【去到英國都仲想賺香港人錢？】 #英國投資移民留意
「多謝」有線一刀切裁員100人、解僱《新聞刺針》全組記者，引發有線中國組、港聞組辭職表示不滿，香港人對於「新聞自由」嘅理解又上升到一個新層次。全力支持國安法嘅有線主席邱達昌同副主席鄭家純知唔知情？係咪要清除異見？定係要向CCTVB睇齊？或者真係無人知。
但係香港人好清楚嘅係，比邱達昌持有更多有線股份嘅鄭家純*，佢私人全資擁有嘅發展公司Knight Dragon就食住香港人被送中條例、國安法及各種打壓造成嘅移民潮，早前斥資港幣927億喺英國倫敦興建Greenwich Peninsula，面積足足有三個太古城咁大，又係大約有15,000伙，入場價600幾萬港幣，瞄準一班賣樓移民嘅香港人。
而身前兼有線同遠東發展主席嘅邱達昌同樣將目光放喺英國，係英國各地買地起樓，其中喺香港人移民熱點Manchester，遠東就有個超大型住宅項目Northern Gateway，佔地155公頃接近有15,000伙，等住食香港人出年嘅移民潮！
去到英國，香港人仲想唔想買「香港樓」？真係要睇吓邊個地產商啦，不過以香港人咁好記性，一定會記得好事多為嘅香港地產商，投桃報李囉。
💡www.patreon.com/jeremytam
*目前永升（亞洲）持有線43.22%股權，而鄭家純持有永升31.5%權益，其家族持有的周大福企業有限公司持有14%；遠東發展（035）主席邱達昌持有24.5%。
英國投資移民留意 在 免稅投資/移民後如何賺取收入/股票介紹分析- 英國[中文字幕] 的推薦與評價
豬豬成為專業 投資 者必學的7大課》估值模型/財務數據分析/年報分析：www.investingwithrain.com/courses/7majors **如何報讀？ ... <看更多>