曾經，有唔少人非常好奇，我點解會入咗壹傳媒，又點解會同肥佬黎有此緣份。
趁蘋果25年，講少少，如何入開始寫「武林聖地」名采，同我點解去咗堆填區返工。
(我入去不久，在PP遇上廣告一代宗師，我第一個師傅，好唔喜歡我去幫黎智英，即場教訓，有廣告唔做......令佢好失望，佢當年已經係藍C我估.....)
故事發生於2006，當時未有Whatsapp、未有動新聞、我，入咗去Next Media, 做整個集團的Group Creative Director.....
//洽談上班，他叫我來當Creative Director，做林振強個位，說他過身後，他讓這位置一直懸空，直至遇上我。不敢當，傻強的鞋太大，我穿不上，來做畢明我可試試。
其中一個改變主意的原因，是我對Jimmy好奇，對壹傳媒好奇，香港流傳太多關於此人此地的鬼古野史，這是個傳說中充滿侏羅紀和大白鯊的地方。
我問Jimmy，你想我來做什麼？他說「我唔知呀」，我再問「咁林振強做乜？」他答：「我都唔知呀。」我心諗：「正喎！」搞到反而想陪佢癲。廣告是我的comfortable zone，太comfortable，就要鬆。
最後。我來。
第一日上班。開編採會，完全唔知做乜。派我做李八方版主，結果我把整個版翻天覆地。
軟性政經新聞，本來似炒雜碎的特賣場.......多謝當時的社長董橋，開明又有雅量，做新聞我卻改圖，大逆不道，他冇問題。
記住，是十多年前，動新聞都未有。
曾蔭權吹口哨參選特首，我用他的記招新聞照，幫他的口打上十字大膠布，標題：我會收好我把口。冇俾人話。大家仲會笑。
很多黑心食品、又哮喘豬又孔雀石綠，我弄了個「致暈飯局」.........//
珍惜還有這14年來難得和一些前輩和Jimmy相交的友情。夕爺說他變了憤中，我沒有，我選擇珍惜，直至如果不能再，包括一個地方、一份報紙。
#有時真係好難講
#寫咗幾篇稿
#約食飯又推 (嗰日已有約)
#邀我過檔又推
#結果入咗堆填區
#多謝社長董橋俾我亂來
#李八方當年的亂來多謝眾手足
#阿敏偉光劍偉賢等
#仲有編輯們美術們
#故事太多chapters #都未入肉
