林雋樂，Marvin Lam，八十後帥氣魔術師，曾參與《魔法擂台》、《決戰一分鐘》等知名節目。雖然幼稚園時志願係做昆蟲學家，但無阻佢最後成就魔術師。香港魔術師都非常多，Marvin又點突圍而出，創一番事業呢？
六歲時候既Marvin係暑期興趣班，首次接觸魔術，自從中學開始更一直睇書鑽研魔術。魔術界有句格言，就係「比人諗多一步」，而Marvin因著依句說話，就開始思考將來發展。當時香港未有「活動管理」Event Management 呢一科，所以不惜遠赴澳洲，為事業鋪路。雖然Marvin出身於小康之家，屋企人有負責幫佢支付澳洲學費，但那裏的生活費要靠自己賺，Marvin坦言係澳洲時為了生計都有做過清潔員、咖啡師等等，直至後來佢開始係周末教魔術興趣班，此時收入便開始增加。
「成魔之路」
事實上 Marvin係澳洲既課程都幾輕鬆，當時Marvin諗過如果自己想要安穩生活，就會留返澳洲發展；但如果真係想創業明志，都後覺得香港才係真正機會處處。簡單黎講，Marvin靠的是一己之長，用FREELANCE 形式開始創業大計，成本不大，無須大量資金投入，反而靠的是自己人際網絡同付出自己既時間。創業之初，有時一個月得一單Job，咁就要用千幾蚊過一個月，所以都有兼職度日，既要糊口，亦希望擴闊客戶圈子；如是者周而復始工作兩三年，生意才稍稍上軌道。
主持Laurence笑稱「魔術師」呢一個行業好神秘，Marvin就介紹其「成魔之路」：一般學魔術都係好基本、好入門，如果真係想深造之道，都要去魔術店買書，本本都好似磚頭咁大——說穿了係「用錢換一個秘密」。但時至今日，好多魔術都要自己創造。市場資訊令客戶要求更多，很多公司亦希望魔術師能制作新的魔術表演配合品牌宣傳目的，Marvin舉例曾經有個表演主題係「點滴是生命」，當時Marvin個魔術就係放d泥同水落盆栽，之後綠草就迅間生長，要令到魔術有原創及切合顧客需要，Marvin絕對要攪盡腦汁取悅客戶。
入行唔難，但成功一定要「卓越」
魔術師日常工作主要係「見客、學魔術同練魔術」等等。其實魔術效果最多只係二十個，點樣令到觀眾感覺新穎，靈感好重要，但Marvin笑言身邊魔術師朋友，都係夜晚十點後先至「靈光一閃」——靈感會蒞搵你，但你係唔知「佢」幾時蒞搵你；不過Marvin作息頗有規律，所以都唔會夜晚先練。魔術師的收入可能比魔術本身更加神秘，但Marvin亦樂意分享，每次表演收費，由數千到一兩萬元不等，但Marvin特別提到，「魔術越厲害，表演越要（扮得）輕鬆」，真係「臺上一分鐘，臺下十年功」啊！而魔術師係點搵客呢？Marvin教路，其實出騷箇時，在座每一個都會係之後潛在客戶，因為佢已經見識過自己功架。
Marvin慨歎，行內無「公會」監管魔術師標準（例如最低收費、資格認證），有d新晉魔術師連五百蚊半個鐘都肯，令魔術師都要互相血拼，主持人Laurence 稱呢個收入好多人做一日都搵唔到，睇黎魔術師確係高收入一群，但成功背後其實絕不簡單，正如前文所，認真去準備一個魔術表演可能花費十天八天的準備及訓練時間，可見時間成本也不低。不過Marvin苦笑稱，新晉表演者跟自己畢竟高下立見，都唔會點影響到收入。另外Marvin有見魔術師行業唔團結，九成魔術師都係單打獨鬥，所以Marvin成立公司，開始幫年輕魔術師發展同接JOB，正好利用自己當年讀Event Management 的優勢，協助其他魔術師找尋市場定位。現時Marvin公司有三個拍擋，六、七位合約魔術師，公司規模不小。
每次都「量力而為」，自己就唔會進步
Marvin就引述維珍集團創辦人布臣（Richard Branson）名言：「機會當前，就算無信心，都要先把握；其後苦練令自己達到要求。」「如果我每次都『量力而為』，我只會同對手越離越遠，自己都唔會進步。」Marvin又認為進步之道，就係「不斷解決問題」，每一個魔術都唔完美，但要精益求精，止於至善。
Marvin覺得時下青年感覺都但求安逸，唔夠勇氣，而學校、家長都會抹殺佢地見解——連自己都會同自己講唔得。Marvin就覺得應該「先斬後奏」，試下自己想做嘅事。Marvin重特意寄語年輕人，其實學魔術係識唔到女仔，但如果你唔試，就一定追唔到。「千里之行，始於足下」，只要肯試就有機會能靠自己努力爭取成功。
網站; http://hk-feel.com/
facebook page: https://www.facebook.com/hongkongfeel
神秘顧客入行 在 訪問/座談會/神秘顧客- 兼職大本營surveyhk 只此一家，本網站 ... 的推薦與評價
【被訪者/神秘顧客🕵️♀️】- 更新至1/4，有35個項目可參加，請踴躍報名~ ... 研究#市場調查#高薪兼職#神秘顧客入行#學生兼職#網上問卷#兼職大本營#Jetso ... ... <看更多>