而家咁嘅環境,其實真係冇乜心情做宣傳;不過係自己嘅心血結晶,再加上書展星期三就開始,我諗點都要提一提嘅。
係,小弟嘅第三本作品 - 《畀個伍我老婆》出世喇。
同之前嘅 #伍家謙交畀你講體育 以及 #男人的集體回憶 一樣,今次都係要喺繁忙嘅工作日程入面抽時間趕稿,衝死線衝到死去活來。但係以往趕稿只能夠獨自面對,今次就有人相伴;陪伴我嘅,正正係我人生入面嘅伴侶 -
冇錯,就係👉🏻阿太日常👈🏻嘞。
無心插柳柳成蔭,幾個月阿太貪玩開page,竟然意外承蒙唔少網友錯愛,好似幾受歡迎咁;既然佢成日話我喺網上出post醜化佢,又既然今次決定寫呢個題材,心諗不如就撥啲欄位出嚟畀佢嚟次大反擊啦(其實佢已經成日係自己個page度反擊🤦🏻♂️);點知佢越寫越開心,越開心就越寫得多,多到我覺得,我係應該畀番個名份佢嘅。所以呢本新書,係由 #伍家謙 同 #阿太 合著嘅。
坦白講,阿太大學嗰陣讀中文中史,文字造詣遠比我好;寫前兩本作品嗰陣,我就不時問佢意見,搵佢幫手校稿。所以我諗今次呢本,係會幾好睇嘅。書入面有我同佢嘅一啲經歷、男女之間嘅相處趣事、婚後男人嘅「必然」煩惱等等,你同妳,都可能喺入面搵到共鳴。考慮到情侶夫妻都或者會為去邊到食飯頭痛,所以另闢一章,介紹下我同阿太成日幫趁嘅食肆;全部都小店,全部都位於港島西區,算係我facebook專頁入面 #西營盤美食地圖/#港島西美食地圖 嘅詳盡版。
選擇寫呢個題目,原意係想畀個驚喜阿太。佢成日話咁多年嚟我乜鬼浪漫嘢都冇做過,咁我諗寫本書,當情信咁送畀佢,浪漫喇啩?點知到而家變成合著;浪唔浪漫就唔知,但開心,係真嘅。寫嘅時候的確希望用開心作為主旋律,但環顧當下香港,相信冇邊幾個會開心;如果拙作可以令你/妳稍稍喘息,喺沉重氣氛下會心微笑,減一下壓,就好。
關於封面,個背影的確係阿太本人嚟,不過佢怕羞,死都唔肯出鏡,就惟有咁處理啦。佢冇我咁習慣面對鏡頭,諗番嗰日喺 #啟業運動場 影封面,幾鬼緊張呀佢;又由於怕羞,就連我今個星期六(20/7)下晝兩點喺書展簽書會B區(博覽道入口大堂)嘅簽名會,佢話仲諗緊去唔去🤦🏻♂️
多謝大家,書展見!btw,希望下一本,我可以寫「畀伍個老婆我」🤣
#畀個伍我老婆
#白卷出版社
#民坊
#啟業商場
基滙資本社區商場 Gaw Capital Community Mall
【2019書展新書首賣預告⑬】
《畀個伍我老婆》
伍家謙、阿太日常
小熊維尼溫馨提醒:怪獸出沒注意!
今日伍家謙唔講體育同你講老婆,
聯同阿太一齊分享邂逅故事&生活點滴,
仲特別帶你揾盡港島西美食,
唔使再驚會「今晚食乜好?」。
「我們請在場各人見證,無論環境順逆,疾病健康,
我們都承諾不篤灰,不割蓆,不互相指摘……
但絕對會互爆趣事,大放笑彈。」
━━━━━━━━━━━━━━━━━━━━━━━
伍家謙、阿太《畀個伍我老婆》
毛記葵涌 書展Hall 1C-E24 攤位 溫馨登場
簽名會:7月20日(六)2-3PM
地點:簽名會B區(博覽道入口大堂)
*請於活動當天憑買書收據到毛記葵涌書展攤位領取簽名籌,每本書限領一張,名額150個,派完即止。*
================
我們正安排《陪月辛酸血淚屎》退書事宜,讀者如欲退書及退款,可於8月1日至9月30日循以下方式辦理:
(1)攜同書籍到本社辦公室辦理相關手續,本社將退回書籍原價金額;
(2)以任何速遞方式把書籍寄回本社(請選擇到付方式,速遞費用由本社負擔),保留寄件編號,並於件內附上個人姓名、電話、電郵及銀行帳戶號碼,本社將以轉賬形式退回書籍原價金額。
【白卷出版社】
地址:葵涌大圓街11-13號同珍工業大廈B座22樓5室
辦公時間:星期一至五,中午12時至晚上7時
白卷出版社地址 在 2019 香港書展Hall 1C-E24 白卷出版社/黑紙/100毛/毛記電視 ... 的推薦與評價
![影片讀取中](/images/youtube.png)
「自由係⋯⋯」自由係空氣,唯獨到我哋窒息嘅時候,先察覺佢嘅存在。今個書展,就等我哋喺窒息之前,喺書本入面吸一口氣,令我哋不至於壽終正寢。7 ... ... <看更多>
白卷出版社地址 在 白卷出版社- 首頁| Facebook 的推薦與評價
白卷出版社 · 2021年8月7日上午11:47 · ‼️分享會順延一星期‼️ 遺憾地通知大家,由於有確診人士曾經喺18/7到過書展,所以白卷仝人同含蓄都要接受強制檢測 . ... <看更多>