懷疑養到了一隻豬？(#地球總機小姐)
影片來源：網友 張鈞惠 授權
媽回家「9公斤三色蛋糕」秒貼腿呼嚕嚕 背影萌暈網：肚子餓了
https://pets.ettoday.net/news/1977051?from=fb_et_pets
花轟小姐蛋糕 在 ETtoday寵物雲 Facebook 的精選貼文
花轟小姐蛋糕 在 CMTFood美食旅遊 Facebook 的精選貼文
#抽獎文
📍宜蘭-宜蘭市
「花轟小姐甜寓所 X 聽見咖啡」
✔️巴斯克焦香乳酪 $120 👍推
巴斯克蛋糕是身為乳酪蛋糕愛好者的必備款呀🧀️！外層是烤到微微焦香的乳酪蛋糕，更提升了一個香氣，上面淋上的醬料濃郁，乳酪香氣濃郁好好吃😝！
✔️提拉米蘇 $120 👍推
杯裝的的提拉米蘇太誘人了😍，從外觀就可以看到滿滿的馬斯卡彭起司，上面再撒上可可粉，手指餅乾軟綿好吃，咖啡香氣出來而不搶味☕️。
✔️草莓戚風 $140 👍推
草莓季必吃的草莓戚風蛋糕❤️，層層疊起戚風蛋糕綿密好入口，放上新鮮的草莓，使用的奶油非常好吃不膩口，最上方再放入一顆藍莓點綴 ，整體口感調和得很厲害🍰。
✔️手工焦糖布丁 $70
好美的焦糖布丁，布丁上方再淋上手工焦糖醬，整顆布丁水嫩迷人，焦糖醬調味好，口感介於彈嫩和綿密之間🍮。
✔️翡冷翠鮮奶茶 $130
鮮奶搭配翡冷翠紅茶，翡冷翠的紅茶帶有果香很特別又好喝🍵。
✔️咖啡拿鐵 $100 👍推
熱的會有美美的拉花，順口好喝，以透明杯盛裝很漂亮🌹。
🔸在美術館內的一樓，用餐環境非常舒適且愜意，前面有一些造景佈置可以拍照，後方的座位區也是溫馨且寧靜，除了有甜點之外還有早午餐可以選擇，盛裝蛋糕的器皿也都超級可愛的啦(˶‾᷄ ⁻̫ ‾᷅˵)！
📷 @yc__0414 .
—————————————
🎉抽獎活動方式
1️⃣追蹤 @cmtfood
2️⃣按此篇貼文愛心❤️
3️⃣tag一位朋友+留言任何想說的話
4️⃣不限留言次數‼️可重複留言標記不同朋友增加中獎機率💯
🎁獎品：
共抽出三位［免費一份巴斯克焦香乳酪+一杯美式咖啡（冰熱不限）］
（中獎者無需低消，陪同者視同一般顧客，若蛋糕售完以相同價位甜品替代，無提供外帶服務。）
⚠️抽獎活動至2021/01/14(四)23:59截止，五日內公佈中獎名單在限時動態中並標記及私訊中獎者，僅於IG平台進行。
⚠️獎品兌換截止日期：2021/04/30
—————————————
🗺260宜蘭縣宜蘭市中山路三段1號
🚇位於宜蘭美術館內
⏰週三至週日：09:00-18:00
（週一以及週二公休）
☎️03-9366331
—————————————
🔍#CMT吃宜蘭
—————————————
#宜蘭 #宜蘭景點 #宜蘭下午茶 #宜蘭甜點 #宜蘭美食 #宜蘭美術館 #宜蘭咖啡廳 #蛋糕 #宜蘭蛋糕 #巴斯克乳酪 #草莓 #美食 #提拉米蘇 #布丁 #草莓蛋糕 #美食 #點心 #甜點 #下午茶 #美食推薦 #平價美食 #咖啡 #咖啡廳 #台灣美食 #台灣 #銅板美食 #抽獎 #免費 #抽獎活動
花轟小姐蛋糕 在 有心無默 Facebook 的最佳解答
《無異之地》惡夢島（十）
「喂，你條友瞓夠未？醒喇！」
昏迷咗好一段時間嘅731號因為臉部嘅痛楚總算甦醒過嚟。佢睜開眼，朦朧間見到一臉不爽嘅664號，即刻意識到係佢拍醒自己。
「啊……我點解會暈低咗？」731號撐起身，頭痛到就好似想裂開一樣。
「你頭先俾姓白嗰個女人催眠咗。」664號邊望住電子儀器邊回答。
「吓？」731號大感錯愕，「佢、佢點解要咁做？」
「咁都仲要問？因為佢係怪物囉……我哋啲子彈仲要對佢完全無效。」664號咬牙切齒咁講。
「但……佢殺咗我唔係更簡單咩……」
「係㗎，換轉我係佢肯定殺咗你好過，乾手淨腳……至少我唔洗晒時間搵你。」
731號回想起失去意識之前最後一件事──嗰陣白小姐好奇咁問佢點解會參與呢次行動，佢如實答係唔想辜負老豆嘅期望，當然都希望過程可以救到人……
＝＝＝＝＝＝＝＝＝
《惡夢島》連載中：
https://www.facebook.com/pg/Echo.of.Heart/photos/?tab=album&album_id=1861298627335278
《惡夢，藏在門後》全集：
https://www.facebook.com/pg/Echo.of.Heart/photos/?tab=album&album_id=1342167935915019
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
＝＝＝＝＝＝＝＝＝
「喂，醒返就行喇，仲喺度發呆？」諗到呢度，原來664號已經行咗幾米遠，準備打開前面嘅一道門。
「我哋而家應該去邊？」
「去搵返其他人，」664號小心翼翼咁推開門，「隊長睇嚟已經同399號會合咗，我哋先搵返最近嘅275號，再加入佢哋……」
雖然好想自己冷靜下，但731號都明白時間唔等人（664號更加唔會等佢），所以最後都係跟上去。然而行咗大半個鐘，佢哋都仲係身處喺迂迴曲折嘅迷宮裡面。唔好話熟悉嘅人，連鬼影都見唔到一隻。
「你聽唔聽到有聲？」但越係冇事發生，731號就越感到不安，成日都會擰轉頭睇下有冇古怪。
「唔好疑神疑鬼啦。」664號回應，「我一直有感應住後面，有異樣嘅話我一定注意到。」
「咁前面呢？」
「前面用眼睇咪得囉，我又唔係冇眼！」664號越嚟越唔耐煩，「總之我開槍你就跟住開啦！」
「嗯……」731號點點頭，「但其實我哋係咪應該試下上返地面？話晒都係香港，會比較熟路……」
「鬼唔知咩，但你有見到樓梯咩？行嚟行去都係走廊走廊走廊！」
「或者可以研究下啲房間？」731號提議。
「咪搞，為咗搵你我已經開咗幾十道門，就嚟開到驚。總之跟住275號嘅訊號行就冇錯……咦？」664號突然停低腳步，盯住手上嘅儀器。
「發生咩事？」731號就好似驚弓之鳥一樣即刻舉起槍。
「我哋突然就行過咗……」664號擰返轉身，「275號個訊號就喺呢度附近。」
兩人回頭一望，面前除咗見唔到盡頭嘅走廊，就只有一道門，門旁邊仲有人用紅字寫上「終點」兩個字。
「275號就喺裡面？」731號不安咁問。
「訊號喺裡面，人就唔肯定。」664號回應，然後將佢手上嘅儀器擺喺門前。
幾秒後，儀器嘅螢幕開始出現一堆數據分析。雖然731號未學識晒啲指令，但只要冇出現紅字即係基本上代表係安全。
「道門冇陷阱，而門後面的確係有人……731號，準備好。」
說罷，664號就事不疑遲即刻推開門。房間裡面依然係一片漆黑，肉眼完全睇唔到有幾大。但透過頭盔燈，可以見到五六米以外有個體型粗獷嘅男人背對住佢哋，右手拎住把染血嘅軍刀，而且佢嘅全身連埋地下都沾滿住鮮血……
「275號？」664號只係行入房間兩步就停低，同時高舉起槍，「你點解除咗件裝……」
「殊！咪嘈！」275號怒聲打斷佢，「我喺度等緊……」
等？664號同731號不禁互望一眼，佢哋固然知道275號本身份人就奇奇怪怪。但就算點怪點癲，都冇理由將成套防護裝除落嚟，喺呢個環境下完全係不智嘅做法。
唔通又係扮嘢想試我哋？664號腦海正浮起呢個念頭，但正想開口嘅一刻……
「爸！」一把小朋友嘅聲音忽然喺房間嘅左邊角落傳出，緊隨住係急速嘅腳步聲。
說時遲那時快，一個瘦削矮小嘅男孩喺黑暗之中穿出嚟，睜大雙眼同時伸直雙手直衝向275號。假如係正常嘅情況下，呢個彷彿係小朋友想俾爸爸抱嘅溫馨場面……
但呢刻顯然唔係正常情況，所以睇嚟就零舍詭異。跑到距離剩低三米嘅時候，小男孩突然縱身一躍，而275號並冇張開雙手迎接佢，反而一記直刺將軍刀直插落小男孩嘅頭顱。小男孩中刀後馬上化成灰燼，只有中刀一刻爆出嘅鮮血依然留喺現場……
「第五十七個！」275號大聲咆哮。
其餘兩人正想搞清楚狀況，下一秒右前方又傳出另一聲：「爸！」。隨即展開倒模一樣嘅發展──相同嘅小男孩喺黑暗裡面走出嚟，然後275號毫不留情咁殺死佢……
「第五十八個！你哋繼續嚟喇！嚟幾多個我殺幾多個！」
「爸爸！」
「275號，夠喇！」殺完第五十九個之後，664號終於釐清狀況，「唔好喺度浪費時間，我哋要去搵返隊長佢哋……任務要緊！」
「你就浪費時間！我殺嘅係怪物呀！」275號顯然唔同意，第六十個小男孩隨即出現，馬上又俾佢手起刀落瞬間解決，「只要一直殺落去，你哋要面對嘅敵人就會越嚟越少……」
「唔好天真喇！啲怪物係你整出嚟，你唔走嘅話只會……」
「嘩！？」731號突然大嗌一聲打斷咗664號嘅說話。
664號即刻望過去，只見佢舉槍對住入口位置，下一秒其實已經撳掣開槍，但結果子彈並冇射到出嚟。再將目光移到門口位置，隨即見到一幕心寒嘅畫面──幾十個四肢不全雙眼被挖空嘅「蝕客」，居然喺佢完全唔為意嘅情況下出現喺門外面。
「係你……」
「點解唔肯放過我……」
「我明明冇做錯……」
「好辛苦……」
664號其實已經冇猶豫即刻開槍，但情況就同731號一樣。迫於無奈之下佢唯有轉用自己嘅異能。利用特製槍作為媒介，將法力轉為一道火炮爆出，一剎那就消滅門前嘅幾位「蝕客」……
但隨即有更多「蝕客」喺牆後面出現，仲要開始轉入房間。佢哋睇落並冇唔心急，而係緩慢咁一步又一步，彷彿眼前嘅仇人已經係佢哋囊中之物……
「可惡啊！」再連發好幾下火炮後，664號感覺到自己嘅法力正迅速下降。
但「蝕客」依然係不斷繼續湧入，只能迫到佢慢慢往後退。而佢事前已經知道呢間房係冇其他出口，所以只可以盡地一鋪……
「點解我會感應唔到呢班怪物……」
「因為，你一直只係留意住後面呀。」一把聲音喺664號頭頂回應。
距離之近，只要一抬頭就可以見到一張熟悉嘅臉孔臉貼臉咁望住佢──係佢由細玩到大嘅一位兄弟。記得兩年前，作為一般人嘅佢無意中發現到664號加入咗白色秩序，仲做過好多污糟事……為咗守住呢個秘密，664號毫不留情咁殺死咗佢。
「而我哋……係一直走喺你嘅前面啊。」語畢，佢嘅『好兄弟』一手按實佢嘅天靈蓋。
「啊啊啊啊啊啊啊啊啊啊啊啊！」
劇烈嘅痛楚令到664號再控制唔住自己嘅法力，結果下一發火炮錯誤咁直轟落地下。雖然佢同埋附近嘅731號因為有裝甲嘅保護所以冇受到傷，但呢發火炮卻令到地板炸出一個大窿。其後，664號連同本來已經準備要包圍佢嘅「蝕客」通通跌落深淵之中……
「嘩啊啊啊啊啊……」親眼睇住同伴跌落下面消失之後，731號狼狽咁連退後幾步，最後唔小心踩到一塊碎石成個人向後訓低。
佢先望返去275號嗰邊，身上冇甲嘅佢當然避唔過頭先嘅火炮。但就算下身已經著火燃燒起嚟，佢都依然係瘋狂咁殺緊不斷出現嘅小男孩……
再望去門口嗰邊，呢班斷肢「蝕客」睇嚟對佢並冇興趣，反而一個又一個咁跌落大窿下面，睇嚟目標從頭到尾都係664號……
若果，肯走嘅話，話唔定係走到──731號心裡面雖然係咁諗，但佢雙腳卻僵硬到冇辦法用力……唔知係因為受傷，抑或係內心嘅恐懼導致……
「嗚……」佢只能用雙手向前爬，嘗試去爬到門口、嘗試擺脫呢個惡夢……
但就喺佢即將爬到門口之際，突然有個著住軍裝嘅「蝕客」注意到佢，邊發出心寒嘅笑聲邊行到嚟佢面前……
「嘻嘻，歡迎嚟到終點。」
萬念俱灰嘅731號佢腰間拎出一把正常嘅手槍，佢唔知呢枝手槍對「蝕客」有冇用。反正，從一開始佢都唔係諗住咁用……
「小朋友呀，你覺得呢個係咪你嘅終點？」
本來，佢已經打開頭盔眼罩，再將手槍對準自己額頭。
「……定其實……仲未係時候？」
但佢喺最後一刻改變咗念頭，將槍頭轉向眼前嘅「蝕客」。但到底呢個舉動係出於勇氣，定係恐懼，佢一時三刻實在無法判斷。
「你……去死喇……」731號用盡最後一口氣講。
呯！
*
*
*
【無二視角】
「妳準備帶我去邊？」
自從回顧完嗰段「往事」之後，我就一直跟住如初行。行返上地面先意識到自己去到中環，有一刻真係有種方便過坐的士嘅感覺，但隨即又醒起呢度根本就唔係香港。
「好快你就會知道。」如初回應。
不過又老實講，我從頭到尾都冇諗過會同「清理小隊」嘅人失散，所以身上面根本冇任何可以定位嘅裝置。當然，係可以花少少時間同精神去研究之後點做，但與其係咁，不如見步行步好過……
反正，就好似我最一開始所講，眼前嘅如初毫無疑問就係我嘅「引路人」。
「咁其他人呢？點解妳要整走佢哋？既然白笑燭係佢哋嘅老大，我嘅往事應該都唔係咩大秘密……」
由其Match講過話想「親眼見識」，咁睇嚟主要成員應該都知道得非常深入。唔同其他一知半解嘅人，只係得個刻板印象覺得我好犀利，但根本唔知犀利喺邊。
「因為佢哋唔符合資格。」如初行到一座私人大廈面前停低，「『我哋』絕對唔可以俾唔合適嘅人搵到。」
哎呀，照咁聽落，清理小隊嗰班人應該有危險喇。但好遺憾，佢哋只可以自己顧掂自己。不過我估Match同埋399號應該係冇問題，唯一可惜就係731號呢個後生仔，睇得出佢係本性善良，只係太過聽自己老豆話，結果走咗條唔啱自己嘅路……
情況就好似當年嘅我一樣。
行入大廈之後，我哋搭𨋢去到最頂層三十一樓，最後喺八室前面停低。
「希望佢哋已經準備好。」如初先撳咗下門鈴，然後微笑住講。
「等陣！」
幾秒後，有一把男聲喺門嘅另一邊回應。再隔一陣大門就被打開，同一時間有股濃郁嘅蛋糕香味傳過嚟。
「哈，大人物終於到！等陣你好耐喇。」開門嘅係一個滿頭白髮，年約六十歲嘅男人。
而佢，正正就係Abraham博士。
以防大家唔記得，Abraham博士就係研究出「惡夢可以化成現實」，最後俾自己個親生女仲有女婿背叛嘅人。我呢刻之所以身處喺呢個鬼地方，某程度上都係多得佢。
「入嚟入嚟，鞋唔洗除喇，反正都唔需要洗……係嘞，蛋糕就快焗好，一陣我哋可以一齊試味。」Abraham博士滿心期待咁講。
「唔該。」如初禮貌咁講。
我跟住如初入屋，穿過玄關去到大廳，隨即又見到另一個認識嘅人坐咗喺梳化上面。
「無二……先生？」係731號。
呢刻佢並冇著住防護甲，見到我之後即刻狼狽咁抹一抹雙眼，睇落係啱啱喊完嚟？
「齊人！」Abraham博士興奮咁拍一拍手，「我應該由邊到開始講起好？」
「斷估唔係蛋糕落咗咩材料？」我微笑住回應。
「哈哈哈，當然唔係……你哋搵個位坐低，等我慢慢交代返成件事。」Abraham博士隨手搬咗一張藤椅過嚟坐低，「一於……」
「……由我發現個女背叛我嘅一刻講起。」
（待續）
下回：犧牲者
睇完記住幫手留個 LIKE、留言同分享出去呀～下集暫定星期二或三。
＝＝＝＝＝＝＝＝＝＝＝＝＝＝＝＝＝＝＝
【非呃嬲植入式廣告時間】《無異之初》《時間守衡者》《絕命上映》《絕望走廊》《絕無轉機》《無限次告白》《醉後的藍》已經登錄各大書局。
IG: echoofheart
