【真．話】
美國狠狠地講，英國就默默地做
近日全世界最千夫所指嘅人，肯定係Donald Trump。因為佢將上手立嘅非法移民政策做到最盡，所謂「細路都唔放過」。之前佢响G7明串歐洲嗰啲領袖係專門收留恐怖份子，已經不少令大愛人士不滿。先唔好討論佢係啱還是錯，癲還是儍。問題可能得一個：「係咪你地收留晒先？」。而英國人呢個咁「實際」嘅民族，個態度咪係默默脫歐同將移民政策有咁緊收到咁緊囉。
首先咪話我低質share英國平民報紙Daily Mail嘅報導，我想分享嘅並唔係內容，而係啲英國大眾嘅留言。想了解多啲英國點解會脫歐，只要睇最受歡迎嗰兩三個就略知一二。用一個香港嘅朋友容易啲理解嘅例子，大家就明白點解英國嘅大眾變成左膠口中嘅排外同無情。每天150個所謂「合法」家庭團聚嘅「同胞」去香港，大家都覺得頂唔順。咁美國二三千萬，歐洲無限量咁幾百萬，本地人會有咩感受？
都唔好講搶工作，攞福利呢啲錢銀問題。治安就已經令人好不滿，英國近一兩年嘅恐襲對英國人都未算係啲乜（同當年北愛嗰啲比）。不過大城市啲搶劫，就足以嚇死人。剩係倫敦，暴力罪案（係用刀插，鏹水淋甚至用槍射）就升咗50%，一年兩萬幾單。响政治正確嘅社會，犯法嘅人雖然神奇地係無種族嘅。但係有啲事情，唔出聲唔代表無諗法。含蓄（陰濕）從來都係英國人其中一個特性，結果個對應咪係脫歐同慢慢咁大力收緊家庭團聚或者政治庇護移民政策囉。好笑嘅係，幫到國家手嘅創業同專業移民就越放越鬆。
#英國佬係陰濕
#美國人太坦白
英國佬係陰濕 在 英國人怪癖大解析｜☕️為茶癡迷的英國佬、傳簡訊變調情、洗 ... 的推薦與評價
英國人怪癖大解析｜為茶癡迷的 英國佬 、傳簡訊變調情、洗碗精可以吃？讓人崩潰的水龍頭｜大英帝國觀察日記// IzPeiPei Hiyaaa大家持續的新年快樂～～ ... ... <看更多>