林忌：移民英國，早已成為城中熱話，而當中樓價最低嘅移英地區，甚至提供讀大學免費福利，就係蘇格蘭；然而蘇格蘭於英國，不但議會不同，連法律與教育制度都唔同，而近日成為討論熱話嘅，就係第四度贏出蘇格蘭議會執政地位，再次領導政府嘅蘇格蘭民族黨，提出將於2023年嘅第二次公投獨立，究竟這次公投會否成功？蘇格蘭一旦獨立，對於已移居英國嘅香港人，或者對BNO移民，會有幾大嘅影響呢？
2014年蘇格蘭公投獨立時，最終以45:55嘅比率，決定繼續留英；然而自英國脫歐，以至疫症以來，這幾年可見嘅係支持獨立嘅比率係增加咗；雖然亦有調查指，即使表態支持獨立嘅人多咗，但其「熱衷程度」卻低咗，即不少表態支持獨立嘅人士，也非常關注經濟等嘅影響，而非無條件支持。
目前蘇格蘭嘅民意仍然非常分裂，約有一半人支持獨立，另一半則支持留英，雖然呢個比率，仍有機會隨著時間而上升──就有如2014年嘅公投一樣，一旦公投能夠進行，相信支持度仍會升高。然而最大嘅困難，唔係能否通過，而係能否舉行。2014年嘅公投，係得到當時首相金馬倫（David Cameron）所支持，由倫敦嘅西敏寺授權舉行；而目前嘅首相約翰遜 (Boris Johnson)，則多次表態唔會允許，指英格蘭、蘇格蘭自1707年以來嘅聯盟 (Act of Union)，係只屬中央嘅事務。
然而外界預期，如果中央堅決反對，則蘇格蘭政府必會進行司法覆核，一如早前蘇格蘭對中央政府解散國會，以及有關脫歐問題嘅法律挑戰一樣；然而蘇格蘭首席部長施雅晴，則更進一步指，蘇格蘭政府舉行公投嘅決心不變，反而要入稟法院嘅唔係蘇格蘭嘅一方，而係英國政府需要透過法律程序，要通過法院，才能制止蘇格蘭政府去舉行公投。因此能夠舉行，將會係法律挑戰嘅問題；然而一旦英政府以法律去制止公投，其造成嘅反感只會更大，令外界質疑，舉行公投──即使可能只係咨詢意見嘅公投，只係時間問題。
蘇格蘭人近年支持獨立嘅聲音不斷狀大，其中一大主因，即為自蘇格蘭自治議會於1999年成立以後，其治理嘅效率明顯比以前高得多；近十幾年來，其成就比起英格蘭嘅地方政府更勝一籌。由公共醫療嘅 NHS Scotland 更佳嘅管理效率，對比起英格蘭嘅大排長龍；到對本土青少年提供全額津貼，由政府供養年輕人免費讀大學，對比起英格蘭嘅高額學費；以疫症以來更有效抗封城措施，都令蘇格蘭人真誠地感到，由本土人管理自己地方，不但遠比起西敏寺有效率得多，也有心得多，而且蘇格蘭嘅表現甚至比起英格蘭各地更佳，咁點解仍要留在英國，被中央嘅政策所「拖累」呢？（未完，全文按連結，請訂閱壹週刊）
蘇格蘭移民條件 在 蘇格蘭的天空- BNO英國移民分享會：第一部分總結1. 天氣 的推薦與評價
(資料來源: OECD, Pisa) 蘇格蘭使用Highers 或者Ad. Highers （普遍學習期為五-六年） 作爲大學入學及中學文憑評分基準, 同學在中五時已經可以考Highers並 ... ... <看更多>