關於 紙飛機親子餐廳 好 唔好 ，我們在網路上蒐集到這些相關的討論、資訊與評價

上星期我同小周董去左紙飛機一週年大派對活動，之前聽過紙飛機親子餐廳好多次但總係無機會去，原來佢地己經一週年，上星期佢地攪左一週年大派對，我參加左其中由moody tiger贊助的戶外親子瑜伽班，可以著住親子服同小周董做Yoga真係第一次，不過原本好溫馨的親子瑜伽但結果似...我比阿仔玩多d。😅

做瑜珈咁大動作，d衫一定好舒服先可以，moody tiger有一系列瑜珈同運動服，質料超好，最開心佢地出左親子裝，出面好多親子都只限母女，今次終於有母子親子裝啦.....仲要又有型又舒服，我真係好鐘意啊!!!😍

第一次入去紙飛機親子餐廰....感覺超光猛同好新淨，佢地好著重衛生，全部進場人士都要除鞋，小周董一馬當先走左入呢個木粒池，細佬都落池玩下先....估唔到佢完全適應到，唔會好似好多小朋友咁一落沙地就喊, 所以木粒池就算BB玩都好適合，只要唔好比BB放木粒入口就完全無問題。😊

紙飛機最特別係一個有中餐食既親子餐廰.....爸爸聽到真係開心死，睇一睇MENU估唔到佢細心到連BB糊仔都有得賣，細佬都可以有份食呢 ^^ 主菜有雞有牛扒、連豆苗都非常有質素，終於去親子餐廳唔洗只係食漢堡包同薯條，真係難怪呢度咁受小朋友同父母歡迎....太體貼啦!!!今日大小周董都玩得不知幾開心，如果大家都想去紙飛機親子餐廳又食又玩，就快D到佢地官網訂枱啦 😁
https://www.origami.com.hk/cn/home

詳細分享文可睇呢度: https://1437rita.blogspot.com/2018/12/1-moody-tiger-x.html
instagram(1437rita) 有更多哈碌片段睇，歡迎follow埋我IG戶口啊。😘

再次多謝 Origami Kids Cafe同埋 Moody Tiger 邀請。^^

天氣炎熱的星期一，阿媽帶住柯豬嚟到位於啟德郵輪碼頭天台的 紙飛機親子餐廳 過咗愉快的一個下午。

柯豬一入到餐廳已經急不及待開始玩，有琳琅滿目的煮飯仔+大廚房、推車仔、doll house、木滑梯，etc，當中最最最鐘意玩嘅就係木粒池，柯豬話好似跳咗入好多pocorn入面，仲用個玩具桶裝一大桶popcorn俾我食 😂

阿媽我自己都幾喜歡依個場地，位於啟德這個鬧市中嘅綠洲，玻璃幕牆的設計令整間餐廳好光猛，空間感充足。玩具種類頗多，男女孩子都會揾到佢想玩嘅部份。同行的家長坐喺餐廳中心用餐，玩耍區圍著用餐區，爸媽抬起頭就可以揾到阿仔阿女，咁就可以邊食嘢邊望住小朋友玩，大人細路都能enjoy。另外，值得一提嘅就係紙飛機親子餐廳提供嘅餐點唔係一般嘅兒童餐，即係炸魚薯條、漢堡包、汽水這些，而是傳統的江浙菜，有正式中菜品嘗的親子餐廳我諗喺第二度真係揾唔到。柯豬媽點了一碗｢返樸歸真葱油拌麵｣，葱白和醬油都很香，不錯。餐廳負責人還送了一客甜品｢法式拿破崙千層酥｣俾每一位blogger媽媽。我就唔知好唔好味喇，因為成碟都被柯豬掃晒，我只係食咗粒士多啤梨同片薄荷葉 (做人媽媽的命運就係咁樣) 。

如果爸爸媽媽你地想帶小朋友去紙飛機親子餐廳，記得先到 https://bit.ly/2OueF4Q 了解佢地嘅營業時間、收費，同埋記得book位呀~~~

#多謝blognet的邀請 #BlogNet #博盟
#親子餐廳 #紙飛機 #紙飛機親子餐廳 #江浙菜 #木粒池 #親子活動 #啟德郵輪碼頭