【 除咗食材，「思鄉」原來仲可以插花。#將九州的花帶回家！】
感謝 日本國駐香港總領事館 Consulate-General of Japan in Hong Kong - 日本知多D 邀請，參加九州產花卉「日式插花講座與示範」，由 #草月流師範會理事 #何顯成老師 示範，用九州各種當造靚花為器，創造一件件立體藝術品。
以往提起 #福岡 、 #熊本 或者 #長崎 ，聲些只會諗起 #和牛 、 #雞蛋 ，仲有新鮮 #草莓 。🙈 欣賞過老師表演，先知道原來九州仲有咁多靚花，孤陋寡聞嘅聲些，真係第一次見來自熊本嘅 #丹頂曲葱（ #踊る丹頂 ・ #オドルタンチョウ ・odoru tancho）。之所以叫「 #踊る 」，因為呢款葱花莖部扭曲，真係好似跳緊舞咁，齋睇已經好得意！春天中有來自福岡嘅 #啓翁櫻 （ #啓翁桜 ・ #ケイオウザクラ ・keio zakura）、 #高知縣 嘅 #西施百合 （ #グロリオサ ・ guroriosa ）亦係驚艷 ，仲有來自 #宮崎縣 嘅可愛 #豌豆花 （ #スイートピー ・sui-to pi-），睇到聲些少女心滿瀉！😍
活動尾聲，我哋仲可以跟住何老師一齊挑戰 #草月流 （そうげつりゅう・sogetsuryu） 日式插花。日文插花稱為「 #生花 」（いけばな・ikebana），即係將鮮花活用，展現鮮花最美麗一面於人前。「草月流」極重視自由，插花者可以隨心不受任何拘束，隨心配搭不同花卉。最有趣嘅係，老師話好多時鮮花並唔係主角，欣賞花幹或樹枝嘅線條，反而別有趣味！聲些一邊插一邊沉醉響曲葱嘅舞動姿態，心靈瞬間feel到一陣清新洗滌，享受咗一個好有氣質嘅下午啊。🥰
最後參加者每人都可以帶九州靚花返屋企。聲些冇靚靚日本焼物安置鮮花，只能找個高身杯子承載。不過，小葱花本身形態就已經超級靚，放響屋企，灰色嘅牆瞬間就變成一幅靚畫！未能去九州賞花嘅2021年，暫時就響屋企開個私人花卉展吧。
下次思鄉病發嗰陣，除咗落超市行DONKI……
兜番轉花墟，似乎都係一個好主意。
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysenseid #フォロー宜しく🙋🏻♀️
🔵 F B 🟤 I G 🔴 YouTube 🟠 MeWe：peggysensei
🎧 Clubhouse日本話題節目不定期放送：peggysensei
➖➖➖➖➖➖➖➖
草月流 香港 在 2022年草月流教師會香港支部展何顯成老師作品 - YouTube 的推薦與評價
2022年 草月流 教師會 香港 支部展何顯成老師作品. 何顯成Ho Hin Shing. 何顯成Ho Hin Shing. 371 subscribers. Subscribe. ... <看更多>