Search
Boxing Day 的夜空出現了彩虹月亮 ⁉️
今晚屋企上空好多星星呀🌟 大公主突然間指住個天話頭頂嘅月亮好似有個彩虹光環咁，睇真啲真係同平時個月亮好唔同啊😳唔知其他地區睇唔睇到呢？
今次又同大公主一齊 #長知識了 ！
原來呢個天文現象叫做［月暈］，係光透過高空卷層雲時，受冰晶折射作用，令七色復合光被分散為內紫外紅的光環或光弧，圍繞響月亮周圍產生光圈，與彩虹產生嘅原理一樣。而月暈嘅出現，往往預示著天氣會有一定嘅變化。一般月暈多預示著要刮風。再細查一下原來民間有一句諺語講到：「日暈三更雨，月暈午時風」，睇吓係咪真係咁準先😉
睇星其實好有趣，其實我到現家都未睇到過流星，雖然閒時我哋最鐘意同小朋友抬頭望向天空數星星睇月光，不過今晚睇到星塵同月暈，收穫都唔錯呀🥰
ℍ𝕒𝕧𝕖 𝕒 𝕟𝕚𝕔𝕖 𝕕𝕣𝕖𝕒𝕞 💭
#西貢的夜空
#月暈 #一閃一閃小星星 #星塵 #lunarhalo
#肉眼睇靚過影出嚟 #hkparentingblogger
#有些事情要值得記下 #mimimomoma
#親子活動 #親子日常 #育兒日記 #COOLHKG
Samsung Galaxy S20 Ultra 5G 主打機背嘅 1 億 800 萬像素、四攝 AI 拍攝，呢集就同大家分享一吓佢嘅威力。
要影到 1 億 800 萬像素嘅相片，打開相機 App 之後，要先喺比例選項揀番 4:3 108 MP，跟住等我試吓影幾張相先！呢張喺 直播室 6樓 影落街嘅相，無做任何變焦，之後用手放大張相睇吓先，貨車喺移動嘅情況之下，車上嘅公司名都清晰可見，1億像素唔係浪得虛名㗎！ 睇返呢張相嘅資料，檔案有成 31.9MB，相比起一張 1200 萬素影嘅相大約 4MB 左右，真係大咗 7、8 倍。亦都可能因為咁嘅原因， 以 1 億 800 萬像素影相時候，每影完一張相都要等一等，相信就係因為處理同埋寫入咁大嘅檔案需要時間嘅緣故喇！
跟住就要試吓 100 倍 Zoom 嘅威力喇！呢張斑馬線路燈嘅相係 100 倍變焦之後影出嚟嘅，俾返個原景你睇吓，用肉眼，你都未必搵得到呢盞燈啊，原來喺呢度！可想言之 100 倍 Zoom 嘅威力有幾大呢！不過不得不承認， 100 倍 Zoom 由於唔係全光學，所以影出嚟嘅質素都係有啲矇，影大型物件就仲可以，太細緻嘅都係做唔到嘅，睇吓呢道個門口上面嘅字就知道喇！不過問心講，我哋生活入面又有幾何用到 100 倍嘅變焦呢
我哋試多張相先，呢張我遠距離影入去一間食肆入面，影到呢個不准吸煙嘅標誌，而且仲好清楚喎！但係原來呢個標誌唔係貼起喺門口，而係喺間肆入面嘅盡頭呀！犀利呢！
為咗配合更多唔同嘅變焦，S20 系列嘅相機 App 已經預設咗多個變焦數值，而為咗方便你搵 Zoom In 嘅主體，過咗 20 倍 Zoom 之後，就會出現一個全景觀景窗，知道 Zoom 緊嘅位置，都算實用。
夜拍亦都係 S20 Ultra 5G 嘅強項。今日我就熄晒 studio 大部份嘅燈、 喺呢個肉眼都覺得黑嘅情況之下，S20 Ultra 5G 嘅表現又係點呢？首先我喺「更多」入面開咗「夜間」模式，撳咗拍攝掣，跟住等指定秒數先好郁，睇吓完成品！好似放咗盞燈喺附近咁呀！
由 Galaxy S9+ 年代加入嘅即時景深預覽，亦都喺 S0 Ultra 5G 入面保留，呢個功能除咗可以喺影相嘅時候調較背景景深嘅模糊度之外，影好相，都一樣可以入番去媒體瀏覽器再修改㗎！
總括嚟講，雖然 1 億 800 萬像素同埋 100 倍 Space Zoom，對一般用家嚟講都未必用得著，但係相機整體嘅表現出色，睇得出喺硬件同堆軟件上面都落咗功夫！
《Z世代達人》
麥卓華
#S20Ultra5G #開箱 #SpaceZoom
你曾否試過這樣想：. ➡ 用手機影相？靚極有限啦，玩吓就得！ ➡ 攝影好似有好多學問，邊有心機硏究！ ➡ 我肉眼睇明明好靚，影出嚟就⋯⋯唉！ ... <看更多>
今次就請嚟日本生果進口商嚟教大家點樣用 肉眼 都揀到靚香印，仲介紹日本唔同縣嘅提子俾大家認識，款款都各具特色。想知邊款最啱食就睇片喇！ ... <看更多>
肉眼睇靚過影出嚟 在 景物手機攝影速成班(15/4) - Facebook 的推薦與評價
你曾否試過這樣想： ➡ 用手機影相？靚極有限啦，玩吓就… More得！ ➡ 攝影好似有好多學問，邊有心機硏究！ ➡ 我肉眼睇明明好靚，影出嚟就⋯⋯唉！ ... <看更多>