話說用左三年半的Sharp HAIR SPA護髮風筒打柴數星期，懶到出汁唔去買個新，結果兩晚好夜沖涼想即訓卻因為無得吹頭而夾硬出廳等時間過….好可憐又浪費時間。雖然dyson好正兼無限正評，但三千幾黎講一個月吹唔到三次就唔值得了。（如果買左，為求回本我應該會日日吹）今日終於的起心肝去買返個，本身做晒research諗住買panasonic千幾，後尾睇睇下覺得六百幾ok，再諗諗，咁少用不如買幾舊水算，旨在有個放屋企就得，最後店員推介呢個$198，一樣有得較冷熱風同話有負離子乜乜乜。
我：「咁平仲有贈品送？」
店員：「係呀，係咪超抵呢，百land蚊都有野送。」
隨即佢拎左個winnie the pooh陶瓷杯俾我。
我：「er.....可唔可以要張膠墊」
店員：「下你竟然想要張膠墊，我仲煩惱緊張膠墊送唔出....」
我：「杯，屋企有無限個.....打爛多20隻都應該仲夠全家用喎」
有時覺得遇到友善的店員真的好重要，師奶呢，就係感覺買到平野仲有野送就正合我意喇。唔係廣告，不過電器連鎖店黎講，我係幾中意百老滙，順便溫提Winnie the Pooh精品送到今個月月底。
#小熊出沒注意 #百老滙驚喜生活 #隔住個mon都想要 #識揀一定係咁揀 #百老滙有禮預埋你 #早買早享受 #百老滙美食生活 #您專業的電器顧問 #師奶係咁妳懂的 Broadway百老滙 #broadway #百老匯 #broadway百老匯
