［Where’s the Beef？！］冇可能唔用呢個題。寫完見到，鬼媒絶大多數都用呢個題
1. 就係，根據分析員（＊）講，美國每五間Wendy’s，就有一間冇牛肉！
2. 點解？正係因為全國肉類短缺。肺炎乜都停工嘛，肉廠都停。
3. 不過，如果我係Wendy’s嘅人，一定借呢個機會化危為機（其實人地一早識做，分店阿姐都知）。
4. 此話何解？人人都賣漢堡包，點解得Wendy’s特別奶嘢？你冇聽到麥當勞冇牛肉賣？因為，Wendy’s一路強調，佢地嘅牛肉係Fresh Never Frozen （https://bit.ly/2W72IrZ）。今次證明真係冇呃你。做乜人地冇影響？人地Frozen咯！
5. 分析員仲話（拿，有料到的），睇區域。俄亥俄，密歇根，紐約就大鑊啲，三成舖都冇。阿里桑拿（第時馬雲可以開返間，credit返我可以了），內華達，路易斯安那等等就冇影響。冇去過美國，除咗NBA外東西岸我都未識分，亦不打算研究點解。
6. 又，循例再講下。一定係用Where’s the Beef呢個題！Wendy’s嘅 catchphrase，著名嘅廣告（https://bit.ly/3dnL3lB）。十分簡單，其他對手強調自己啲包點大點大，Wendy’s廣告阿婆揭開睇，喂，包大牛肉細喎，Where’s the Beef？睇唔到喎！放大鏡都唔見（呢句我講嘅）。以表示自己有肉食。後來呢句嘢成為日常用語，甚至總統大選都用。
7. 又原來，阿婆版本之前，原來有光頭阿伯版，但冇乜效果。而原本想出嗰句嘢係"Where is all the beef?"，但因為阿婆有病講唔到咁長，無心插柳成就經典，less is more．留意廣告仲有續集，自己睇（https://bit.ly/2yncRI1）。美國啲廣告一早已經係直接攻擊對手，開晒名，十分直接。
8. 關於Wendy’s，當然都係講嗰幾樣嘢。首先，就係方型嘅牛肉。十分聰明，有特色。仲要強調自己嘅牛肉多過人（同上），多到突出個包。
9. 第二，當然係要講，香港一早已全面收皮，台灣更早。邊度有？早年，2014年前，我仲在耆英證券，後期成日去吉隆坡，就有了。雖然很多人認為我去到馬來西亞食Wendy’s係十分無聊嘅行為。但晚年仲勁，打從我2015年第一次去日本，我好似次次都食Wendy’s！（正如我差不多每次都食KFC）。而因為好多時我都係去東京（加其他地方），亦好多時係住上野，所以就係去上野車站嗰間（＊＊）。有圖為證（https://bit.ly/35BL56p）。十二點定一點先收的說（再夜啲？對面有間一蘭）。
10. 第三，應該好多人知，但你未知嘅話你知，日本Wendy’s係賣珍珠奶茶的（https://bit.ly/3dnsvSy）
（＊）漢堡包都有分析員！好出奇？月餅都有分析員！你可以Google下
（＊＊）當然食MOS Burger就要去目黑，正如去三Sprit要去興發街（其實我細個真係以為係三字）
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
華達奶茶分店 在 樺達奶茶 的推薦與評價
樺達奶茶， 高雄市。 2098 個讚· 91 人正在談論這個· 176 個打卡次。創立於1982年，白底黑字紙杯，是陪伴許多高雄人的成長記憶。四季冷熱飲供. ... <看更多>