講件陳年6+1事畀大家聽。
話說當年謝師宴係重要嘢，因為攞正牌扮靚，女嘅化行妝，男嘅著西裝，讀咗七年，就係等呢日，個個都嚴陣以待兼不容有失，型男如我，當然唔會例外。
所以，當年我就決定要以一個全新造型出席謝師宴；受某套港產電影嘅男主角影響之下(邊套你哋自己估)，我做咗個驚天地泣鬼神嘅決定：我，伍家謙，決定，要去，染髮。唔係普通染，我要染做銀灰色，要同嗰個男明星一樣。
每個人，都總會有啲不堪回首嘅過去嘅(試下摷番你讀書嗰陣影嗰啲青春無限出嚟睇下吖嗱？)；但係當年，我真係覺得自己型到裂。嗰次，係我人生入面第一次染髮。
本來諗住染一次玩下就算，等生番長就由得佢自然流失。但染咗銀灰色之後嘅嗰一個禮拜，我幾乎落親街都畀人查身分證，隔離屋啲師奶就以為我入咗黑社會。喺群眾壓力之下，七日之後我就決定染返黑😅；自己偷偷地拎咗阿爸買落嘅黑色染髮劑，染完，隻黑色實到以為自己戴咗假髮，仲要成頂頭髮旱晒，好似鐵線咁。
型到盡頭便是8-1，呢兩次就係我人生入面，截至尋日嘅所有染髮經驗。
*****我係同伍家謙一樣咁型嘅分隔線*****
廿年過去，我已經再唔係當日嗰個要扮有型嘅伍家謙，而係進化成唔駛點扮都一樣咁有型嘅伍家謙；當年個頭要染先變到銀灰色，呢兩年就真係生咗三兩執白頭髮出嚟。
所以話，好多嘢，你而家冇，但係將來會有🤡
如果成個頭白晒，我係未必理佢嘅，仲唔駛染就可以有當年去謝師宴嗰個效果添，之但係萬黑叢中幾點白就有啲礙眼；頭頂嗰幾條都算，鬢位白咗就好明顯。雖然我堅持自己無論個頭係咩顏色都一樣咁靚仔，但嚟緊過年，又情人節，帶住老婆仔女都係搞搞佢見人好啲嘅。
諗番廿年前自己染黑嗰個經驗，都有啲擔心。不過聽朋友講話用開一款好好嘅染髮霜，所以就試用咗日本男士No.1染髮品牌Men’s Bigen一按染髮霜。
原來，廿年之間，除咗我靚仔呢一點冇變過之外，好多嘢都唔同晒，連染髮劑都進步咗好多。Men’s Bigen唔需要幾支嘢混合埋一齊，簡單一㩒，就會同時唧出兩種乳霜，方便到極；我最鍾意佢把專用梳嘅設計，因為前端有個部分係專畀你梳髮鬢位，啱晒我用，亦都可以輕鬆塗抹髮根至髮線位置，完美遮蓋白髮。而且勁快，梳勻個頭之後，五分鐘就染出均勻自然嘅髮色。用咗#5自然棕色，陽光下光亮啲，夠晒自然！
雖然疫情之下活動少咗，但過年就點都要精精神神嘅！由即日起至年三十晚(11/2)，Men’s Bigen做緊限時優惠價$60.9呀！(建議零售價$74.9)
填埋簡單表格仲可以參加免費體驗活動，總共送出200份㗎！表格連結: http://bit.ly/3pla33h
白髮造型男 在 [閒聊] 木村拓哉人在台灣？真相曝近7萬人朝聖- 看板C_Chat 的推薦與評價