近日明周文化推返一篇講述香港一個隱世小島上既羅馬浴池，相信大家睇到啲相都蠢蠢欲動，而且文章一開頭就話長洲有街渡前往，船程僅20分鐘，更加想心動不如行動，不過係呢度要潑一潑大家冷水。
首先，石鼓洲係香港既禁區，冇錯，係禁區，好似沙頭角嗰啲咁，你要拎禁區紙先入得，唔係純粹去長洲坐個船就去到。
文章最後 （吖係要放最後，有幾多人會睇哂呢？竹）有講到，每年都會有個開放日，好似仲係11月添，咁最多都係申請張禁區紙姐，不過好可惜，岩岩打左電話去戒毒會，職員同我講，今年因為疫情無開放日，連家屬探訪都無埋，大家可以打消念頭。
仲有咩方法入到去？可能吸完毒再去嗰度戒毒囉，不過藏毒就犯法既，而且你冇一年半載都出唔返黎，日日對住羅馬浴池，唔知夠唔夠滿足呢？
文章傳送門
https://www.mpweekly.com/culture/石鼓洲-戒毒康復院-羅馬泳池-161974?&fbclid=IwAR2U8UxByPLdY0NhM3q4oAddAE5Ea997Fc9oh18wKeyFJxtiWa5G4O573Hg
