Search
反駁深黃傻粉的「批判思考訓練」（四）：
深黃傻粉其實蠢唔哂，佢地並唔係唔知飯民啲衰嘢，但次次響9噏「不分化不割席兄弟爬山各自努力」時，都會選擇性失憶；
然後當比我踢爆莫乃光李國麟梁繼昌支持水炮車撥款、毛孟靜范國威姚松炎曾經公開捉鬼果陣，佢地又會突然扎醒，然後又會跟住講「咁佢地又的確係抵屌，要佢地setup一個共同政綱，唔係唔可以投比佢地……」
但之後當我再追問：「咁如果佢地無共同政綱／共同政綱唔夠能次我滿意，係咪可以投白票？」佢地又會反射式咁9噏：「咁又唔得，咁樣等如益咗共產黨……」
講到尾，其實就係連最基礎嘅邏輯都未搞得掂
//支持本Page請Click入內文比Clap，已為Medium收費會員請直接Click入內文閱讀，謝謝！//
臨近選舉，當然又有一大堆混水摸魚嘅政壇垃圾，諗住借住抗爭聲勢R番個議席番黎印印腳收四萬幾一個月，仲可以利用區議員身份R埋其他界外利益、平時又可做騷曝下光黎個名利雙收，你都咪話唔過癮。有關點解選舉要焦土，其實經已寫過100萬次，甚至連「焦土論」成個系列的有埋，大家可以上網Search「焦土論」自己睇番。
響呢度要強調，並唔係所有人都支持焦土，甚至乎焦土派都有自己嘅光譜，由整個議會都要焦哂嘅「硬焦派」，「有勇武本土就有投勇武本土，無勇武本土就投建制」嘅「中焦派」，去到只要參選者願意響政綱上面符合自己嘅立場就可一投嘅軟焦派……所以要求所有人都投建制焦土其實並唔實際，反而首要打擊嘅，應該係一眾飯民黃屍KOL不停透過語言偽術欺騙公眾嘅「區議會萬能論」。
區議會萬能論主要有三大論點：
1. 區議會過去響建制把持下，通過大量浪費公帑嘅大白象工程，重奪區議會可以阻止呢啲資源浪費；
2. 區議會議席擁有包括議員薪津在內嘅大量資源，可以用黎資助抗爭同抗爭者；
3. 區議會響特首選委會擁有117票，如果飯民能夠響區議會成功過半，中共可於特首選舉確保的票數就只剩番幾十票Buffer，立刻唔知點做云云；
講到好似好勁，但其實全部都係廢話。
第一，區議會近年之所以可以通過大量撥款申請，比建制派借各式各樣大白象工程黎搵著數，完全就係因為區議會全數比建制派控制住，先會每年成億成億咁放水喉比你；如果日後控制權落番響非建制手上，咪立刻閂番水喉囉，咁簡單都唔明？
無錯，區議會係會處理好多地區撥款，參與好多社區服務，但問題係而家打緊仗呀！呢啲地區保長程度嘅嘢影響啲乜嘢大局？其實好簡單，掉番轉，響一地兩檢、反送中呢堆爭議入面，建制派又利用過乜嘢權力黎幫政府強推政策？咪臭係發一兩個毫無法律約束力嘅聲明囉！
區議會根本就係連中央權力圈嘅波皮都掂唔倒，將佢夾硬吹成對政治起關鍵作用嘅時事KOL，全部都係騙子。
第二，就算撇除咗政府將會收緊番嘅地區撥款，區議員同助理薪津、以及各式各樣嘅界外利益（例如平價租辦事處，同地區勢力同流合污嘅各種勾結──唔好以為剩係建制會做，飯民一樣會），的確係唔少嘅一筆資源。
但咪住先，邊個同你講呢啲錢一定係會用響抗爭上面？有邊個區議員同你講，當佢選倒之後會拎哂啲人工出黎資助抗爭？有邊個應承當選之後，會請番啲失業嘅抗爭者做議員助理？
或許有部份素人真係有咁嘅打算，但范國威響新東補選果陣夠響當選之後會用議席資源幫助在囚義士？結果咪又撚係個個月份糧袋袋平安！果啲大黨例如民主黨、公民黨、新民主同盟之流，你估當選咗之後會請啲連飯錢都唔夠嘅抗爭者做議助，定係請番自己友？仲講埋啲乜撚資源用黎支援抗爭，根撚本係自欺欺人。
又係掉番轉頭講，飯民區議員無所作為、中飽私囊我見唔少，難到個個建制派區議員又真係會愛國愛民，好X清高？佢地做咗區議員，咪又係一撚樣將大部份資源袋入自己荷包，又或者用蛇齋餅糭收買選民，到最後，所謂「建制派攞哂區議會啲資源走去破壞民主」其實亦只係一個Myth，一個庸碌無能嘅飯民區議員當選，同一個廢柴建制派區議員當選，最大分別大概就係份糧袋咗入邊個荷包。
第三，話咩區議會議席過半可以令到香港政壇變天更加係當人白痴。首先功能組別的確有一個區議會議席係由區議員互選產生，但咪臭係得一個議席咁大把囉，無多架啦！同埋點解咁零丁有一個議席係咁選，而唔加埋入去超級區議會議席到？就係當年民主黨太急於同中聯辦簽下密約，連呢少少條件都爭取唔倒，先會搞到有五個超級區議會功能組別議席，一個普通區議會功能組別議席咁on9！
其次五區超級區議會議席，飯民根本無可能贏哂，而且選舉形式亦唔係靠區議員互選，換言之只要湊埋有15X4=60個區議員，經已夠哂提名，根本就同區議會過唔過半無關係。
至於地區區議會過半就可以控制當區區議會做埋主席呢個問題，之前都講過啦，比你控制咗個區議會又點？就好似而家建制派咁，除咗發啲毫無約束力嘅聲明之外，仲可以做乜？甚至乎喂，之前都曾經有幾個區議會比飯民控制過架，佢地又搞過啲咩豐功偉業出黎呀？
然後去到最終極飯民支持者搬出黎嘅所謂「核彈」，其實就係所謂117票特首選委會成員票，然後佢地又會好樂觀咁計：上次林鄭都係得777票之嘛，減咗117咪得番660票囉；到時只要有多31票倒戈，香港人就可以選出真正代表香港人嘅特首啦……
我想照你班友係咪Take嘢Take到傻撚咗？係咪忘記咗共產黨一直都有張叫做「DQ」嘅皇牌？我成日都話香港班黃屍最大嘅問題係，因為太過投入血債票償，去到最後竟然妄想呢個係一個公平、有機會贏嘅選舉遊戲，而完全醒唔起，中共由草擬基本法開始，經已無諗過有比你贏嘅可能性出現，任何飯民可以獲勝嘅機會都只係一個幻像吸引你玩落去，分散你注意力、等你仲有個希望唔好
某位廢老KOL都識講啦，而家中共經已打算全面收回特首嘅免職權，意思即係萬一個特首上任後唔肯違背良心依循中共指令做嘢，就立刻將佢中途免職，然後再搵中央欽點嘅政務司司長頂上署任特首，直至下屆選舉為止。即係呢位廢老KOL既然都有智慧諗到呢個地步，點解又仲會覺得區議會有用？唔係有心呃人就係自欺欺人。
第四，去到最後，負隅頑抗嘅飯民黃屍就嘗試將呢次區議會投票Twist成一場公投。而呢個亦都係最卑鄙嘅講法。
首先你要搞公投，一定係要有個議題，個議題係咩先？如果係對政府嘅不信任投票，我想講真係唔撚該你慳啲啦，傻嘅都知道而家無論黃藍，都唔再信任政府啦，駛撚你再投一次票咩！真正算係有共識嘅議題從來就係五大訴求、缺一不可，如果真係以呢個作為共同政綱，然後作為一次變相公投，我其實基本上係唔反對。
但你知唔知點解「五大訴求」一直成為唔倒今次區議會選舉飯民嘅共同政綱呢？原因就係呢班所謂飯民推薦嘅候選人，好多都係參差不齊蛇鼠兩端，游走於建制飯民之間，見而家抗爭個勢唔錯，就淺藍走去扮黃，但另一方面又怕得失淺藍票源，死都唔肯掛「五大訴求」作為政綱！
既然候選人之間都無共識，你班飯民搞區選算乜撚嘢公投？既然飯民候選人政綱並不一致，就算區議會過半數又代表咩？當你「公投」成功咗又有咩跟進行動？一場咩公同標準、行動都無嘅選舉你夾硬屈成一場「公投」，唔係政治騙子係乜？
講到尾，其實就係想將啲良莠不齊嘅飯民區選候選人縛哂響一張名單入面，然後叫選民唔好睇政綱、唔好查證究竟個候選人往績係點、甚至唔好用腦查證，總之飯民叫你投乜就投乜，其他唔係建制就係鎅票，基本上就係想將當日戴妖嘅「掌心雷動」再複製一次──只不過今次係用一個「假公投」形式借屍還魂。
正如第一段所講，而家唔係叫大家唔好投票、又或者一定要焦土投建制──因為我都未正式講作為焦土派，應該點看待今次選舉。但我認為響作出一切決定之前，一啲食人血饅頭嘅選舉謊言卻係一定要澄清：區議會選舉嘅重要性遠比你想像中細，甚至不能夠稱之為一次公投，贏咗並唔會改變啲乜，但好消息卻係，就算輸咗亦唔會令抗爭少忽肉。
亦因為咁，今次區議會投票，咁難得有咁多香港人重新關注選舉，應該係作為一次民主素養嘅培育：我最討厭就係有班無腦黃屍，成日走去問人投邊個好，甚至周圍Share張所謂「建議名單」周圍叫人跟住黎投，就爭無叫人寫個no.響手掌。投票係公民權利，但行駛呢項義務之先，了解哂成個區議會選舉嘅本質，仔細睇番候選人嘅政綱，不作含撚投票，就係你嘅義務。
【政府唔會回收西隧？你唔好再陰謀論啲！】
即係我當然係覺得有問題先特登走去聽，但每次又真係比我聽倒劉細良啲所謂政策分析好有問題。例如佢講全禁電子煙，一路用佢好熟悉嘅政府架構講講講，講到政府今次落決定嘅行政步驟係非常可疑，又要范國威代佢響立法會問呢問路；
點解偏偏就扮睇唔倒郭家麒、陳沛然、李國麟呢班友無啦啦撲出黎幫傳統煙草商護航極力反對電子煙，甚至順勢騎劫埋大半個飯民幫林鄭響轉軚上面大開方便之門？即係你陰謀論唔緊要呀，但唔可以你唔鍾意果班友就下下陰謀推斷，自己友就理所當然覺得佢地非常正直，正氣過正骨水掛？
但都唔夠分析三隧兩加一減問題痴線。喂而家個問題已唔單止係西隧無車行而東隧紅隧爆棚，而係連西隧都已響繁忙時間用咗九成流量，你一味只諗住靠西隧減價去解決擠塞問題結果只係會三隧齊塞，根本無可能唔靠加價去抑制私家車嘅隧道使用量──唯一可以Argue嘅就只有係咪可以響非繁忙時間採取彈性收費。劉細良開口埋話2020年先引入計劃，得番3年專營權其實唔駛搞咁多嘢，大佬呀，3年就唔係時間？你話有人想比少幾十蚊寧願響紅隧塞多15分鐘，最弊而家紅隧一塞隨時唔係講緊15分鐘係幾十分鐘呢！
不過最痴線都要講到話政府陰謀放棄回收西隧專營權，任由西隧公司營運落去，其實你做節目有無做下功課？林鄭一早講咗如果議員反對兩加一減提案，就順應民意等到2023年回收西隧之後先再諗方法解決西隧問題啦！咁都可以作哂故仔話咩重慶李嘉誠一定同政府傾掂哂隧道可以唔駛還比政府？之前既然已有收回東隧嘅前科，政府如果放棄零成本回收西隧嘅權益，唔好講飯民大把彈藥唔會放過佢，建制派都搵唔倒落台階啦！
即係花膠台、城寨陰謀論最討厭就響呢個位：成日話自己唔係陰謀論，但下一句就係可以完全唔駛證據、純推論尻噏一樣似層層但無可能發生嘅陰謀出黎，講錯咗呢，又可以完全唔駛負責任，但老屈抹黑嘅作用卻係永遠唔會消失。話政府因為不受信任，所以就算無陰謀，都一定有人會覺得佢有不可告人目的──但咁亦唔代表你作為時事評論員，係咪應該建基一啲事實先噏出黎呢？
咁當然一班黃屍左膠連獨立思考能力都無，所有判斷都係立場行先，總之飯民就一定係啱，飯民以外嘅人就全部一定係錯同收共產黨錢，咁撚樣嘅反智公民社會，當然最啱呢個大台呃錢。
至於隔離果條犯駁威直頭係不學無術，可以不理
【愛叫雞】杜狗口臭虾女人可恥?刑檢專員梁卓然請辭大內幕?亞博自由神像掛飾是巧合?(將被YT封台請訂閱分享救台)
YT技術限流和自動退粉，離封台不遠，請幫忙高Sir正能量?訂閱?分享影片救亡:https://www.youtube.com/jackyko1109kosir?sub_confirmation=1
————————————————————
立即加入登記【*支持國安法 & 力破戴妖奸計 參與高Sir醒目選民至掂檔活動*】：https://forms.gle/Z4sMNs4srLrtE7pMA
————————————————————
1.軟飯王杜狗:杜汶澤唔知用乜潄口水?把口臭到呢~係鐘意虾女人?知道空姐牛肉飯果度冇軟飯和拖鞋飯食都唔駛咁嘅~高Sir為女性發聲串爆杜狗!
2.與鄭若驊意見不合?刑檢專員請辭大內幕? 揭發大量內鬼?
3. 感謝祖國派【#內地支援隊】來港協助! 亞博自由神像掛飾是巧合?
4. 請大家幫手《聯署支持依法押後香港第七屆立法會選舉》
我們全力支持特區政府依法押後第七屆立法會選舉一年,全力以赴保障市民健康。
請即聯署： https://mobile.newsinfohk.com/?from=singlemessage#/pages/newDetail/newDetail?pid=260&wix=77190
#小市民憑良心
#做實事講真相
#支持國安法
#男人幫大聯盟
#KOL100
#青年快閃社區清潔大行動
#人間記者會
#青年護旗手
——————————————————
五星正能量? 真係爆哂燈?
高Sir疑遭技術限流，請大家幫幫手：
1. 訂閱「高松傑 - 高Sir正能量」youtube 頻道 (訂閱係免費架) https://www.youtube.com/jackyko1109kosir?sub_confirmation=1 /高Sir第二頻道 https://www.youtube.com/channel/UC4bhcFYIoJl06PM1xzTg-QQ?sub_confirmation=1 ；
2. 撳?搶先睇；
3. 贊好並留言支持；
4. 將影片分享開去；
5. 贊好高Sir微博: https://weibo.com/jackyko1109。
