🍂秋日味蕾極致體驗 🍁
-
🍔比較多介紹啲平民化嘅餐廳，但有重要場合，例如生日，週年紀念等，平時食得幾頹都好，點都要花花心思食餐好❤️ 依間大家可以放心bookmark 定~ 餐廳以深灰同木色作主調，有格調得嚟帶點日式嘅味道。夜晚omakase 最平唔洗一千就食到，算係幾親民~ 隨住季節嘅轉變，師傅都會採用返當造最新鮮嘅食材🐟 依家正值秋季，就引入左白子，鯛魚等，所以大家見到心頭好嘅就好快啲試喇，過左season就喊到冇用🤣
-
Omakase 晨($1180) 包括 先付，五款刺身，五款壽司，吸物，料理同甜品。
小前菜- 冰豆腐，配以海膽同魚子作開頭。賣相精美，鮮嫩嘅海膽同味道清幽嘅豆腐一齊食，感覺輕盈帶鮮甜~
*
- 刺身-
第一份嘅魚生已經令人大開眼界🤩 用圓形玻璃缸盛載住石鯛魚生片，加入酸汁同紫蘇葉。望落就好似欣賞緊日本冬日庭院嘅景色咁。師傅會注入液態氮，並係面層用紙拉出一個薄膜，當氣體向上升嘅時候個波就越來越大，到最後爆破一刻白煙四散，好似仙景一樣❤️ 石鯛嘅口感就比較結實，魚味重，配上酸汁幾開胃
*
最近鱈魚白子(精巢位置)進入當造期，唔少日本人都開始將白子入饌，除左刺身外，仲會用嚟煲湯，高技巧啲嘅會用嚟做天婦羅~ 🥢 今次依個白子完整度幾高，顏色雪白，用火槍輕輕燒香面層，再配以柚子酸汁食用。味道柔滑濃郁，外面焦香帶微脆~
*
生蠔用左依兩年開始盛行嘅” 令和の怪物”🦪 個名認真夠霸氣，size大過一隻手掌✋🏻 海水味較重而且夠creamy
*
-壽司🍣-
•赤海蝦 配蟹膏麵鼓醬: 蝦肉鮮甜厚肉夠爽彈，加上蟹膏醬加強左個鮮味同添上一份鹹香
•北寄貝壽司: 特別在於底部向上，再用火槍燒過，咁嘅方法更能保持鮮味同更香口
•鮟鱇魚肝: 魚肝係偏向濃味同creamy，所以配埋面層嘅西瓜奈良漬，脆口帶鹹酸，大大減低膩嘅感覺。
•赤海膽: 偏薄身，鮮味中帶回甘
•中拖羅: 接近大拖，油脂重，無乜筋 ，入口好舒服😌
*
- 御料理-
用高温油炸連皮同魚鱗嘅金鯛，鱗片間trap住哂啲魚油香😻 咬落好鬆脆，而下層嘅魚肉軟綿得嚟充滿肉汁。旁邊用銀杏同紅葉面筋襯托，由上而下望就好似一幅畫咁，充滿秋意🍁
-
花晨月夕 (尖沙咀)
尖沙咀赫德道2號金麟商業中心2樓
@ 花晨月夕Kuno
