【總加速師的分配再分配】
總加速師話要透過第三次分配去共富。究竟第一、二、三次分配係乜？總加速師近來種種嘅行徑又應該如何解讀？
01，從黨媒報道見到總加速師話要透過「第三次分配」去達致共富，腦海即時浮現出好多問題。例如，呢頭先至打晒鑼鼓話初步完成建設小康，點解轉個就咁坦白承認貧富懸殊問題？共產黨唔通真係咁關心貧富懸殊問題？
02，根本嘅問題係，大陸都唔存在公民社會，企業又點樣去做非謀利嘅公益事業？唔好忘記，上個月，中共先至將孫大午重判十八年。孫大午，係全中國最身體力行「第三次分配」嘅企業家；中共如果容不下好似孫大午呢種對社會真正有抱負嘅企業家，又點樣「第三次分配」？
03，「唔好太認真對待治國口號。」唔少人會咁諗。又唔好忘記，今年三月中共中央財經委員會提出「規管平台經濟」，之後就一輪選擇性執法。埋單計數，蒸發咗幾萬億嘅市值。當然，帳面富貴如浮雲，輸錢嘅人當中，更加有唔少係外國投資者，但似乎總加速師想用行動話畀全世界知，治國口號，真係有牙，講過，唔係就咁算數。
04，所以今次總加速師話「共富」，騰訊即刻知機，捐五百億。留意，係騰訊捐，唔係馬化騰捐。作為騰訊股東，又係唔係要問吓，點解唔係馬化騰自己捐身家？乜第三次分配，唔係只針對極少數嘅巨富咩？
05，要了解中共最新嘅情況，要睇返 2018 年中共十九大。歷史證明，除咗國家主席永續之外，有更多嘅細微處，當時大家可能忽略咗，例如「深化黨和國家機構改革」。
06，大陸從來都有「一個機構兩塊牌子」嘅做法，即係同一班人，同時有黨國嘅兩重身份。不過，黨國始終有一定嘅分工；黨係意識形態，國係政策執行。黨員同幹部，理論上始終都係兩種身分。黨員，唔一定係幹部，幹部，就大多數係黨員。但十九大之後，黨國「更緊密合作」，尤中共中央嘅委員會決議，唔單止係理念方向，而係具體嘅要執行嘅政策。
07，畀個例子大家參考；個別單位例如中央網絡安全和信息化委員會辦公室（簡稱「網信辦」），經過十九大之後，直接管轄從前由國務院負責嘅工業和信息化部（簡稱「工信部」，MIIT）。過去兩個月，由「滴滴出事」到規管手機遊戲、網上股評人、「飯圈事件」等全部由網信辦出手。
08，至於所謂第三次分配而共富，應該放諸以上連串事件一併去睇。假如單靠破財可以擋災，大陸發跡嘅人，都一定知道遊戲規則。但有理由相信，割韭菜嘅行為，唔只求財咁簡單。
09，總加速師究竟點解要針對呢啲科網企業？另外又有邊啲其他行業屬高危？對香港有啲乜嘢影響？仲有，我哋可以點樣從呢個事件，學識「資訊不對稱」之下，閱讀北京嘅政治？
文章餘下部份：
https://www.unsubject.me/the-third-redistribution/
一個月免費試閱 Promo Code： SEP2021
網絡安全例子 在 第一章网络安全基础 的推薦與評價
网络安全 是指网络系统的硬件、软件及其系统中的数据受到保护，不因偶然的或者恶意的原因 ... 这个例子很好的说明了 CVE 、 CWE 和 CAPEC 之间的关系：. ... <看更多>