今日出勤太平紳士職務, 巡查荔枝角收押所。 相關內容當然我唔方便網上寫出嚟，因為都牽涉好多私隱同保安問題，但係有一樣野我花咗特別多時間，相信公眾會感興趣同有用，在此分享一下。
三日前有報道講林卓廷議員收到被捕羈留人士的投訴，主要係話膳食用紙盒包裝凍哂，食完仲肚痛。 「被羈留人士天寒地凍要捱冷飯盒，係咩囚權！？」
我作為飲食業從業員，當然對呢個課題特別感到有責任去了解清楚，所以我就住呢個問題詳細詢問收押所主管。
原來被捕羈押人士，由於未被法庭定罪，擁有的自由度比已定罪人士高，其中一樣就係可以選擇食用另外俾錢的「私家飯」，簡單啲講就係容許叫外賣。 原來荔枝角收押所有提供即時烹調的早午晚三餐熱食，我今日仲要求即場試食咗多士同埋雞翼，味道合理(當然特別煮比我食同平時同唔同呢好難講)。千多名被羈留人士裏面大約有200個左右（即係15%）會選擇食私家飯。 有三間餐廳經過申請可以提供呢啲私家飯，選擇都算唔少。 呢啲餐廳係直接同被捕人士嘅家人交易嘅，方法係家人直接去呢啲餐廳度落order同埋俾錢。
投訴裏面話用紙盒，我特別要求睇一睇，原來所謂嘅紙盒呢係環保餐具，成本比傳統發泡膠的貴好多（我做呢行我知道），並唔係懲教署要求而係餐廳自願響應環保提供嘅。 講到啲飯已經凍哂，經過了解之後我都覺得好難避免。 以早餐為例，三間供應商都要準時七點將200個餐送到去荔枝角收容所，要煮幾百個早餐當然需要半個鐘啦，然後做好之後送過去餐廳肯定需要時間（最近嗰間步行要20分鐘，我估都係用車掛），送到之後送餐嘅人員要做安全檢查，然後先至可以將啲餐推入去羈留所。 然後懲教署人員要逐盒飯檢查有冇違禁品，成200盒飯，你可以想像個過程都唔會快得去邊，真正送到去被捕人士嘅手中我相信好難唔係凍哂。 所以我都特別提醒羈留所主管盡量快手啲希望餐可以盡快送到被捕人士手中。
無論係被捕人士或者在囚人士, 人權都必須被尊重並且得到公平對待. 相信呢個都係太平紳士制度嘅目的.
#無人被捕就最好 #三張外賣紙不是機密文件
https://www.thestandnews.com/politics/指在囚人士荔枝角收押所捱冷飯肚瀉-林卓廷去信懲教署投訴/
荔枝角收押所 私家飯供應商 在 廣明的懲教生涯's post 的推薦與評價
被稱之為鬼環頭的荔枝角收押所（老荔）之三十八 ... 事件是涉及懲教署署長胡英明宣布對私家飯的餐單有所限制，就是只有一般餐和齋餐兩種，這個是有別 ... ... <看更多>