去過唔同嘅親子餐廳👨👩👧，大樹先生的家 Mr. Tree - 香港店 都算係數一數二我同Jasmine好鍾意嘅餐廳🍴之一。之前都係去荔枝角店，未去過銅鑼灣店，今次適逢銅鑼灣店舉辦年末VIP Annual Party🎉，我就帶埋囡囡去玩喇。
原來大樹先生的家剛剛換咗新主題，波波池已經換上珍珠奶茶嘅顏色🟠⚫️。今次係聯同 花斑茶社 A Boutea 攜手合作，將黑色珍珠及奶茶色元素放到波波池內。另外仲有釣魚池🎣，可以喺多個珍珠波波入面釣魚。
當日節目好豐富，除咗可以玩到場內遊玩設施外，仲有魔術師🧙♂️表演魔術及抽獎。另外喺餐廳內享用午膳之外，仲可以搶先體驗期間限定嘅黑糖珍珠鮮奶🥤及製作親子Babychino朱古力芝士奶蓋🍫 🧀。
Jasmine當然玩到樂而忘返啦，不過呢一節嘅時間完咗，又係時候講拜拜，臨走之前，Jasmine仲收到小禮物🎁及紀念品-大樹紀念球禮盒，為今次玩樂之旅畫上完美句號。
大樹先生的家 - 銅鑼灣店
銅鑼灣告士打道311號皇室堡15/F
#大樹先生的家 #花斑茶社 #親子餐廳 #珍珠奶茶
