天價富婆同天價商廈，轉了手，就變了味。
#呂麗君單身了 #美國萬通大廈都改名了 #改名做中國恒大中心「大劉」劉鑾雄登七份頭版，講佢同呂麗君嘅感情事，大字標題講明早於2014年手已分。作為花生友嘅你同我，大家最關注個銀碼（明明就唔關自己事），嘩！呂麗君收到20億，「她現在已是超級富婆」。知唔知20億係一個咩概念？係接近五分一幢「美國萬通大廈」，Sorry，大家以後要改名了，叫「中國恒大中心」。
冇錯，又兩年前，咁岩又係2014年，華置（127）以天價125億元，將成幢美國萬通大廈賣畀恒大地產（3333）。正所謂嫁咗出去嘅女，就等如撥咗出去嘅水，嫁雞隨雞嘛，大廈自然跟新買家姓，華置銷售及租務部最新發信件，話自2016年12月1日起，華人置業集團位於「美國萬通大廈」嘅通訊地址，將會改為「中國恒大中心」。
你話我崇洋都係咁話，你約個客上你Office傾野，「你Office喺邊呀？」「美國萬通咋嘛！」你諗到咩？灣仔！望海！甲級商廈！好啦，依家改名啦，你話「喺恒大中心。」UM…恒大呀…恒大有足球隊囉，少咗啲霸氣，冇咗個海景，問題唔太大嘅。咁聽埋英文，「My office is located at China Evergrande Centre」輸晒，輸咩呀，輸在原本個英文名好型叫「MassMutual Tower」。
兩年前，大劉同呂麗君同美國萬通大廈講分手。兩年後今日，前者大劉畀20億後登報割蓆，後者收返125億後亦改名重新出發。
自從美國萬通大廈呢單刁後，就好似為香港商廈染紅之路，揭開序幕。會德豐分別喺上年同今年，先後沽走One HarbourGate西座及東座，兩單刁買家又係中資。相信大家香港人都好體會到，中國人買嘢，最緊要係威，全部都要威！我買得你全幢，個名梗係我話事！One HarbourGate呢個名有意境？意境可以當飯食嗎？因為唔可以，所以西座已改名為更能突顯買家精神嘅威武名字，就係「中國人壽中心」！至於東座，亦理所當然地叫「祥祺中心」，冇寓意，純粹因為買家係深圳企業祥祺集團。
大家都知，中資有唔少任務喺身，有啲係要走資；有啲就要幫阿爺做嘢，嚟香港插旗，係好忙架。That's why點解佢哋吓吓落香港掃貨，都係話要天價，甚至係癲價。嚟緊香港商廈易手成交，相信陸續有來。至於中區大廈名，我諗唔使到2047年，「中資」牌頭嘅商廈一地都係。
至於對香港極有代表性嘅「中環中心」，呢個名，唔知幾時之後，就會成為歷史？
by千頌C@堆填區
http://fb.com/winbigwok
美國萬通改名 在 #美國萬通大廈都改名了 - Explore | Facebook 的推薦與評價
explore #美國萬通大廈都改名了at Facebook. ... <看更多>