NHS係英國公營全民醫服務機構，响戰前開始醞釀，到1948年由工黨政府正式拍板成立，可以話係現今英國唯一個本質上完整保留嘅左翼政策。响戰前，英國嘅醫療服務由政府、私營同教會組織分工，香港人對呢個模式係咪好熟口面呢？但响當時嘅英國，呢醫療服務提供嘅模式解決唔到戰後基層同勞工，甚至公共健康問題，簡單啲講就係窮人等到死都未睇到醫生，亦無一個統一嘅機構可以協調同執行全國性公共衛生政策，所以响戰後工黨上台之前，保守黨政府已經開始研究徹底改革公營醫療系統。
到咗工黨上台，以左翼社會主義將好多公共服務私營化（鐵路、電力等等）嘅大環境之下，NHS响1948年正式成立，目的係為全民，不論身份背景收入，由公營醫療機構提供完整嘅醫療服務。同時，私營同宗教組織嘅醫院，醫療服務就納入NHS（收歸國有，講笑），慢慢退出英國嘅醫療體系。
從此NHS就成功將英國人嘅壽命提高咗差唔多十年， 嬰兒夭折比率跌咗九成。到今天覆蓋接近92%國民，無論首相高官，皇室貴族都必然使用，响世界名列頭十位（曾經第一）。令英國人感到自豪嘅公共醫療體系，每年花費佔全國GDP嘅10%，每個國民平均用三千三鎊，响八十年代初，英國面臨破產，極之討厭左翼社會主義褔利政策，主將自由經濟小政府，大量將工黨時代公營機構私有化嘅戴卓爾，2008年面對全球化自由經濟惡果金融海潚嘅「新工黨」，甚至履行極度緊縮開支政策嘅保守黨David Cameron，無一個有膽觸碰嘅NHS，到今天面對咩問題呢？
又係限時免費Patreon超長文：
誰也不能碰的NHS，到底係咩黎？
https://bit.ly/3lTNbar
**************************************
📢乞食廣告：文字、時間與心血有價
🥣乞兒兜：
https://www.patreon.com/goodbyehkhellouk
最近更新：
十六歲
https://bit.ly/3kBgJu3
能夠摧毁執政黨的能源危機
https://bit.ly/2ZeyOWu
*************************************
英國工黨首相 在 遲到新聞- 1994年，年僅41歲的布萊爾出任英國工黨黨魁 的推薦與評價
隨著計畫的推展，誕生了倫敦眼和泰特現代藝術館等大規模文化及觀光設施，這些軟實力的推廣至今仍為英國每年帶來數百億英鎊的營收。 圖：1997年布萊爾與綠洲主唱在首相官邸 ... ... <看更多>