「誰可以做情侶，動作不一致又一對。」
一對老夫老妻要充分知道對方心入面諗咩，
單憑一個默契去解決所有問題，首先你要好熟識
對方所有既脾性，而且識得欣賞佢既優點之外，
仲要包容佢既缺點。就等同廚師同食材亦都需要
時間去磨合，廚師要知道每一樣食材既特性同特質，
自然煮出黎既野食特別有靈魂。而今晚係天后
呢間西班牙菜「ROJO」，就完全體會到咩叫
做融為一體，以傳統西班牙風格帶出熱情火辣辣既
特色主題，完美呈現文化色彩！👇
-
📌P L A T A · P R I N C I P A L -
▪ Seafood Paella - $228
▫ 要食正宗西班牙菜，第一樣必嗌一定係
「西班牙海鮮飯」，其實等同你去港式茶記咁，
你要試佢夠唔夠地道，都一定係會嗌奶茶同埋蛋撻。
而呢間既Paella就夠哂水準啦，我揀左最原始口味，
以大量既青口、蜆、八爪魚、魚柳一齊上，
成個飯底鮮味十足，青口鮮甜無比；啖啖蜆肉，
好有口感；八爪魚食落煙韌爽彈，配埋煙紅椒粉
令飯粒更加層次更加惹味，相當聰明既做法。
-
📌T A P A S · T O · S T A R T -
▪ Jamon Serrano (24months) - $98
▫ 西砌牙風乾火腿一向係好受歡既Cold Tapas，
今次我試左佢地既「西班牙白毛豬風乾乾腿」，
白毛豬比黑毛豬味道淡身少少，但入口鹹香依然
非常十富，以性價比取勝。同樣油份十恰到好處，
食完唔會太濃太膩，鍾意淡身少少既朋友就岩哂啦。
-
📌T A P A S · T O · B I T E -
▪ Tuffle Jamon Bikini - $98
▫ 人氣高企既Hot Tapas「黑松露芝士風乾火腿
比堅尼」亦係我今次不二之選，外形睇落真係好似
著左三角泳褲，夠哂火辣辣。其實佢係出自西班牙
好經典既三文治款式之一，以麥包夾住松露菌、
風乾火腿、帕爾馬芝士一齊食，咬開中間
仲有拉絲既效果，松露香味圍繞整個味蕾，
層次非常分明。
-
📌P O S T R E -
▪ Churros - $68
▫ 必點既甜品點少得「西班牙肉桂油條」呀，
每日新鮮即叫即炸，油條做到外脆內軟，
食落口感特別突出，再點上朱古力醬，
滋味無窮，呢個一定要食！
-
📍 ROJO
🎈天后炮台山木星街3號地下B舖
