近排不斷同大家分享外地睇戲嘅有趣經驗，其實好多時睇戲都會伏，唔係伏在套戲差或者戲院差，而係套戲太複雜冇字幕唔明佢講乜。
第一次有咁嘅「語言衝突」係喺美國睇第一集《星空奇遇記》，第二次係《神探福爾摩斯：詭影遊戲》，第三次就係《普羅米修斯》。因為《異形：聖約》上映在即，而好似同上集《普羅米修斯》有關，都係時候拎返嚟睇。一如另外果兩套，有字幕下睇，好似當一套新嘅戲睇咁，當日我睇完真係完全唔知佢做乜，雖然，有字幕下都唔係好明得曬佢做乜，上網搵返唔少文章，似乎網友都唔多知佢做乜。但係，我突然眼前一亮，發現有共通之處！
喂，《天煞異降》隻鑊點解會出現喺《普羅米修斯》嘅？！
《天煞異降》班外星人知道自己三千年後會有災難，所以嚟搵地球人幫手，莫非佢哋都係Engineer一員，知道你班友仔會上去搞搞震，釋放一場災難，搞埋班異形出嚟，所以要搵Amy Adams去搞搞佢！
喺幾萬年前，佢哋飲完黑色液體，變到八爪魚咁樣，而佢哋本身根本就係Engineer，飲錯嘢先變成八爪魚！大家睇完《天煞異降》唔知三千年後場災難唔重要，可能佢哋就係Engineer，甚至，佢哋本身就係異形，搞到你班人類醉心研究Linear語言，影響埋Ripley唔去搞佢哋？
Boom！謎底已經解開！😂😂😂
#純粹鳩吹勿亂信
【小弟第二次電影趣聞分享會，期待見到你呀】goo.gl/85s0eG
