅賽車大賽看台，而平日亦會用嚟做軍隊畢業典禮嘅看台架！

大約10分鐘左右，我哋就開始上橋，準備去 Marina Bay Sands嘅方向喇！Marina Bay Sands集酒店、商場、展覽中心同埋賭場於一身，亦係新加坡嘅地標之一，唔只外形靚，頂樓仲係一個無邊際泳池！橋嘅另一邊就係Marina Bay Sands嘅商場入口，等我哋參觀一下呢個商場先啦！

快行完商場，我哋就跟住 Gardens By the Bay牌，向呢個景點進發。一路沿路行，再穿過 Marina Bay Sands酒店，再推門，就嚟到Gardens by the Bay! 等我哋一齊睇下呢度嘅靚景啦！

【Harley Quinn系列】 小丑女Harley Quinn成魔之路!! | KeNNyPlay3omething

見最近咁多人講起Suicide Squad，所以今日KennyPlay3omething同大家play back Harley Quinn嘅History。

Harley Quinn係喺1992嘅一部電視動畫Batman: The Animated Series入面嘅其中一集Joker’s Favor首次登場。佢嘅原名係叫做Harleen Frances Quinzel。同一般美漫英雄人物唔同，佢係由電視卡通走返入公仔書。創作Harley Quinn嘅Paul Dini話Harley Quinn嘅造型源自肥皂劇Days of Our Life嘅一個角色。喺卡通入面，大家對Harley Quinn嘅認識，都只係知道佢係小丑嘅得力助手，對小丑異常迷戀，但要追溯返Harley Quinn嘅過去，就要返到漫畫。

Harleen成長於一個猶太人嘅天主教家庭。老豆係個經常出入監獄嘅騙徒、阿媽係一個無能力維繫家庭，靠信仰逃避自已嘅人，而佢啲阿哥係成日發明星夢、不切實際嘅無業遊民；所以，年幼時Harleen就同自己講凡事都要靠自己爭取。

擁有天才級IQ嘅Harleen喺大學修讀精神科時她為了證明自己，佢曾經逼使自己嘅教授同男朋友去進行實驗，最後仲攪到自己條仔自殺。但係，Harleen睇唔到自己為其他人帶來壓力，反而深信自己嘅智慧已經去到另外一個層次；所以，佢要挑戰全葛咸城最有名嘅癲佬 - Joker。

畢業後Harleen去到Joker住嗰間瘋人院Arkham Asylum，以寫書取材為由探訪Joker。面對全城最恐怖嘅殺人魔，Harleen自稱為Harley Quinn，名字取自中世紀有名嘅小丑Harlequin。意識到Harleen嘅獨狂自信與對自己不害怕，Joker虛構了自己不幸童年嘅故事。而喺呢啲故事同甜言蜜語之下，Harleen愛上咗Joker，更協助Joker逃走；多次協助逃脫後Harleen嘅醫生牌都被人釘埋，而佢亦毅然扔低件醫生袍，著上女小丑服，自稱成為Joker戀人，終於化身成為超級罪犯Harley Quinn。

今次同大家play嘅係Harley Quinn嘅origin故事。但如果你仲想知加入Suicide Squad對Harley Quinn有咩影響？佢同Joker之間嘅戀愛有幾變態？Harley Quinn生命有有無其他男人？或者女人？記得subscribe我嘅channel同like我嘅video。Keep playing Bro。


Share this video:
https://youtu.be/sZjJKmoHH7o

想留意更多我的動態，記得緊貼KeNNy Play3omething
KeNNy Play3omething社交平台：

KeNNy Play3omething channel:
https://www.youtube.com/channel/UC__D5Ugf9WdWk1qY7H4p4Ig
KeNNy Play3omething facebook:
https://www.facebook.com/kennyplay3omething/
KeNNy Play3omething Instagram:
https://www.instagram.com/kennyplay3omething/

一些關於Harley Quinn的介紹推介：

Harley Quinn: Everything You Need to Know! (The Dan Cave w/ Dan Casey)
https://youtu.be/xHls_nCqReQ
★【法蘭克】★Harley Quinn小丑女 | #2 | DC角色介紹系列!（自殺突擊隊成員）
https://youtu.be/tphGd_yCFOo
意外感人的《自殺突擊隊》| 電影點評
https://youtu.be/u2BAL6Jvjt4