#成長日記
#對小朋友也要愛如初心
來到20個月, 細細佬真係大個左好多!
最近更常常整古做怪同蝦家姐仔! (但有時又好鬼friend)
剛剛的農曆新年, 帶著兩隻小馬騮周圍去拜年, 見到好多親戚朋友, 亦有好多差不多同年齡的小BABY, 難免會比較一番......
誰誰誰長高了、
誰誰誰會自己吃飯了、
誰誰誰上名校幼稚園了......
要是自己的孩子給比下去, 真的會有點不安!
是不是自己沒做好? 是不是自己湊得差?
但每次我都會停一停, 深呼吸一下, 叫自己別多想~~
只要小朋友,
每天過得開心!
每天健康地跑跑跳跳!
每天以禮待人!
每天有值得感恩的事!
不就是爸媽最希望的嗎?
我有一個小習慣, 每一晚都會同孩子們分享一個當天的開心事, 好似:
「媽咪今日唔使OT, 可以早啲返黎陪你地, 好開心呀!」
「媽咪今日偷偷地去左食雪糕呀, 好好味, 下次帶埋你去食丫」
「媽咪今日見到丁丁自己執玩具, 覺得你好叻好乖, 做得好!」
小朋友就會學識每日去發掘開心事, 就算是幾微小的事, 都值得分享!
我問丁丁, 今日有無開心事呀? 佢會話:
「媽咪媽咪, 我今日去公園見到啲花好靚!」
「媽咪媽咪, 今日我自己食晒碗飯, 係咪好叻豬?」
「媽咪媽咪, 樓下姨姨讚我有禮貌! 我好開心呀!」
而細細佬雖然未識講, 但聽到我地講野, 佢都識比個LIKE我~
又令我開心足一日喔~~~
做父母, 其實真的不要太緊張, 只要用心用愛,
小朋友一定會有正面的成長!
有良好的心態, 哪怕遇到什麼挫折, 都會積極去找解決方法~
這樣的小孩, 才不怕跌倒喔!
圖為兩姊弟一齊飲睡前奶, 飲完齊齊俾個LIKE我, 要我讚佢地叻叻呀!
救命! 可唔可以唔好咁可愛~~~ XD
#人生好漫長 #父母碎碎念 #愛如初心 #育兒 #親子 #別比較
#自己小孩是最好的 #笨父母
#細細佬之日常 #20M
#丁丁之日常 #4Y1M
#美贊臣
#Meadjohnson
－－－－－－－－－－－－－－－
Follow:
FB: Kan夫人。生活雜記 (www.facebook.com/MrsKan.blog)
IG: mrskan_net (http://www.instagram.com/mrskan_net/)
細佬真係大個左好多 在 芊悠由蝦細佬到而家氹細佬，大個女左好多，雖然倒亂程度都高左 ... 的推薦與評價
芊悠真係好乖，由10個月大已經爭住拖地，而家6歲一如以往，... २०२० मार्च १६ तारिक १७ ... ... <看更多>