【阿肥姑婆約定你！】
今早返工，約咗一班重要嘅人…
佢哋都有一個共通點，全部係獨居兩老長者！
活動名稱係：「阿肥姑娘:-) 約定你！」
我介紹時講：「阿肥姑婆約定你！」
大家即時笑得好開心，可能覺得好有親切感！
我同大家講：「今個月開始，我重返外展隊，我希望能夠為大家做得更多，讓大家生活得更快樂！」(雖然阿肥姑婆內心並唔快樂…)
頓時掌聲如雷！！！！！
第一個環節：聞歌起舞
60到92歲都跟我一齊跳！
兩首歌：《舊歡如夢》+《難兄難弟》
跳舞完全難唔到我，想當年，我就係走去跳健康舞同踏板舞，喺四個月內，由184磅跳到114磅！
最難得嘅一幕係，平時愁眉不展、鬱鬱不歡、篤住我送俾佢支四腳叉柺吓柺吓行嘅87歲醫生都瞇瞇笑住跟我一齊「跳」！
獨居兩老長者最令人擔心嘅係：出事時缺乏支援…
因此，第二個環節係：真實個案分享+平安鐘介紹
現場46位參加者中，近三份一屋企冇裝到平安鐘…
裝咗嗰卅位，十幾個從來冇按過…
當中只有兩位將遙控掛喺心口…
其他全部掛喺床頭！
有個掛喺厠所！
有個話唔見咗好耐！
播放影片可能會令佢哋印象深刻啲，有請羅蘭姐出場～
唔單止平安鐘，仲可考慮隨身寶！
食住蛋撻，傾吓心事，咁又過咗個幾鐘…
我問大家：「下個月仲嚟唔嚟？」
大家即時回應：「一定嚟！」
有得食，梗係嚟…
其實，唔一定係為咗個蛋撻，事實上，個蛋撻只值四蚊…
而係喺呢個聚會中，大家有「同是天涯淪落人」嘅感覺…
兼有個阿肥姑婆煩佢哋！
我同大家講：「日後邊個介紹新老友俾我，我成功探訪後，兩個都有紀念品一份！」
大家今後有任務喇！
阿肥姑婆亦已ready！
端午將至，臨散場時，一人一粽…
有個笑到假牙都甩埋！
獨居都可以很快樂…
每位長者都可以很快樂…
返入辦公室，同事同我講，話好耐冇見醫生參加活動、好耐冇見佢笑過，問我做過啲乜？見醫生篤住支叉，拎住隻粽瞇瞇笑，好開心！
我同同事講：「我逼咗佢入嚟同我一齊跳舞！」
每位長者都可以很快樂…
肥媽都算係長者，雖然佢宜家更似我BB…
我放工去佢度喇！
阿肥姑婆加大油！
羅蘭 假牙 在 羅蘭怎麼了？ - YouTuber板 - Dcard 的推薦與評價
剛剛看到羅蘭的youtube頻道上傳了一支應該是道歉的影片，平常影片都會有中文字幕但這支沒有，請問有人知道他是發生了什麼事嗎？ - Youtube,影片,問題. ... <看更多>