【做移民喎，澳牛咩？】
得ABC餐，係唔識，好賺，還是出色？
關於英國移民嘅方法，越來越發覺香港有個現象好有趣。好多人會無意間跌入由香港嗰啲移民Agent，或者自稱專業顧問創造出黎嘅幻象黑洞。結果大家會覺得英國移民政策裡面彷彿只係得一兩個，揾Agent就好似入咗澳牛咁（ABC餐都無）。飲飲食食一餐半餐，炒蛋同腿通光速好賺當然無所謂。問題係依家唔係老店冰室打卡，係自稱「專業」移民服務喎，點解要客人去遷就agent同顧問嘅技能呢？
例如當年T1E有老千plan，容易做又好賺，就好似炒蛋腿通咁賣。點解從來無聽過會幫人考慮，做成本相對平嘅Business Rep簽證嘅呢？再深啲嘅Special Talent同Seed Fund都無謂講，連最基本嘅居英權家庭團聚都嫌煩賺得少唔多願做（個人親身經歷）。好喇，依家改咗T1 Startup/Innovator，就聲稱好難未做過，忽然失憶症好返識sell Business Rep Visa，蛋同通粉賣晒就記得啲嘢？有啲仲叻到叫人去啲非英語國家做跳板，咁不如諗下太平洋島國或者非洲英聯邦國家，當香港人係大陸移民市場咁做好唔好？
坦白講，本人唔係正義聯盟，「行家」點做生意唔關我件蛋治，亦係（無監管）嘅自由市場問題。只不過覺得有啲可笑，移民話晒都係人地人生嘅重要決定，原來可以攞黎咁玩嘅。即係咁，有無醫生會因為自己唔識新科研，要啲病人食買落嘅舊藥？有無律師會因為法例改咗（好難囉），叫人唔好打官司搞咁多嘢？說穿了，最緊要係簡單容易賺（食），客人嘅真正需要？講呢啲...
睇黎係時候整返個「移民英國懶人包」，幫大家溫溫書，免得大家「被焗揀」。
#做移民做到澳牛咁幾好
#臨時演員都係演員
#精神啲專業啲得唔得
#GoodbyeHKHelloUK
****************************
英國移民生活網
重要舊文重溫
www.goodbyehkhellouk.com
****************************
精神啲專業啲得唔得 在 精神啲！業餘球員都係球員！ 周星馳喺喜劇之王有句咁嘅對白 ... 的推薦與評價
精神啲 ！業餘球員都係球員！ 周星馳喺喜劇之王有句咁嘅對白，相信大家一定刻骨銘心。當中帶出重要訊息除左係專業，就係心態。... ... <看更多>