《 #巧巧成長 — #教出自信的孩子》
巧兒 #語言發展 一向唔錯，相反，#數理邏輯 似乎弱少少，砌圖從來唔係佢強項。佢第一次砌到20塊砌圖喇！但作為媽媽，更開心既係佢願意不斷嘗試，而且佢都欣賞自己既堅持。
我當然想巧兒做個開心既人，但點樣係開心？日日有新玩具係咪開心？被讚賞係咪開心？贏比賽係咪開心？係，呢啲係開心，係短暫既開心，而且呢啲開心既感覺係建基於小朋友控制唔到既 #外在因素，久而久之，小朋友可能對自己人生失去興趣同動力。
相反，有目標、有動力去追求進步可以為小朋友帶來更長遠、更深層既 #滿足感，呢份開心係來自見到自己既進步，一個自己能夠掌握既因素。而自信心係推動一個人前進既動力，只有佢相信自己做到，佢先會願意主動去做。
幼兒階段可以建立影響小朋友一生既 #價值觀，甚至直接影響孩子自信心，所以我一直提醒自己要做以下三點。
1. 讓孩子 #感受被愛：愛同安全感係自信心既基礎，親吻、擁抱、拖手、全情投入既陪伴都係必要，只有呢兩個條件被滿足，孩子先會想自己進步。
2. #開放嘗試空間：只要佢提出既方法無即時危險性，就盡量放手比佢試，即使未能成功，都係學習既過程。例如，佢放既砌圖唔岩位，我都唔會同佢講「錯喇」「唔岩」等等去否定佢，會鼓勵佢再留意砌圖上有咩顏色，有機會係乜嘢，提供佢思考同再嘗試既空間，下次佢再遇上唔肯定放邊度既情況，佢都更仔細地留意砌圖上既顏色同圖案。
3. #正面語言肯定：錯得多唔想再試係好自然既想法，而父母既態度同肯定可以幫小朋友改變想法。例如，巧兒一開始砌唔到落去，都同我講「我唔得」，我鼓勵佢「係喎，呢塊係有少少難喎，你試下轉下第個方向，睇下砌唔砌到」，當佢成功時，我唔係淨係欣賞佢成功，而係同佢講「你堅持嘗試，就成功喇，好欣賞你呀！」
#自信是成功的第一步 #30m20d
————————————
👍🏻讚好Facebook專頁 www.facebook.com/daniellemamaedu 家庭教育、親子活動、有趣玩意、懷孕點滴
💡其他好文回顧💡
《巧巧成長—教出充滿安全感的孩子》bit.ly/nurturesecurity
《巧巧成長—點解爸爸媽媽要返工》bit.ly/parentsgotowork
《巧巧成長—接納孩子的恐懼》bit.ly/allowsfears
《巧巧成長—Trouble 2 變Lovely 2》bit.ly/trouble2lovely2
