【嚇人客人】
時近年尾，又是飲宴高峰期。接二連三嘅紅色炸彈令我應接不暇，唯有開住㗎紅色跑車去啲婚宴場地，賺錢畀人情。辛苦錢開心洗，自己去飲，見住朋友成家立室，係好感動同愉快嘅一晚，但係載啲散酒席客，發現佢地未必開心。
嗰次係喺觀塘開源道，臨近十二點，有幾個滿身酒氣嘅大陸佬上車，一上車就遞張酒店房咭畀我，不斷用普通話講：「去這裏去這裏。」望住佢地三個一身就爆鈕嘅西裝，完全提唔起興趣同佢地講嘢，專心揸車。遺憾嘅係，半醉大陸佬，講嘢好似唱山歌咁大聲，就算唔想聽，片言隻語都會傳入耳。
「操他的小劉，茅台才一箱，怎樣夠。」
「把人看扁了。」
「這麼貴他們喝不起的了。」
「也對也對，他們什麼料子。」
「聽說連車子也是租來的。」
一陣陣嘅土豪味，比一身嘅酒氣更臭。有錢人我載唔少，銅臭味咁濃嘅真係較少見。噴咗一輪口水之後，話題轉咗去新人身上。
「沒想到小劉的媳婦兒這麼漂亮。」
「他才不像你這麼無恥。」
「真想抓抓看。」
「敬茶時你沒有看夠嗎？」
「新娘的朋友也不錯。」
「你拿了他們的qq號嗎？」
呢類說話持續五分鐘，如果唔係喺酒樓附近上車，絕對會以為佢地去完夜總會開餐，寫緊食評咁，有咁嘅親戚真係大不幸。好在我同佢地嘅關係唔多過十五分鐘，唔會有咩交流，可惜我錯了。
「這計程車怎麼這麼慢？」
「對對對，車子跟司機的素質也比不上北京的。」
「開快一點吧。」
「他聽不懂的，算吧。」
你老味，咁串，就畀佢睇吓香港地道司機嘅質素。入到蕪湖街幾盞燈，我都去到最遲一刻先落Break，可惜都唔嘔，呢幾條大陸仔嘅酒量都唔錯。
終於到收錢一刻。70蚊左右嘅車費，竟然遞張人民幣一百蚊上嚟，我耍手表示唔收，佢地又串嘴：「操泥媽不收人民幣，這什麼態度？」
「你地無錢畀？無錢學人搭的士？」
「人民幣不是錢嗎？」
「大陸太多假錢，我點知係咪真？」
「幹，我們像騙子嗎？」
「你嘅語言令人好懷疑wo。」
「這裏就一百塊，你收不收？」
「真麻煩。」見玩得佢地差唔多，就放佢地落車。
「找續呢？」
「找續？什麼找續？你們拿不出港幣，當然要付兌換手續費。再說，你們不是大富豪嗎？這一點點錢也要跟司機計較，你們有錢買車票回家嗎？」講完都覺得好笑，已經伸手去攞散紙，點知班大陸佬居然真係死要面子落咗車，真係笑死朕。
大陸土豪成日以為有錢大哂，畀錢就係上帝，可惜香港司機就係同錢作對嘅一群，有錢大撚哂？老細大撚哂？客人大撚哂？你估你喺金行呀，真係飲酒飲到忽上腦。
#lazytaxi
#的士
#taxi
#我的你的紅的
租 西裝 觀 塘 在 Carmine Suit 西裝禮服專門店 的推薦與評價
Suit/ Carmine C017 ===================== 歡迎INBOX查詢/預約【OPEN HOUR】 星期二三四五14:00-20:00 星期六日13:00-20:00 地址：觀塘成業街19-21號成業工業 ... ... <看更多>