【香港人，我哋最好回憶仲剩低咩？】
香港人真係好累，新聞獲獲新鮮獲獲金，當你以為已經係接受能力極限時，原來沒有最差，只有更差，果啲「樂觀L」話2021年會更好，只係過咗一星期，都冇咩好事發生。唔止香港，全世界都係。我唔知點解可以咁樂觀覺得2021會好。
好多時，我哋根本follow唔切一單嘢，又有另一單發生。
普遍香港人會好留意住石硤尾古蹟果單，但對九龍城區居民嚟講，最突然消失嘅，會係呢個碼頭。
雖然，曾幾何時，呢個碼頭見證住土瓜灣嘅墮落，一團又一團大陸團晚晚喺度聚集，但都係我哋呢一代嘅集體回憶。想吹水，就嚟呢度。
那些年，你離家出走、我失戀、佢失學。
這些年，你俾人炒咗、我失業、佢離婚。
係，呢個碼頭盛載住我哋最唔開心回憶，唔知點解附近朋友有咩事唔開心，就會嚟呢個碼頭啤啤佢吹吓水，而呢度都係自殺勝地，有一次，我哋同街坊，真係截到個準備跳海嘅人。講就講到好多不堪回憶，但無非都係我哋嘅成長回憶，好似喺呢度啤一啤，人就會成長、重新出發，笑看大海嘅波濤洶湧、內心就會無比平靜。
當你以為呢啲嘢係永恆、冇唔開心又唔會無啦啦嚟憑弔時，佢有一日會喺無聲無聲下，就話要拆／重建，然後，你連道別機會都冇，只可以遠遠咁影張相。
香港唔止再唔係我哋熟識嘅香港，甚至冇可能返去我哋熟識嘅年代，已經係不爭嘅事實，最可惜係連一啲死物都不斷要清拆，甚至喺毫無預兆之下就消失，呢啲伴隨我哋成長嘅回憶印記，一個又一個消逝，最後，呢個地方，無論軟件定硬件，都正正式式唔再係我哋熟識嘅地方。
那是一個我們再也回不去的從前，有啲回憶，可以留低嘅，就盡力好好珍惜喇。人又好、事又好、物又好，點知邊一日，會喺你身邊消失？
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
